უკან

უახლესი ამბები

დღის კალენდარი

ანონსები

არქივი

საზოგადოება

29 იანვარი, 2018 15:50
font-size

სამი თვის წინ გარდაცვლილი წვევამდელის, ბექა რუსიას ოჯახის ადვოკატის თქმით, მას ემუქრებიან

წალენჯიხის მუნიციპალიტეტის სოფელ მუჟავაში ცეცხლსასროლი იარაღით მიყენებული ჭრილობის შედეგად დაღუპული წვევამდელის ბექა რუსიას ოჯახს სამეგრელო-ზემო სვანეთის საოლქო პროკურატურის გამომძიებელი არკადი კვანჭიანი ეწვია. მან რუსიას ოჯახის წევრები ადვოკატის, როლანდ შონიას თანდასწრებით დაკითხა.

როგორც შონიამ ჟურნალისტებს განუცხადა, გამოძიებას კითხვები აქვს ოჯახის მიერ გასაჯაროებულ ფოტო- და ვიდეომასალასთან დაკავშირებით, რომელიც შენახული იყო ბექა რუსიას მობილურ ტელეფონში. ბექა რუსიამ გარდაცვალებამდე ცოტა ხნით ადრე ტელეფონი ბებიას გაუგზავნა და მისი შენახვა სთხოვა. კადრებში ჩანს, როგორ უსწორდება ერთ-ერთი მეთაური ჯარისკაცს. ასევე, ფოტოებზე აღბეჭდილი არიან ჯარისკაცები, რომლებსაც მეთაურის ტაბელური იარაღი უჭირავთ ხელში.

შონიას თქმით, მასთან მუქარის შემცველი სატელეფონო ზარი შემოვიდა.

„ჩემს კუთვნილ ტელეფონზე განხორციელდა სატელეფონი ზარი, სადაც მითხრეს – შენ რა დღეში ხარ, ასე რატომ აქტიურობო. ეს სავარაუდოდ არის მუქარა და ბექა რუსიას საქმეს უკავშირდება“, -თქვა ადვოკატმა.

რუსიას ოჯახმა გამომძიებელს თავისი მოთხოვნები გააცნო. კერძოდ, ბექა რუსიას დედამ მოითხოვა შსს-ის განსაკუთრებულ დავალებათა დეპარტამენტის მეორე სამმართველოს მაღალჩინოსნების დასჯა და შს მინისტრთან, გიორგი გახარიასთან შეხვედრა.

შსს-ის განსაკუთრებული დავალებათა დეპარტამენტის წვევამდელი ბექა რუსია 2017 წლის 26 ოქტომბერს წალენჯიხის მუნიციპალიტეტის სოფელ მუჟავაში, ერთ-ერთ საგუშაგოზე დაიღუპა. მის საქმეზე სამეგრელო-ზემო სვანეთის საოლქო პროკურატურაში დაიწყო გამოძიება სამსახურებრივი უფლებამოსილების ძალადობით გადამეტების შესაძლო ფაქტზე სსსკ-ის 333-ე მუხლის მესამე ნაწილით.

გამოძიების ინფორმაციით, რუსიას დ.ჯ.-ის მიერ საგუშაგოს უფროსის ა.კ.-ს ტაბელური იარაღიდან გასროლილი ტყვია მოხვდა. საქმე აღძრულია სიცოცხლის გაუფრთხილებლობით მოსპობის მუხლით.

საოლქო პროკურატურამ რუსიას ოჯახის წევრები დაზარალებულად ცნო.

საკვანძო სიტყვები:

ცესკო საარჩევნო ადმინისტრაციისა და ჩართული მხარეების წარმომადგენლებს მიმართავს

30 ოქტომბერი, 2020 , 21:33

31 ოქტომბერს უმნიშვნელოვანესი დღეა, როცა ჩვენ საქართველოს პარლამენტს ვირჩევთ. ამიტომ ცენტრალური საარჩევნო კომისია (ცესკო) კიდევ ერთხელ მიმართავს საარჩევნო ადმინისტრაციის თითოეულ წარმომადგენელს კანონმდებლობის სრული დაცვით

მოსამართლეთა კონფერენციაზე იუსტიციის უმაღლესი საბჭოს მოსამართლე წევრები და მდივანი აირჩიეს

30 ოქტომბერი, 2020 , 19:48

იუსტიციის უმაღლეს სკოლაში საქართველოს მოსამართლეთა XXVIII რიგგარეშე კონფერენციაზე ფარული კენჭისყრის შედეგად იუსტიციის უმაღლესი საბჭოს მდივნად ნიკოლოზ მარსაგიშვილი აირჩიეს. კენჭისყრაში მონაწილეობას 251 მოსამართლე იღებდა დ

ცენტრალური საარჩევნო კომისიის თავმჯდომარემ შემაჯამებელი საინფორმაციო ბრიფინგი გამართა

30 ოქტომბერი, 2020 , 18:25

არჩევნებზე მისვლა მიუხედავად პანდემიისა, სრულიად უსაფრთხოა, რადგან კენჭისყრის შენობაში გათვალისწინებული იქნება ყველა ის პრევენციული ღონისძიება, რაც ხელს შეუშლის ინფექციის გავრცელებას,- ამის შესახებ ცენტრალური საარჩე

1 აშშ დოლარის ოფიციალური ღირებულება 3.2327 ლარი გახდა

30 ოქტომბერი, 2020 , 17:40

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.2327 ლარი შეადგინა. კურსი, რომელიც დღეს მოქმედებდა, 3.2338 ლარი იყო. შესაბამისად, დოლარის ცვლილებამ ეროვნულ

გაცილებით იოლია ყველგან გამოვიყენოთ პირბადე და დავიცვათ მინიმალური წესები, სხვა ყველაფერი, რაც შეზღუდვებისკენ წაგვიყვანს, დაგვაზიანებს და მეტ ეკონომიკურ ფასს გადავიხდით - ივანე მაჭავარიანი

30 ოქტომბერი, 2020 , 17:40

გაცილებით იოლია, ყველგან გამოვიყენოთ პირბადე და დავიცვათ მინიმალური წესები, სხვა ყველაფერი, რაც შეზღუდვებისკენ წაგვიყვანს, დაგვაზიანებს და მეტ ეკონომიკურ ფასს გადავიხდით, - აღნიშნა ფინანსთა მინისტრმა ივანე მაჭავარიანმა დ

პატრიარქს არჩევნებში ხმის მისაცემად გადასატან ყუთს მიუტანენ

30 ოქტომბერი, 2020 , 17:40

საქართველოს კათოლიკოს პატრიარქი ილია მეორე წელს არჩევნებზე ხმის მისაცემად უბანზე არ მივა. ამის შესახებ ინფორმაციას საპატრიარქოს საზოგადოებასთან ურთიერთობის სამსახურის უფროსი ანდრია ჯაღმაიძე სოციალური ქსელით ავრცელებს. მი