საზოგადოება

სახელმწიფოს ვალდებულებაა და მე გპირდებით, რომ ნებისმიერი ძალადობრივი ფაქტი ბოლომდე იქნება მიყვანილი და თოთოეულ გამოძიებაზე შედეგი დადგება - გიორგი გახარია

ნებისმიერი ძალადობრივი ფაქტი , რომელიც წინასაარჩევნო პერიოდში მოხდა რა თქმა უნდა სრულად და ბოლომდე უნდა იყოს გამოძიებული, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს სხდომის შემდეგ, მთავრობის ადმინისტრაციაში გამართულ ბრიფინგზე ჟურნალისტის კითხვის საპასუხოდ განაცხადა, რომელიც ძალადობის ფაქტებს შეეხებოდა.
მისი თქმით, თოთოეულ გამოძიებაზე შედეგი დადგება.
„მე ძალიან კარგად მესმის პოლიტიკური ინტერესიდან და კონიუნქტურიდან გამომდინარე ვიღაცა შეიძლება დაინტერესებულია ეს გამოძიება მოხდეს რეგლამენტირებულ დროზე უფრო სწრაფად, ვიღაცა ცდილობს, რომ რეგლამენტირებული დრო სრულად გამოიყენოს ეს არის გარკვეული ნიუანსები.
სახელმწიფოს ვალდებულებაა და მე გპირდებით, რომ ნებისმიერი ასეთი ძალადობრივი ფაქტი ბოლომდე იქნება მიყვანილი და თოთოეულ გამოძიებაზე შედეგი დადგება“, - განაცხადა გიორგი გახარიამ.