უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
პოლიტიკა
სალომე ზურაბიშვილის საპრეზიდენტო კანდიდატად დასახელებით ივანიშვილი ორი კურდღლის დაჭერას ლამობს - მიხეილ სააკაშვილი
საქართველოს ყოფილი პრეზიდენტის, მიხეილ სააკაშვილის განცხადებით, ბიძინა ივანიშვილი სალომე ზურაბიშვილის საპრეზიდენტო კანდიდატურის მეშვეობით ცდილობს, მიაღწიოს საფრანგეთში მის წინააღმდეგ მიმდინარე სისხლის სამართლის საქმის შეწყვეტას. აღნიშნული განცხადება სააკაშვილმა ფეისბუკის საკუთარ გვერდზე გაზიარებულ ვიდეოს დაურთო, რომელშიც რუსული მედია ეხმაურება სალომე ზურაბიშვილის განცხადებას, რომ აგვისტოს ომი საქართველომ დაიწყო.
„ამ ქალის დასახელებით ივანიშვილი ორი კურდღლის დაჭერას ლამობს-ერთის მხრივ, ის აწყობს მოსკოვს, მას შემდეგ, რაც მან არ გაამართლა ქართველი ხალხის ნდობა და უღალატა თავის ისტორიულ სამშობლოს, და, ამავე დროს, ივანიშვილს იმედი აქვს ,რომ ზურაბიშვილის კანდიდატურის მეშვეობით მიაღწევს მის წინააღმდეგ საფრანგეთში დაწყებული სისხლის სამართლის საქმის შეწყვეტას.
დაფიქრებულხართ იმაზე, თუ რატომ ვერ გადის ივანიშვილი საქართველოს ფარგლებს გარეთ უკვე წელიწადზე მეტია?
ამის მიზეზი ისაა, რომ მას დააკავებენ საფრანგეთის მოსამართლის მითითებით.
ამიტომ ის იმალება საქართველოში, რომელსაც სწრაფად აქცევს დანაშაულებრივი სინდიკატის სამალავად.
ოქტომბერში ჩვენ ამას დავუსვამთ წერტილს.
ის ვეღარც საქართველოში დაიმალება და ვეღარ ამოეფარება ხეებს!“, - განაცხადა სააკაშვილმა.