უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
საკრებულოში აუტისტური სპექტრის დარღვევის მქონე ბავშვების რეაბილიტაციის პროგრამაზე იმსჯელეს
თბილისის საკრებულოში აუტისტური სპექტრის დარღვევის მქონე ბავშვების რეაბილიტაციის პროგრამასთან დაკავშირებით შეხვედრა გაიმართა.
თბილისის საკრებულოს ინფორმაციით, შეხვედრაში საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე გიორგი ბირბიჩაძე, თბილისის მერის მოადგილე სოფიო ხუნწარია, მერიის ჯანდაცვისა და სოციალური მომსახურების საქალაქო სამსახურის უფროსი გელა ჩივიაშვილი, ასევე აუტისტური სპექტრის დარღვევის მქონე ბავშვების მშობლები, ამ სფეროში მომუშავე არასამთავრობო ორგანიზაციების და სერვისების მიმწოდებელი ორგანიზაციების წარმომადგენლები მონაწილეობდნენ.
შეხვედრაზე მოწვეულმა სტუმრებმა თბილისის მუნიციპალიტეტის წარმომადგენლებს ის შენიშვნები და რეკომენდაციები გაუზიარეს, რაც მათი აზრით მერიის შესაბამის პროგრამაში უნდა აისახოს, რათა აუტისტური სპექტრის დარღვევის მქონე ბავშვებისთვის მიწოდებული სერვისი უფრო ფართო და ხარისხიანი იყოს. როგორც შეხვედრის შეჯამებისას გიორგი ბირბიჩაძემ აღნიშნა, აუტისტური სპექტრის დარღვევის მქონე ბავშვების მშობლებთან და დარგის სპეციალისტებთან შეხვედრები გაგრძელდება. მათგან მიღებული ინიციატივები და რეკომენდაციები შეჯამდება და შემდეგ მოხდება ამ შენიშვნების მერიის პროგრამაში ასახვა, რათა მუნიციპალიტეტის მიერ აუტისტური სპექტრის დარღვევის მქონე ბავშვებისთვის გათვალისწინებული პროგრამა მათ საჭიროებებზე მეტად მორგებული იყოს.
შეხვედრას შრომის, ჯანმრთელობის და სოციალური მომსახურების სამინისტროს წარმომადგენელიც ესწრებოდა.