უკან

უახლესი ამბები

დღის კალენდარი

ანონსები

არქივი

პოლიტიკა

31 ივლისი, 2018 16:55
font-size

საკონსტიტუციო სასამართლომ ჩაიდინა ისტორიული დანაშაული - შალვა ნათელაშვილი

„ლეიბორისტული პარტიის“ ლიდერმა შალვა ნათელაშვილმა საკონსტიტუციო სასამართლოს გადაწყვეტილებას, მარიხუანის მოხმარებასთან დაკავშირებით, „ისტორიული დანაშაული“ უწოდა.

ნათელაშვილის თქმით, მისი გაპრეზიდენტების შემთხვევაში ის საკონსტიტუციო სასამართლოს გააუქმებს.

„მარიხუანის მოწევაზე ადამიანის ციხეში დაჭერა რომ არ შეიძლება, ამაზე საზოგადოების ძირითადი ნაწილი შევთანხმდით, მაგრამ გუშინ საკონსტიტუციო სასამართლომ ჩაიდინა ისტორიული დანაშაული და ნარკოტიკის ეს სახეობა გამოაცხადა სრულიად ლეგალიზებულად, მოაქცია ის სამოქალაქო ბრუნვის ჩვეულებრივ პროცესში, რითაც ივანიშვილების ოჯახი გადაიქცა რეგიონში უდიდესი ნარკომილიარდების მფლობელად.

ჩემი გაპრეზიდენტებისთანავე ნარკოვაჭრობაზე დაწესდება სამუდამო პატიმრობა, აიკრძალება ნარკოტიკების პროპაგანდა და დამნაშავე საკონსტიტუციო სასამართლო იქნება დაშლილი, გაუქმებული და ის შეუერთდება საერთო იურისდიქციის სასამართლოებს, როგორც ეს ევროპის დემოკრატიულ ქვეყნებშია.

საშინელი განსაცდელის წინაშე დავდექით. რამდენიმე ათეული წლის შემდეგ აქ იცხოვრებს არაბიც, თურქიც, ირანელიც და ყველა ხალხი ქართველების გარდა. და ამის ავტორი და შემოქმედი იქნება ეს კორუმპირებული ხელისუფლება და რეჟიმი, რომელმაც თვითონ ვერ გაბედა გაეკეთებინა ნარკოტიკების ესეთი დანაშაულებრივი ლეგალიზაცია და გააკეთებინა მორჩილ საკონსტიტუციო სასამართლოს მონა-მოსამართლეებს.

მე მაინტერესებს, მინდა, ვკითხო, ივანიშვილის ოჯახს, პარლამენტის წევრებს, მთავრობის მინისტრებს, თუ დაუწვებით თქვენ ნარკოტიკებით გაბრუებულ ქირურგს ოპერაციისათვის, თუ დაუჯდებით მარიხუანით დაბოლებულ მძღოლს, პილოტს, მემანქანესა და კაპიტანს მოგზაურობაში? თუ ენდობით ნარკოტიკული თრობის სტადიაში პროკურორის, მოსამართლის, პოლიციელის მიერ მიღებულ გადაწყვეტილებებს? თუ გაუშვებთ შვილებს ნარკომან ლექტორთან, მასწავლებელთან და აღმზრდელთან ცოდნის მისაღებად? აი, რა ტრაგედიამდე მიგვიყვანეს და დატოვეს ყოველგვარი სამართლებრივი რეგულირების გარეშე ნარკოტიკი, რომლიდანაც იწყება უფრო მძიმე ნარკოტიკების მიღება, მოგეხსენებათ, მარიხუანა პირველი, მოსამზადებელი ჯგუფია უფრო სერიოზულ ნარკოტიკებზე გადასასვლელად. და ეს ყველაფერი დაიწყო იმით, რომ ბერა ივანიშვილის რეპი გამოქვეყნდა [საუბარია ბერას ტრეკზე Legalize], სადაც ის სიმღერით მოუწოდებდა ნარკოტიკების ლეგალიზაციისკენ“, - განაცხადა ნათელაშვილმა.

ცნობისთვის, გუშინ საქართველოს საკონსტიტუციო სასამართლოს პირველმა კოლეგიამ „გირჩის“ წევრების ზურაბ ჯაფარიძისა და ვახტანგ მეგრელიშვილის ერთობლივი სარჩელი დააკმაყოფილა, რომლითაც მარიხუანას მოხმარებაზე ადმინისტრაციული სასჯელი გააუქმა.

"ლეიბორისტული" პარტიის თავმჯდომარე, საქართველოს პრეზიდენტობის კანდიდატი, შალვა ნათელაშვილი საკონსტიტუციო სასამართლოს იმ გადაწყვეტილებას აკრიტიკებს, რომლის მიხედვითაც მარიხუანას მოხმარება ლეგალიზებული გახდა.

ნათელაშვილის თქმით, ნარკოტიკების მოხმარების ლეგალიზება დიდი შეცდომაა.

„გუშინ, საკონსტიტუციო სასამართლომ ჩაიდინა ისტორიული დანაშაული და ნარკოტიკის ეს სახეობა გამოაცხადა სრულიად ლეგალიზებულად, მოაქცია ის სამოქალაქო ბრუნვის ჩვეულებრივ პროცესში, რითაც ივანიშვილების ოჯახი გადაიქცა რეგიონში უდიდესი ნარკომილიარდების მფლობელად,“ - განაცხადა ნათელაშვილმა.

შალვა ნათელაშვილის განცხადებით, მისი პრეზიდენტად არჩევის შემთხვევაში საკონსტიტუციო სასამართლო გაუქმდება, როგორც ცალკე ინსტიტუტი.

„ჩემი გაპრეზიდენტებისთანავე ნარკოვაჭრობაზე დაწესდება სამუდამო პატიმრობა, აიკრძალება ნარკოტიკების პროპაგანდა და დამნაშავე საკონსტიტუციო სასამართლო იქნება დაშლილი, გაუქმებული და ის შეუერთდება საერთო იურისდიქციის სასამართლოებს, როგორც ეს ევროპის დემოკრატიულ ქვეყნებშია,“ - განაცხადა შალვა ნათელაშვილმა.

გუშინ, საკონსტიტუციო სასამართლოს პირველმა კოლეგიამ დააკმაყოფილა "გირჩის" სარჩელი მარიხუანას ლეგალიზებასთან დაკავშირებით. სასამართლოს გადაწყვეტილებით, მარიხუანას მოხმარებისთვის პირს ადმინისტრაციული ჯარიმა არ დაეკისრება.

საქართველოს პარლამენტმა 2020 წლის ბიუჯეტი დაამტკიცა

10 დეკემბერი, 2019 , 22:02

საქართველოს პარლამენტმა 83 ხმით, 2020 წლის ბიუჯეტი დაამტკიცა. მომავალი წლის ბიუჯეტში შენარჩუნებულია ფისკალური და მაკროეკონომიკური სტაბილურობისთვის აუცილებელი პარამეტრები. სახელმწიფო ბიუჯეტის საგადასახადო შემოსავლების გეგ

ვერც ერთმა ხელისუფლებამ ვერ გააცნობიერა, რომ ეკლესია და საქართველო განუყოფელია - ალექსანდრე ერქვანია

10 დეკემბერი, 2019 , 16:25

ხელისუფლების დუმილმა, უმოქმედობამ და ზოგიერთების მხრიდან ფარულმა მხარდაჭერამ ხელი შეუწყო ეკლესიისადმი მტრულად განწყობილ ძალებს წლების განმავლობაში ეწარმოებინათ ბრძოლა ეკლესიისა და პატრიარქის წინააღმდეგ, - ამის შესახებ დე

ჩვენი ამოცანაა ჯალათი მოსამართლეები არ აირჩიოს პარლამენტმა - ეკა ბესელია

10 დეკემბერი, 2019 , 14:20

ჩვენი ამოცანაა, რომ წარსულის ცუდი საქმეების გამკეთებელი და ჯალათი მოსამართლეები არ აირჩიოს პარლამენტმა, – ამის შესახებ დამოუკიდებელმა დეპუტატმა, ეკა ბესელიამ ჟურნალისტებს განუცხადა. „აბსოლუტური ფიქციაა საუბარ

ალექსანდრე ერქვანიამ საპარლამენტო უმრავლესობა დატოვა

10 დეკემბერი, 2019 , 14:20

საპარლამენტო უმრავლესობა კიდევ ერთმა დეპუტატმა დატოვა. დეპუტატმა ალექსანდრე ერქვანიამ საპარლამენტო უმრავლესობის დატოვების შესახებ პარლამენტის პლენარულ სხდომაზე გააკეთა განცხადება. ალექსანდრე ერქვანიამ აღნიშნა, რომ დამოუკ

მმართველი პარტიისგან მივიღეთ დაპირება, რომ საარჩევნო სისტემაზე შეთავაზებების განხილვას სერიოზულად მოეკიდებიან - ანდრიუს კუბილიუსი

10 დეკემბერი, 2019 , 14:20

ევრონესტის საპარლამენტო ასამბლეის ვიცე-პრეზიდენტმა, ანდრიუს კუბილიუსმა თბილისში, ევრონესტის საპარლამენტო ასამბლეის თანაპრეზიდენტების პრესკონფერენციაზე მედიის კითხვებსაც უპასუხა. ერთ-ერთი შეკითხვა ეხებოდა ოპოზიციის ინიცია

პარლამენტის პლენარულ სხდომაზე 2020 წლის სახელმწიფო ბიუჯეტის პროექტს განიხილავენ

10 დეკემბერი, 2019 , 10:15

საქართველოს პარლამენტის პლენარულ სხდომაზე დღეს დეპუტატები 2020 წლის სახელმწიფო ბიუჯეტის კანონპროექტის საბოლოო ვერსიას განიხილავენ. 2020 წლის ბიუჯეტის საბოლოო დოკუმენტში ასიგნებები 14 მილიარდ 432 მილიონ ლარამდეა გაზრდილი.

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`