უკან
საზოგადოება
16 მარტი, 2017 12:30
სახელმწიფო იჩენს კეთილ ნებას და ბავშვთა სამყაროს ხანძრით დაზარალებულებს ერთჯერადად დაეხმარება - გიორგი ალიბეგაშვილი
თბილისის საკრებულოს თავმჯდომარის გიორგი ალიბეგაშვილის ინფორმაციით, სავაჭრო ცენტრ ბავშვთა სამყაროს ხანძრით დაზარალებულ მოვაჭრეებს ერთჯერადად დაეხმარება.
მისი თქმით, როგორც კი შედგება სრული სია, გაიცემა ერთჯერადი დახმარება, სიების გადახედვის შემდეგ კი, დადგინდება კომპენსაციის ოდენობაც.
"მიუხედავად იმისა, რომ ეს არის სამართლებრივი პროცესი მესაკუთრესა და ქვემოიჯარეებს შორის, სახელმწიფო იჩენს კეთილ ნებას, რათა გამოხატოს თანადგომა. ამისათვის, თავისი შესაძლებლობების ფარგლებში, ის აღმოუჩენს ყველას, ვგულისმობ ქვემოიჯარეებს, ერთჯერად დახმარებას. ჩვენ ველოდებით დაზუსტებულ სიას და ამის მიხედვით განისაზღვრება თანხა", - განაცხადა ალიბეგაშვილმა.
ნინო ექვთიმიშვილი