უკან

უახლესი ამბები

დღის კალენდარი

ანონსები

არქივი

სამართალი

20 ნოემბერი, 2017 14:30
font-size

სახალხო დამცველმა სასამართლოს გადაწყვეტილების ზედმიწევნითი დასაბუთების მიზნით მიმართა

სახალხო დამცველმა თბილისის საქალაქო სასამართლოს 26 სექტემბერს ბრალდებულ უკრაინის მოქალაქე ი. ს.–ს საექსტრადიციო პატიმრობის აუცილებლობისა და პროპორციულობის დადგენის, შიდა და საერთაშორისო სტანდარტების შესაბამისი გადაწყვეტილების მიღებისა და გადაწყვეტილების ზედმიწევნითი დასაბუთების მიზნით მიმართა.

დოკუმენტაციის შესწავლის შედეგად დადგინდა, რომ 3 ივლისს ბათუმის რაიონულმა პროკურატურამ უკრაინის მოქალაქე ი. ს–ს მიმართ საექსტრადიცო პატიმრობის გამოყენების შუამდგომლობით მიმართა ბათუმის საქალაქო სასამართლოს. 3 ივლისს ბათუმის საქალაქო სასამართლომ შუამდგომლობა დააკმაყოფილა, ხოლო 14 ივლისს ქუთაისის სააპელაციო სასამართლომ საჩივარი დაუშვებლად ცნო. - ამის შესახებ ინფორმაციას სახალხო დამცველის ოფისი ავრცელებს.

განცხადების თანახმად, საქართველოს სახალხო დამცველმა სასამართლო მეგობრის მოსაზრებით მიმართა თბილისის საქალაქო სასამართლოს, რომელიც 30 სექტემბერს საექტრადიციო ვადის გაგრძელების საკითხს განიხილავდა.

„საქართველოს სახალხო დამცველმა, სასამართლო მეგობრის მოსაზრებაში აღნიშნა, რომ ნებისმიერი ტიპის პატიმრობის შეფარდებისას (შიდაეროვნული გამოძიების თუ საექტრადიციო მიზნებისთვის) სახელმწიფო ვალდებულია, დაასაბუთოს, თუ რატომ არის აუცილებელი პატიმრობა. პატიმრობის შეფარდების შესახებ დასკვნის გამოტანამდე აუცილებელია, სასამართლომ განიხილოს ალტერნატიული, ნაკლებად შემზღუდავი საპროცესო ღონისძიებების შესაბამისობა აღკვეთის მიზანთან. ამასთანავე, ქალი ბრალდებულების მიმართ, როგორც შიდა, ისე საექტრადიციო პატიმრობის დროს, სასამართლომ მხედველობაში უნდა მიიღოს მისი პიროვნება, ოჯახური გარემოება – ჰყავს თუ არა ბავშვი, არის თუ არა ძირითადი აღმზრდელი და რა გავლენას მოახდენს მისი დაპატიმრება ბავშვის ჭეშმარიტ ინტერესებზე.

სისხლის სამართლის საპროცესო კოდექსში პირდაპირ არის მითითებული, პატიმრობის შესახებ გადაწყვეტილება უნდა იყოს დასაბუთებული. ამასვე აწესებს საერთაშორისო სტანდარტები. ევროპის საბჭოს მინისტრთა კომიტეტის 2012 წლის რეკომენდაციით, წევრი სახელმწიფოებისადმი განსაზღვრულია, რომ უცხოელ პატიმრებს უნდა მოეპყრონ ადამიანის უფლებების პატივისცემის დაცვით და მათი კონკრეტული მდგომარეობისა და ინდივიდუალური საჭიროებების სათანადო გათვალისწინებით.

უცხოელ ბრალდებულებს უნდა ჰქონდეთ უფლება, რომ მათ მიმართ განხილულ იქნეს ისეთივე არასაპატიმრო ზომები, როგორიც სხვა ბრალდებულების მიმართ. უცხოელი ბრალდებულები არ უნდა იმყოფებოდნენ პატიმრობაში თავიანთი სტატუსის გამო, არამედ მხოლოდ მაშინ, სხვა ბრალდებულების მსგავსად, როდესაც ის მკაცრ აუცილებლობას წარმოადგენს, უკიდურესი ზომის სახით.

თბილისის საქალაქო სასამართლომ საექსტრადიციო პატიმრობის გაგრძელების შესახებ შუამდგომლობა დააკმაყოფილა“,-ნათქვამია განცხადებაში.

საკვანძო სიტყვები:

დამამძიმებელ გარემოებებში განზრახ მკვლელობაში ბრალდებულს 20 წლით თავისუფლების აღკვეთა მიესაჯა

5 ივნისი, 2020 , 15:15

პროკურატურის მიერ წარდგენილი მტკიცებულებების საფუძველზე, დამამძიმებელ გარემოებებში განზრახ მკვლელობასა და ცეცხლის წაკიდებით სხვისი ნივთის განზრახ დაზიანებაში ბრალდებულს 20 წლით თავისუფლების აღკვეთა მიესაჯა. ამის შესახებ

აშშ-ის იუსტიციის დეპარტამენტი საქართველოს პროკურატურას გაწეული მნიშვნელოვანი დახმარებისთვის მადლობას უხდის

5 ივნისი, 2020 , 11:41

ამერიკის შეერთებული შტატების იუსტიციის დეპარტამენტი საქართველოს გენერალურ პროკურატურას გაწეული მნიშვნელოვანი დახმარებისთვის მადლობას უხდის. საქართველოს გენერალური პროკურატურის ცნობით, ამის შესახებ ინფორმაცია განთავსებული

პოლიციამ ბაგებში მომხდარ დაპირისპირების ფაქტზე, რასაც ორი ადამიანის დაჭრა მოყვა, ორი პირი დააკავა

5 ივნისი, 2020 , 10:35

თბილისში ჯგუფურად ძალადობის, ორი პირის ჯანმრთელობის განზრახ მძიმე დაზიანებისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით ორი პირი დააკავეს. ინფორმაციას ამის შესახებ საქართველოს შინაგან სა

მაისში უკანონო ტყითსარგებლობის 155 ფაქტი გამოვლინდა

4 ივნისი, 2020 , 12:55

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2020 წლის 01 მაისიდან 31 მაისის ჩათვლით, ხე-ტყის უკანონო მოპოვებისა და ტრანსპორტირების 155 ფაქტი გამოავლინეს,

შსს გლდანის ხევში აღმოჩენილი ახალშობილის გარდაცვალების ფაქტს ეხმაურება

3 ივნისი, 2020 , 21:51

შინაგან საქმეთა სამინისტრო ეხმაურება 2020 წლის 2 ივნისს გლდანის ხევში აღმოჩენილი ახალშობილის გარდაცვალების ფაქტს შინაგან საქმეთა სამინისტრო გლდანის ხევში აღმოჩენილი ახალშობილის გარდაცვალების ფაქტს ეხმაურება. როგორც უწყებ

თურქეთის ცხრა მოქალაქეს პატიმრობა შეეფარდა

3 ივნისი, 2020 , 17:05

თბილისის საქალაქო სასამართლომ საზღვრის უკანონო კვეთის ბრალდებით დაკავებულ თურქეთის ცხრა მოქალაქეს აღკვეთის ღონისძიებად პატიმრობა შეუფარდა. დაცვის მხარე ითხოვდა აღკვეთის ღონისძიებად რვა პირის შემთხვევაში ათი ათას, ხოლო ერ

პირდაპირი TV

daily calendar

ვიდეო გალერეა

ქრისტე აღსდგა!