უკან

უახლესი ამბები

დღის კალენდარი

ანონსები

არქივი

პოლიტიკა

28 ოქტომბერი, 2017 11:05
font-size

საკონსტიტუციო ცვლილებებზე პრეზიდენტის ხელმოუწერლობა იქნებოდა გამოყენებული ჩვენი სახელმწიფოებრიობის წინააღმდეგ - გიორგი მარგველაშვილი

საქართველოს პრეზიდენტმა გიორგი მარგველაშვილმა ჟურნალისტებსა და საქართველოს მოსახლეობას საკონსტიტუციო რეფორმის პროცესში აქტიური ჩართულობისათვის მადლობა გადაუხადა და კიდევ ერთხელ განმარტა საკონსტიტუციო ცვლილებებზე ხელმოწერის საფუძველი.

გიორგი მარგველაშვილის განცხადებით, საკონსტიტუციო ცვლილებებზე პრეზიდენტის ხელის არმოწერა გამოყენებული იქნებოდა ჩვენი სახელმწიფოებრიობის წინააღდეგ ძალიან ნათელი მესიჯით, რომ საქართველო ვერ შედგა როგორც დემოკრატია, იმიტომ რომ კონსტიტუციაზე არ არის პრეზიდენტის ხელმოწერა.

როგორც პრეზიდენტმა განაცხადა, საკონსტიტუციო რეფორმის პროცესის დაწყების პირველივე დღიდან საკონსტიტუციო კომისიაში არშესვლით ძალიან რადიკალური ნაბიჯი გადადგა და ბევრი კრიტიკაც მიიღო.

გიორგი მარგველაშვილის განცხადებით, ამ თვალსაზრისით ყველაფერი გამართლდა და საკონსტიტუციო კომისიამ ბოლოს დადო დოკუმენტი, რომელსაც ერთპარტიული ხელმოწერა ჰქონდა.

„მერე იყო გრძელი პროცესი ჩვენი პარტნიორებისა და საერთაშორისო ექსპერტების იმედგაცრუების, შემდეგ იყო ვეტო და ამ ვეტოს წინ უძღოდა ძალიან მნიშვნელოვანი კონსენსუსი პარტიებს შორის.

ვეტო დაიძლია და ჩემს წინაშე დადგა დილემა: გამეგრძელებინა ის პოლიტიკური პროცესი, რომელიც მე მარტომ დავიწყე, თუმცა საბოლოოდ მარტო თავის პულტებთან დარჩა „ქართული ოცნება“, თუ მომეწერა კონსტიტუციისთვის ხელი.

ეს იყო დილემა. იმიტომ რომ, ერთი მხრივ, ლოგიკური იყო პოლიტიკური პროცესი გამეგრძელებინა და მიმეყვანა თავის საბოლოო დასასრულამდე, მაგრამ მეორე მხრივ, მე ვიცოდი რა ნაღმებს ვდებდი ჩვენს სახელმწიფოებრიობაში.

იმიტომ რომ კონსტიტუციის ხელმოწერასა და არმოწერას შორის არის განსხვავება იმ თვალსაზრისით, რომ გვინდა კი, საერთოდ, კანონი თუ ქვეყნის ყველაზე მაღალი ლეგიტიმაციის პოლიტიკური პირი საზოგადოებას ეუბნება, რომ ამ კანონს უკანონობა ჯობია. ეს იქნებოდა უაღრესად სახიფათო ჩვენი სახელმწიფოსთვის.

ეს იქნებოდა გამოყენებული ჩვენი სახელმწიფოებრიობის წინააღმდეგ ძალიან ნათელი მესიჯით, რომ საქართველო ვერ შედგა როგორც დემოკრატია, იმიტომ რომ კონსტიტუციაზე არ არის პრეზიდენტის ხელმოწერა.

ეს იქნებოდა სახიფათო იმ თვალსაზრისით, რომ ნებისმიერი დესტრუქციული ჯგუფი, რომელიც დაგეგმავდა რაიმე ტიპის დაუმორჩილებლობას, მათი მოწოდება კონსტიტუციის ფარგლებში იქნებოდა ძალიან სუსტი, იმიტომ რომ ამ კონსტიტუციას არ ექნებოდა ასეთი ლეგიტიმაცია.

ჩემს წინაშე იყო დილემა საერთოდ ამ კანონის აღიარებასა თუ მის არაღიარებას შორის.

ეს იყო დილემა ჩემი პოლიტიკური გზის, კიდევ ერთხელ იმ გზის, რომელიც მე დავიწყე, გაგრძელებასა თუ საკუთარ პოლიტიკურ ქულებზე უარის თქმასა და სახელმწიფოებრიობის უფრო მაღალ ღირებულებად დაყენებას შორის.

და მე გადავდგი ეს რთული ნაბიჯი, რომელმაც ბუნებრივია, გამოიწვია ბევრი ადამიანის უარყოფითი რეაქცია.

მე დღეს მინდა მათ ვუთხრა, რომ ყოველთვის, როდესაც ჩემს წინ იქნება დილემა, ჩემს პოლიტიკურ ინტერესებსა და სახელმწიფოს შორის, ბუნებრივია მე სახელმწიფოს ინტერესებს პრიორიტეტულად დავაყენებ”, - განაცხადა გიორგი მარგველაშვილმა.

დემოკრატიის გზაზე საქართველო ნაბიჯს უკან დგამს - საქართველოში ამერიკის ყოფილი ელჩი

19 ნოემბერი, 2019 , 12:40

თბილისში მიმდინარე მოვლენებთან დაკავშირებით, "ამერიკის ხმასთან" კომენტარი გააკეთა საქართველოში ამერიკის ყოფილმა ელჩმა, კენეტ იალოვიცმა. მისი თქმით, ხალხს აქვს გამოხატვის უფლება და მათ უნდა ჰქონდეთ საშუალება მშვიდობიანი მ

ჟენევის საერთაშორისო მოლაპარაკებების თანათავმჯდომარეებთან შეხვედრა გაიმართა

19 ნოემბერი, 2019 , 10:55

საგარეო საქმეთა სამინისტროში გაიმართა ჟენევის საერთაშორისო მოლაპარაკებების 50-ე რაუნდის მოსამზადებელი შეხვედრა თანათავმჯდომარეებთან ევროკავშირის, გაერო-სა და ეუთო-ს მხრიდან. საგარეო უწყების ცნობით, შეხვედრას ქართული მხრი

რუსთველის გამზირზე საპოლიციო ღონისძიება წესრიგის აღსადგენად ჩატარდა - კახა კალაძე

18 ნოემბერი, 2019 , 20:30

საქართველოში დაცულია სიტყვისა და გამოხატვის თავისუფლება, თუმცა პარლამენტთან ოპოზიციის ქმედებები კანონის ჩარჩოებს გასცდა, – ამის შესახებ პარტია „ქართული ოცნების“ გენერალურმა მდივანმა, კახა კალაძემ განაცხ

ვაჟა გაფრინდაშვილის გათავისუფლებისთვის ჩვენ გვჭირდება სიმშვიდე და ერთიანობა - არჩილ თალაკვაძე

18 ნოემბერი, 2019 , 20:05

ხელისუფლება და ჩვენ, საერთაშორისო საზოგადოებასთან ერთად, ყველაფერს ვაკეთებთ, რომ ვაჟა გაფრინდაშვილი დაუბრუნდეს თავის ოჯახს და თავის საქმეს, - ამის შესახებ პარლამენტის თავმჯდომარე არჩილ თალაკვაძემ ბიუროს სხდომაზე განაცხად

ოპოზიციას ვუბრუნებ გაჭრილ ჯაჭვსა და ბოქლომს - არჩილ თალაკვაძე

18 ნოემბერი, 2019 , 19:53

საქართველოს პარლამენტის თავმჯდომარემ, არჩილ თალაკვაძემ პარლამენტის ბიუროს სხდომაზე ოპოზიციის წარმომადგენლებს სიმბოლურად ბოქლომი დაუბრუნა. როგორც არჩილ თალაკვაძემ აღნიშნა, ბოქლომი არის სიმბოლო, რომელიც გამოხატავს ოპოზიციი

მოვუწოდებ ჩვენს კოლეგებს, არ მიიღონ მონაწილეობა პარლამენტის ბლოკირებაში, რადგან ამას სახელმწიფოს მხრიდან მოჰყვება შესაბამისი რეაგირება - მამუკა მდინარაძე

18 ნოემბერი, 2019 , 16:00

უმრავლესობის წევრი მამუკა მდინარაძე პარლამენტთან მიმდინარე აქციის მონაწილეებს აფრთხილებს და ოპოზიციის წარმომადგენლებს მიმართავს. მისი თქმით, ბიუროს სხდომა აუცილებლად უნდა გაიმართოს. "ვფიქრობ, რომ ბიუროს სხდომა აუცილებლად