საზოგადოება

საყოველთაო ჯვრისწერასთან დაკავშირებით, საპატრიარქო განცხადებას ავრცელებს

საქართველოს საპატრიარქო „ჩოხოსანთა საზოგადოების“ ორგანიზებით დაწყებულ საყოველთაო ჯვრისწერებთან დაკავშირებით განცხადებას ავრცელებს. საპატრიარქოს ცნობით, საყოველთაო ჯვრისწერის ფარგლებში ჯვარდაწერილ წყვილებს სამების ტაძარში სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე დალოცავს, ხოლო მათ, ვინც თბილისში ვერ ჩამოვა, ეპარქიის მმართველი მღვდელმთავარი.

საყოველთაო ჯვრისწერა იმ წყვილებს ეხება, რომელთაც ოჯახი წლების წინ შექმნეს, თუმცა ჯვარდაწერილები არ არიან.

,,როგორც ცნობილია, საქართველოს საპატრიარქოსთან არსებული „ჩოხოსანთა საზოგადოების“ ორგანიზებით დაიწყო საყოველთაო ჯვრისწერები, რაც სრულიად საქართველოს კათოლიკოს-პატრიარქის ლოცვა-კურთხევით ხორციელდება.

ჯვარდაწერილ წყვილებს სამების საპატრიარქო ტაძარში დალოცავს მისი უწმინდესობა, მათ კი, რომელთაც თბილისში არ შეუძლიათ ჩამოსვლა, – ეპარქიის მმართველი მღვდელმთავარი. შევნიშნავთ, რომ აღნიშნული ეხებათ მხოლოდ იმ წყვილებს, რომელთაც წლების წინ შექმნეს ოჯახი, მაგრამ სხვა და სხვა სუბიექტური თუ ობიექტური მიზეზის გამო დღემდე არ არიან ჯვარდაწერილნი”, - ნათქვამია

მარი ნამგალაძე