პოლიტიკა


სახელმწიფო ენის დეპარტამენტი პარლამენტს მუშაობის სრულ ანგარიშს სექტემბერში წარუდგენს
განათლების, მეცნიერებისა და კულტურის კომიტეტის თავმჯდომარე მარიამ ჯაში სახელმწიფო ენის დეპარტამენტის ხელმძღვანელს გიორგი ალიბეგაშვილს შეხვდა.
პარლამენტის პრესსამსახურის ინფორმაციით, სამუშაო შეხვედრაში ასევე დეპარტამენტის ექსპერტთა კომისიის თავმჯდომარე მერაბ ჩუხუა და დეპარტამენტის თანამშრომლები მონაწილეობდნენ.
გიორგი ალიბეგაშვილმა სახელმწიფო ენის დეპარტამენტის მიმდინარე საქმიანობასა და უახლოეს გეგმებზე ისაუბრა. განიხილეს, ასევე, ქართული ენის სტანდარტიზაციისა და ტრანსლიტერაციის პრობლემებთან დაკავშირებული საკითხები.
როგორც შეხვედრაზე აღინიშნა, ერთ-ერთი უმნიშვნელოვანესი საკითხია ევროკავშირისა და გაეროს სამუშაო ენების ბგერითი სისტემის ქართულ ენაზე და, პირიქით, ქართული ენის ბგერითი სისტემების ევროკავშირისა და გაეროს სამუშაო ენებზე ტრანსლიტერაციის წესების შემუშავება და დახვეწა, რაც აუცილებელია საერთაშორისო სავაჭრო, სამხედრო და კულტურული მიმართულების ორგანიზაციებთან სრულფასოვანი ურთიერთობისათვის.
„გიორგი ალიბეგაშვილის ინფორმაციით, სახელმწიფო ენის დეპარტამენტის ექსპერტთა კომისია მუშაობს ქართული ენის სწავლის, სწავლებისა და შეფასების სისტემაზე, რომელიც საერთო ევროპულ რეკომენდაციათა ჩარჩოს შეესაბამება. სისტემა ენის სწავლებას ოთხი ენობრივი კრიტერიუმის მიხედვით გულისხმობს. სამომავლოდ, აღნიშნული კრიტერიუმებით შემუშავებული საგამოცდო პროგრამის მეშვეობით მოხდება საქართველოს მოქალაქეობის მინიჭება და საჯარო უწყებაში იმ პირთა მიღება, რომელთაც ქართულ ენაზე განათლება არ მიუღიათ.
როგორც შეხვედრაზე ითქვა, 2018 წლის საშემოდგომო სესიისთვის დასრულდება მუშაობა „რეკლამის შესახებ“ საქართველოს კანონში შესატან ცვლილებებზე, რომლითაც საქართველოს ტერიტორიაზე რეკლამის სახელმწიფო ენაზე გავრცელების წესი შემუშავდება. კანონპროექტის მიხედვით, რეკლამა ქართული სალიტერატურო ენის ნორმებსა და ტრანლიტერაციის წესებს უნდა შეესაბამებოდეს“, - აღნიშნულია ინფორმაციაში.
როგორც ინფორმაციაშია აღნიშნული, სექტემბერში საქართველოს პარლამენტის წევრებისა და დაინტერესებული პირებისთვის სახელმწიფო ენის დეპარტამენტის მუშაობის სრული ანგარიშის წარდგენა იგეგმება.
საკვანძო სიტყვები:
ვაქცინაზე საქართველო ევროკავშირის მხრიდან სოლიდარულ გადაწყვეტილებას ელის - სალომე ზურაბიშვილი
21 იანვარი, 2021 , 17:25

საქართველო არის სამართლებრივად გამართლებული, აღიარებული, როგორც ომის მსხვერპლი, ეს ქვეყნისთვის დიდი მიღწევაა - სალომე ზურაბიშვილი
21 იანვარი, 2021 , 16:25

რამდენიმე მთავარი საკითხია, რისთვისაც მზად ვართ, არათუ ალეკო ელისაშვილს, არამედ ნებისმიერ ოპონენტს ვესაუბროთ - გია ვოლსკი
21 იანვარი, 2021 , 15:35

ოპოზიციასთან მოლაპარაკებებიც და კინკლაობაც დავასრულეთ, მე და ლევან იოსელიანი მზად ვართ საჯაროდ შეგხვდეთ „ქართულ ოცნებას` და დავილაპარაკოთ - ალეკო ელისაშვილი
21 იანვარი, 2021 , 14:55

პარლამენტის ორ კომიტეტში დაგეგმილი მინისტრებთან შეხვედრა დახურულია
21 იანვარი, 2021 , 14:20

დღეს, საქართველოს უახლოეს ისტორიაში უმნიშვნელოვანესი დღეა, საერთაშორისო სასამართლოს მიერ პირველად მიეცემა შეფასება 2008 წლის რუსეთ-საქართველოს ომს - გიორგი გახარია
21 იანვარი, 2021 , 12:20