საზოგადოება

საკონსტიტუციო მონარქიაზე გუნდში მსჯელობა გვექნება - ირაკლი კობახიძე

საკონსტიტუციო მონარქიაზე გუნდში მსჯელობა გვექნება, - განაცხადა საქართველოს პარლამენტის თავმჯდომარემ, ირაკლი კობახიძემ საკონსტიტუციო მონარქიის შესახებ პატრიარქის ინიციატივასთან დაკავშირებით.

კობახიძის თქმით, საკონსტიტუციო მონარქიის საკითხზე გუნდში ჯერ არ უმსჯელიათ.

ამასთან, პარლამენტის თავმჯდომარე არ აკონკრეტებს, თავის პირად დამოკიდებულებას, შეხედულებას მონარქიაზე და ამბობს, რომ კომენტარი, მხოლოდ მსჯელობის შემდეგ გაკეთდება.

ცნობისათვის, სრულიად საქართველოს კათოლიკოს პატრიარქმა ილია მეორემ იმედი გამოთქვა, რომ ქართველი ადამიანი გამონახავს გზებს მშვიდობისაკენ.

,,იქნებ გვეფიქრა იმაზე, რომ საქართველო არის უძველესი მონარქია. ღვთის წყალობით, მეფე გვმართავდა. დღეს ხშირი შემთხვევაა მსოფლიოში, როცა მონარქი ეწოდება, მეფე მეფობს, მაგრამ არ მართავს. ამას ეწოდება კონსტიტუციური მონარქია და სიმშვიდე შემოაქვს ქვეყანაში. ეს, რა თქმა უნდა, დღეს და ხვალ ვერ მოხდება, მაგრამ ჩვენ უნდა გავაანალიზოთ წარსული, დღევანდელი დღე და მომავალი",- განაცხადა უწმინდესმა.

ნინო ექვთიმიშვილი