პოლიტიკა

საკონსტიტუციო ცვლილებების პროცესი უნდა გაჩერდეს - ფიქრია ჩიხრაძე

პრეზიდენტის მრჩევლის, ფიქრია ჩიხრაძის განცხადებით, საკონსტიტუციო ცვლილებების განხილვა უნდა გაჩერდეს.

ჩიხრაძის თქმით, ხელისუფლება დიალოგისაკენ და თანამშრომლობისაკენ უნდა იყოს მიმართული ამ საკითხში.

„რეალობა, რომელიც შეიქმნა საკონსტიტუციო ცვლილებებთან დაკავშირებით, განსაკუთრებით ვენეციის კომისიის შემდეგ, აჩენს მოლოდინს, რომ პროცესი უნდა გაჩერდეს. ხელისუფლებამ უნდა გადადგას ნაბიჯი, რათა შექმნილ ვითარებაში დიალოგისთვის, კონსენსუსისთვის ახალი შესაძლებლობები გაჩნდეს. ხოლო ეს ყველაფერი უნდა ემსახურებოდეს იმას, რომ ბევრად უკეთესი კონსტიტუცია მივიღოთ, რომელიც მისაღები იქნება ქართული საზოგადოებისთვის“, - განაცხადა პრეზიდენტის მრჩეველმა.