კომენტარი

საყოველთაო ჯანდაცვის პროგრამა გაგრძელდება - დავით სერგეენკო

შრომის, ჯანმრთელობისა და სოციალური დაცვის მინისტრის მოვალეობის შემსრულებლის დავით სერგეენკოს განცხადებით, ქვეყანაში საყოველთაო ჯანდაცვის პროგრამა გაგრძელდება.

ამის შესახებ სერგეენკომ ჟურნალისტების კითხვის საპასუხოდ განაცხადა.

როგორც მინისტრის მოვალეობის შემსრულებელმა აღნიშნა, პროგრამაში ცვლილებები განხორციელდება, თუმცა ისინი არსებული რესურსების კიდევ უფრო ეფექტურად გამოყენებისთვის იქნება მიმართული.

”საყოველთო ჯანდაცვის პროგრამა გაგრძელდება. ცვლილებები იქნება და ეს ცვლილებები მიმართული იქნება იმისკენ, რომ არსებული რესურსები კიდევ უფრო ეფექტურად იყოს გამოყენებული, და მათთვის, ვისაც ყველაზე უფრო მეტად სჭირდება მიწვდომადობა, იგივე მედიკამენტების, ხარისხიანი ჯანდაცვის კუთხით, ეს წვდომა გაეზარდოთ“,-აღნიშნა სერგეენკომ.

მისი თქმით, ცვლილებები იქნება რამდენიმე მიმართულებით, თუმცა ყველა მათგანის ამოცანა იქნება, რომ არსებული ბიუჯეტის ფარგლებში მოსახლეობამ უფრო მეტი შედეგი მიიღოს.

მონიკა დავლიანიძე