უკან

უახლესი ამბები

დღის კალენდარი

ანონსები

არქივი

საზოგადოება

3 ივნისი, 2017 15:45
font-size

სახალხო დამცველმა საქართველოში მოქმედი ბავშვთა სოციალური რეაბილიტაციის პროგრამების შესახებ სამუშაო შეხვედრა გამართა

საქართველოს სახალხო დამცველმა უჩა ნანუაშვილმა ცენტრალური და ადგილობრივი ხელისუფლების წარმომადგენლებთან გამართა სამუშაო შეხვედრა საქართველოში მოქმედი ბავშვთა სოციალური რეაბილიტაციის პროგრამების შესახებ. შეხვედრაზე სახელმწიფოს და ადგილობრივი თვითმმართველობის მიერ შეზღუდული შესაძლებლობის მქონე ბავშვებისთვის შეთავაზებული პროგრამების თაობაზე ინფორმაციის გაცვლას, არსებულ გამოწვევებსა და პრობლემების აღმოფხვრის გზებზე იმსჯელეს, რათა სამომავლოდ ხელი შეეწყოს საჭიროებებზე მორგებული პროგრამების კოორდინირებულ დაგეგმვას, სერვისების განვითარებას და შეზღუდული შესაძლებლობის მქონე ბავშვების უფლებების დაცვას.

სახალხო დამცველის აპარატის ინფორმაციით, ქვეყანაში შეზღუდული შესაძლებლობის მქონე ბავშვებზე ზრუნვის, მათი სოციალური რეაბილიტაციის კუთხით არსებული სიტუაციის ანალიზი ცხადყოფს სერვისების მოცულობის გაფართოების საჭიროებას.

,,მართალია, „სოციალური რეაბილიტაციისა და ბავშვზე ზრუნვის“ სახელმწიფო პროგრამა გარკვეულწილად ითვალისწინებს შეზღუდული შესაძლებლობის მქონე ბავშვების ინტერესებს, თუმცა სრულად ვერ ფარავს მათ საჭიროებებს, რაც გამოწვეულია იმით, რომ წლების განმავლობაში შესაბამისი ღონისძიებები მიზნობრივი ჯგუფის საჭიროებების კვლევის და სტატისტიკის არქონის პირობებში იგეგმება. შედეგად ქვეპროგრამების მაძიებელთა რეესტრი მრავალრიცხოვნობით გამოირჩევა.

მუნიციპალიტეტებში სოციალური დაცვის ღონისძიებებისთვის გათვალისწინებული მწირი რესურსი უმეტესად ერთჯერად ღონისძიებებს ხმარდება ან ფრაგმენტულად აისახება სხვადასხვა მიზნობრივ პროგრამაში.

მწირია სოციალური რეაბილიტაციის პროგრამების დაგეგმვის დროს ცენტრალურ და ადგილობრივ ხელისუფლებას შორის კოორდინირებული მუშაობის პრაქტიკა. თუმცა, ამავდროულად, საქართველოს შრომის, ჯანმრთელობისა და სოციალური დაცვის სამინისტროს წარმომადგენლებმა გამოხატეს მზაობა ადგილობრივ თვითმმართველობას გაუწიონ შესაბამისი კონსულტაცია ასეთი ღონისძიებების დაგეგმვის დროს.

არსებული პროგრამების ხარვეზებზე და გამოწვევებზე ისაუბრეს მშობელთა ორგანიზაციის – „ოჯახები დისკრიმინაციის წინააღმდეგ“ წარმომადგენლებმა, ასევე პროფესიონალებმა, რომლებიც პროგრამებით გათვალისწინებული მომსახურების მიწოდებას ახორციელებენ. განსაკუთრებული ყურადღება გამახვილდა აუტისტურ სპექტრთან დაკავშირებით სახელმწიფოს სტრატეგიის დოკუმენტის შემუშავების, ასევე უშუალოდ ბავშვებთან მომუშავე კადრების სათანადოდ მომზადების აუცილებლობაზე.

სახალხო დამცველმა კიდევ ერთხელ მოუწოდა ხელისუფლების წარმომადგენლებს უზრუნველყონ სოციალური რეაბილიტაციისა და ბავშვზე ზრუნვის სახელმწიფო პროგრამით გათვალისწინებული სერვისების მოცულობის ზრდა და მათი მისაწვდომობა შესაბამისი საჭიროების მქონე ყველა შეზღუდული შესაძლებლობის მქონე ბავშვისთვის. ყურადღება გაამახვილონ რეგიონებში გეოგრაფიული ხელმისაწვდომობის ზრდაზე. ამავდროულად, მნიშვნელოვანია, რომ ადგილობრივმა ხელისუფლებამ უზრუნველყოს არსებული რესურსების სწორად განაწილება და შეზღუდული შესაძლებლობის მქონე პირთათვის მათ საჭიროებებზე გათვლილი პროგრამების შეთავაზება’’, - ნათქვამია სახალხო დამცველის აპარატის მიერ გავრცელებულ ინფორმაციაში.

რას აგვინაზღაურებს ავტოდაზღვევის სრული ნაკრები

7 ივლისი, 2020 , 12:48

მანქანა ყველა მძღოლისთვის კომფორტული გადაადგილების საშუალებაა, თუმცა კომფორტთან ერთად არ უნდა დავივიწყოთ ის ყოველდღიური რისკები, რასთან გამკლავებაც ავტომფლობელებს უწევთ. სხვისი თუ ჩვენი ბრალეულობით მომხდარი ავარია, ქურდო

მსოფლიო ბანკის დახმარებით, საქართველომ COVID-19-ის 400 ათასამდე ტესტი და ხელოვნური სუნთქვის 50 აპარატი შეიძინა

7 ივლისი, 2020 , 12:05

მსოფლიო ბანკის ინფორმაცით, მათი დახმარებით საქართველომ ჯამში COVID-19-ის 400 ათასამდე ტესტი და ხელოვნური სუნთქვის 50 აპარატი შეიძინა. „მსოფლიო ბანკის COVID-19 -ზე რეაგირების საგანგებო ღონისძიებების პროექტის ფარგლებ

კორონავირუსის ხუთივე ახალი შემთხვევა შემოტანილია - მარინა ეზუგბაია

7 ივლისი, 2020 , 12:05

ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით ინფიცირების 5-ვე ახალი შემთხვევა შემოტანილია. „დღეს 5 ახალი დადასტურებული შემთხვევა დაგვემატა, გამოჯანმრთელებულების რიცხვი

შემოქმედებითი პრაქტიკული კურსის „წერის არქიტექტურა` გამარჯვებული გამოვლინდა

7 ივლისი, 2020 , 12:05

ივანე ჯავახიშვილის სახელობის თბილისის სახელმწიფო უნივერსიტეტის და კომპანია „სილქნეტის“ შემოქმედებითი პრაქტიკული კურსის „წერის არქიტექტურა" გამარჯვებული გამოვლინდა. ამის შესახებ „მედიანიუსს“

რას აგვინაზღაურებს ავტომინის ნაკრები

7 ივლისი, 2020 , 12:05

თიბისი დაზღვევამ ავტომფლობელებისთვის სრულიად ახალი ტიპის სადაზღვევო ნაკრები შექმნა. ნაკრები სახელწოდებით ავტომინი მინიმალური დანახარჯით, თვეში 10 ლარიდან, დაგაზღვევთ სხვისი ბრალეულობის გამო მომხდარი ავარიისგან. თიბისი და

საქართველოში კორონავირუსის 5 ახალი შემთხვევა გამოვლინდა

7 ივლისი, 2020 , 10:40

საქართველოში კორონავირუსით ინფიცირების შემთხვევათა რაოდენობა 5-ით გაიზარდა და 958 გახდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს. გამოჯანმრთელებულთა რაოდენობა კი 8-ით გაიზარდა და 838 გახდ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე