უკან

უახლესი ამბები

დღის კალენდარი

ანონსები

არქივი

პოლიტიკა

31 მარტი, 2018 16:15
font-size

სამინისტროები პირდაპირ ჩაერთნენ გარიგებაში RMG Gold-თან - გიორგი ვაშაძე

პარტია „ახალი საქართველოს“ ლიდერის და დმანისის გადარჩენის ფონდის წევრის, გიორგი ვაშაძის განცხადებით, დმანისში აუქციონით შეძენილ 16 ჰექტარ მიწის ფართობთან მიმართებით სხვადასხვა სამინისტროსგან და სახელმწიფო უწყებებისგან კითხვებზე პასუხებს ელიან, თუმცა უწყებები დუმან.

როგორც ვაშაძემ დღევანდელ ბრიფინგზე განაცხადა, მათ კითხვებს პასუხი მხოლოდ დმანისის მუნიციპალიტეტმა გასცა.

გიორგი ვაშაძემ სამინისტროებს მოუწოდა, დაუყოვნებლივ გასცენ კითხვებს პასუხი, რადგან მოხდეს აუქციონის პირობებით გათვალისწინებულ შემდგომ ეტაპზე გადასვლა მათი მხრიდან.

„ფინანსთა სამინისტროს შემოსავლების სამსახური, ეკონომიკის სამინისტრო, ბოლნისის მუნიციპალიტეტი, იუსტიციის სამინისტრო, საჯარო რეესტრი, პარლამენტის გარემოს დაცვის კომიტეტი, გარემოს დაცვისა და სოფლის მეურნეობის სამინისტრო, ეს არის იმ უწყებების ჩამონათვალი, რომელიც პირდაპირ ჩაერთო გარიგებაში RMG GOLD-თან და ჩვენი არაერთგზის წერილების მიუხედავად, პასუხებს არ გვაძლევენ, იმისთვის, რომ შემდგომ პროცედურებზე გადავიდეთ.

მსურს, თითოეულ მათგანს მოვუწოდო, რომ ნუ აჭიანურებთ ხელოვნურად პასუხების გაცემას. ჩვენ ამ საქმეს მაინც ბოლომდე მივიყვანთ, მაინც ჩავიყვანთ ამზომველებს, მაინც დავადგენთ უკანონობებს, რაც თქვენს მიერ ხელდაფარებით ხდება ამ ტერიტორიაზე და RMG Gold-ს მოუწევს ხალხის ინტერესის გათვალისწინება, თქვენც მოგიწევთ ეს.

ერთადერთი გამონაკლისია დმანისის მუნიციპალიტეტი, რომელმაც დროულად მოგვაწოდა პასუხები. 45-დღიანი ვადა, რომელიც თქვენ დააწესეთ, გადავადდება იმდენი დღით, რამდენი დღეც დააგვიანებთ ამ წერილებზე პასუხების გაცემას. მარტივი საქმე არ გეგონოთ, ეს არის ღრმა სამართლებრივი ბრძოლა, რომელსაც ჩვენ დავიწყებთ თქვენს წინააღმდეგ, იმიტომ რომ თქვენ ფულის კეთების გარდა არაფერი გაინტერესებთ და გაინტერესებთ მხოლოდ საკუთარი შემოსავლები. დაგავიწყდათ, რომ ხალხი არსებობს ამ ქვეყანაში.

თითოეულ ამ მინისტრს და სხვა უწყებებს, მოგიწოდებთ დროულად მოგვეცით პასუხები, იმითვის რომ გადავიდეთ შემდგომ პროცედურებზე. ნუ იცავთ RMG Gold-ის ინტერესებს და ნუ ხართ შეთქმულებაში ამ დანაშაულებრივ ქსელში, თითოეული თქვენი დანაშაული იქნება გამოვლენილი.

ეკონომიკის სამინისტროს მივმართეთ, ამ ტერიტორიის წითელ ხაზებთან, მის მომიჯნავე წითელ ხაზებთან დაკავშირებით, ასევე ლიცენზიიდან გამომდინარე რა უფლებებით სარგებლობს, რა ღირებულებაა ამ ლიცენზიაში გადახდილი, გვაინტერესებს ნიადაგის მდგომარეობა ამ ტერიტორიაზე. ჩვენ გვაქვს სამართლებრივი სტატუსი, როგორც აუქციონში გამარჯვებულ მხარეს.

შემოსავლების სამსახურისგან გვაინტერესებს რამდენი შეაქვს ბიუჯეტში ამ კომპანიას, ეს საჯარო ინფორმაცია და უნდა მოგვაწოდონ ეს ინფორმაცია. მაგალითად, დმანისის მუნიციპალიტეტმა მოგვაწოდა ციფრი და სამწუხაროდ, კაპიკებს იღებს დმანისის რაიონი იმ კომპანიისგან. ეს ყველაფერი გვაინტერესებს იმისთვის, რომ დავადგინოთ ჭეშმარიტება.

მიწაზე ხომ არ გვაქვს გართულება? გართულება გვაქვს იმ უბედურებაზე რაც ხდება დმანისის რაიონში. ამიტომ გვაქვს კითხვები და ამიტომ გავაკეთეთ ეს ყველაფერი. ეს არის გრძელვადიანი სამართლებრივი ბრძოლა, რომელსაც აუცილებლად მოვიგებთ. RMG Gold არ არის მხოლოდ ქართული კომპანია, მას აქვს ასევე ბრიტანული და ჰოლანდიური ფესვები, რაც არ უნდა გარიგებაში შევიდეს ქართული მხარე, ძალიან კარგად ვიცი რამხელა პრობლემები შეექმნება კომპანიას ამ ორ ქვეყანაში. როდესაც ევროპაში ვერც ერთ ქვეყანაში ვერ ჩავა ამ კომპანიის დირექტორი, შეიძლება აკრძალულ სიაშიც მოხვდეს, ბატონი შუბითიძე, რომელიც გამოდის და გვემუქრება ხოლმე. ვეტყვი, რომ ფრთხილად იყოს, ინტერპოლის ძებნილთა სიაში არ მოხვდეს“, - განაცხადა ვაშაძემ.

მისივე ინფორმაციით, კომპანია RMG Gold-ს ჰყავს უცხოელი პარტნიორებიც, მათ შორის ჰოლანდიასა და დიდ ბრიტანეთში, საქართველოში შექმნილი ვითარება კი კომპანიის ქართველ წარმომადგენლებს ამ ქვეყნების მხრიდან დიდ პრობლემებს შეუქმნის.

„კიდევ კარგი რომ მათ ხელში არ არის ჰოლანდიის და ბრიტანეთის ხელისუფლება, იმათგან უკვე მივიღეთ პასუხები, ვიცით ამ კომპანიის უკან ვინ დგანან.

ბევრი პროცედურა გვაქვს წინ, უნდა შევისწავლოთ ეს ტერიტორია, სანამ ინფორმაციას არ მივიღებთ, ვერ ჩავდივართ. მიუხედავად იმისა, რომ იუსტიციის სამინისტრო ფონდის რეგისტრაციას გვიჭიანურებდა, როგორც იქნა დავარეგისტრირეთ ეს ფონდი და ანგარიში გვაქვს. ადამიანები ფულს რიცხავენ, ძალიან სწორ გზაზე ვდგავართ, მშვიდად წყნარად მივყვებით, ხელისუფლება წააგებს ხალხთან ბრძოლას ამ შემთხვევაში, რადგან სიმართლე არის ხალხი მხარეს“, - განმარტა ვაშაძემ.

რაც შეეხება აუქციონის საშუალებით 20 ათას ლარად შეძენილ სამ საუკუნოვან ევკალიპტის ხეს, ვაშაძემ აღნიშნა, რომ თანხის ნახევარზე მეტი უკვე მოგროვებულია.

ინფორმაცია იმის თაობაზე, რომ ჩვენ თითქოს შევთავაზეთ ოპოზიციას 110/40-ზე, არის არასწორი - ირაკლი კობახიძე

27 თებერვალი, 2020 , 15:30

“ინფორმაციას იმის თაობაზე, რომ ჩვენ თითქოს შევთავაზეთ ოპოზიციას 110/40-ზე, ეს ინფორმაცია არის არასწორი, ” - ამის შესახებ უმრავლესობის ერთ-ერთმა ლიდერმა, ირაკლი კობახიძემ ევროკავშირის ელჩის რეზიდენციაში შეკრებ

საუბარი იყო კონსტრუქციული - ელიზაბეთ რუდი

27 თებერვალი, 2020 , 14:55

ოპოზიციასა და ხელისუფლებას შორის არაფორმალურმა შეხვედრამ კონტრუქციულ რეჟიმში ჩაიარა. ამის შესახებ საქართველოში ამერიკის ელჩის მოადგილე ელიზაბეთ რუდმა ევროკავშირის ელჩის რეზიდენციაში, დიპლომატების ორგანიზებით ხელისუფლებას

ხელისუფლების ახალ საარჩევნო წინადადება - 110 პროპორციული, 40 მაჟორიტარული

27 თებერვალი, 2020 , 14:14

ხელისუფლებამ ოპოზიციას საპარლამენტო მანდატების განაწილების ახალი პროპორცია შესთავაზა, რომლის მიხედვითაც 110 დეპუტატი პროპორციული სისტემით აირჩევა, ხოლო 40 - მაჟორიტარულით.  ინფორმაცია მედიას „ახალი საქართველოს

საქართველოს თავდაცვის სამინისტრომ ახალი საბინაო პოლიტიკის განხორციელება დაიწყო

26 თებერვალი, 2020 , 16:40

საქართველოს თავდაცვის მინისტრ ირაკლი ღარიბაშვილის ინიციატივით, მრავალწლიანი პროფესიული სამხედრო კარიერისა და ქვეყნის სამსახურის დაფასების მიზნით, თავდაცვის უწყება სამხედრო მოსამსახურეებსა და მათი ოჯახის წევრებს ღირსეული

ვანო მერაბიშვილი ხვალ პოლონეთში მიემგზავრება

26 თებერვალი, 2020 , 16:30

საქართველოს ყოფილი პრემიერ-მინისტრი და შინაგან საქმეთა ყოფილი მინისტრი ვანო მერაბიშვილი, რომელმაც სასჯელაღსრულების დაწესებულება რამდენიმე დღის წინ დატოვა, ხვალ პოლონეთში მიემგზავრება. ინფორმაცია მერაბიშვილის „ფეისბ

ევროპის საბჭოს მინისტერიალი, თბილისის ნაცვლად, სტრასბურგში გაიმართება

26 თებერვალი, 2020 , 16:20

ევროპის საბჭოს მინისტრთა კომიტეტის 130-ე სესია, თბილისის ნაცვლად, სტრასბურგში გაიმართება. ამის შესახებ საქართველოს საგარეო საქმეთა მინისტრმა, დავით ზალკალიანმა ბრიფინგზე განაცხადა, რომელიც ამ წუთებში მიმდინარეობს. მისი თ

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`