უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
რეგიონები
სალომე ზურაბიშვილი ქვემო ქართლის რეგიონში ქართული ენის სწავლების საკითხით დაინტერესდა
საქართველოს პრეზიდენტი სალომე ზურაბიშვილი მარნეულში, ზურაბ ჟვანიას სახელობის სახელმწიფო ადმინისტრირების სკოლის რეგიონულ ცენტრს და თამარისის საჯარო სკოლას ეწვია და სკოლის მოსწავლეებსა და მასწავლებლებს შეხვდა.
საქართველოს პრეზიდენტის პრესსამსახურის ცნობით, სალომე ზურაბიშვილმა სკოლის მოსწავლეებთან საუბრისას აღნიშნა, რომ ქვემო ქართლის რეგიონს განვითარების უდიდესი პოტენციალი აქვს და ამ პოტენციალს ათვისება სჭირდება, როგორც ტურისტული და ეკონომიკური, ასევე კულტურული და ტურისტული განვითარების მიმართულებით.
პრეზიდენტის განცხადებით, ისეთ მრავალეთნიკურ რეგიონში, როგორც ქვემო ქართლია, ძალიან მნიშვნელოვანია ქართული ენის სწავლების გაძლიერება და ხელშეწყობა, რათა ეთნიკურმა უმცირესობებმა სწრაფად შეძლონ საზოგადოებრივ ცხოვრებაში ინტეგრაცია.
„ის, რომ რეგიონში ერთად სწავლობენ და ცხოვრობენ ქართველები, აზერბაიჯანული და სომხური წარმოშობის ბავშვები ნიშნავს, იმას რომ ამ ქვეყანაში არსებობს მშვიდობა, ერთმანეთის გაგება, პატივისცემა და ტოლერანტობა, რომელიც კავკასიის საერთო ფასეულობაა.
დღეს ძალიან მნიშვნელოვანია ტოლერანტობის, როგორც ფასეულობის შენარჩუნება, რადგან დღევანდელ მსოფლიოში ეს ყველაზე დიდი გამოწვევაა.
ის, რომ ჩვენთან, ამ პატარა ქვეყანაში შენარჩუნებულია მშვიდობა და სიყვარული, ჩვენი ქვეყნის ყველაზე დიდი ძალაა“, – აღნიშნა საქართველოს პრეზიდენტმა.
მისი განცხადებით, კარგი იქნება, თუ იუნესკო ქართულ ტოლერანტობას, როგორც კავკასიის საერთო ღირებულებას არამატერიალური კულტურული მემკვიდრეობის ნუსხაში შეიტანს.
„ამ მიმართულებით მიდის მუშაობა და ტოლერანტობის ნათელი მაგალითი ხართ თქვენ, რეგიონის მოსახლეობა თავიანთი ცხოვრების წესით, რომელიც მისაბაძი მაგალითია მსოფლიო საზოგადოებისათვის“, – აღნიშნა სალომე ზურაბიშვილმა.
სალომე ზურაბიშვილმა მარნეულში, სახელმწიფო ადმინისტრირების სკოლაში ყურადღება გაამახვილა ქართული ენის სწავლების გაძლიერების შესაძლებლობებზე და ამ მიმართულებით მიმდინარე პროექტებს გაეცნო.
აღინიშნა, რომ ამ ეტაპისთვის, სახელმწიფო ადმინისტრირების სკოლის რეგიონული ცენტრი მარნეულის მუნიციპალიტეტში ქართულ ენას, სახელმწიფოს დაფინანსებით, 250 მსმენელს ასწავლის.
სოფლების მოსახლეობისათვის კი, რომლებსაც მარნეულში ჩასვლა არ შეუძლიათ, სკოლის მასწავლებლების მობილური ჯგუფები ადგილზე ატარებენ გაკვეთილებს. სკოლა ქართული ენის სწავლების მიმართულებით ქვემო ქართლში 2011 წლიდან მუშაობს და ქართული ენის სწავლებას აუდიოგაკვეთილებითაც ახორციელებს.