უკან

უახლესი ამბები

დღის კალენდარი

ანონსები

არქივი

საზოგადოება

23 მაისი, 2020 12:30
font-size

სამინისტროს ახალი პროექტი, ტექნიკური უნივერსიტეტის ბაზაზე სამთო მაშველის გადამზადების პროგრამის აღდგენა, მნიშვნელოვანი ინიციატივაა - მიხეილ ჩხენკელი

საზოგადოება. ჩხენკელი, სტუ, სამთო-სამაშველო

საქართველოს განათლების, მეცნიერების, კულტურისა და სპორტის სამინისტრო ახალ სასწავლო პროექტს იწყებს, რომელიც სამთო-მაშველის გადამზადების პროგრამის აღდგენას გულისხმობს. აღნიშნული პროექტი, რომელიც უსაფრთხო სამუშაო გარემოს უზრუნველყოფას გულისხმობს, მათ შორის, მაღაროებსა და შახტებში, საქართველოს ტექნიკური უნივერსიტეტის ბაზაზე განხორციელდება.

მიხეილ ჩხენკელი - საქართველოს განათლების, მეცნიერების, კულტურისა და სპორტის მინისტრი: „ჩვენი ხელისუფლების უმნიშვნელოვანესი ამოცანაა, მეტად დაუკავშიროს განათლება და მეცნიერება ჩვენი მოქალაქეების ყოველდღიურობას, ქვეყნის განვითარებას. ამ თვალსაზრისით, სამინისტროს ახალი პროექტი, ტექნიკური უნივერსიტეტის ბაზაზე სამთო მაშველის გადამზადების პროგრამის აღდგენა, მნიშვნელოვანი ინიციატივაა. მისი უმთავრესი დანიშნულება მაღაროებსა და შახტებში მომუშავე ჩვენი მოქალაქეების უსაფრთხოებისა და სიცოცხლის დაცვის გაძლიერებაა.

თანამედროვე ტექნოლოგიებით აღჭურვილი სასწავლო შახტი-ლაბორატორია, სამთო-გეოლოგიური ფაკულტეტის პროფესორთა და სპეციალისტთა პროფესიონალიზმი ჩვენი ახალგაზრდებისათვის სწავლის სრულფასოვან პირობებს ქმნის. მჯერა, რომ მრავალი მათგანი ენთუზიაზმით შეუდგება ამ საჭირო საზოგადოებრივი პროფესიის დაუფლებას, რაც საბოლოოდ, მრავალი ადამიანის შრომის პირობებისა და სიცოცხლის ხარისხის გაუმჯობესებას განაპირობებს“.
საქართველოს ტექნიკური უნივერსიტეტის სამთო-გეოლოგიური ფაკულტეტის სასწავლო შახტი-ლაბორატორია თეორიული და პრაქტიკული სწავლების უწყვეტი პროცესის ხელსაყრელ პირობას იძლევა, რითაც ძირფესვიანად იცვლება სამთო-საინჟინრო კადრების მომზადების პრაქტიკა. მიწისქვეშა სამთო სამუშაოთა პროცესების მთელი კომპლექსის გათვალისწინებით, დაპროექტდა სასწავლო შახტი-ლაბორატორია, რომლის მშენებლობა და სათანადო მანქანებით, მექანიზმებით, სატრანსპორტო საშუალებებითა და დანადგარებით აღჭურვა 1986-1991 წლებში განხორციელდა. შახტი-ლაბორატორია წარმოადგენს ჰორიზონტალური, დახრილი, ვერტიკალური გვირაბების და კამერების ერთობლიობას, რომელიც აღჭურვილია სამთო-შახტური მოწყობილობებით, მექანიზმებით და საწარმოო პროცესების მართვის ავტომატიზირებული საშუალებებით, მიწისქვეშა ელექტრომომარაგების მთელი სისტემით. გვირაბების საერთო სიგრძე 1000 მეტრის ფარგლებშია. მათი განლაგების სიღრმე მიწის ზედაპირიდან 16-დან და 30 მეტრამდეა. აქ შექმნილია ყველა პირობა სტუდენტების ინდივიდუალური მუშაობისათვის, რაც პროფესიული მომზადების ტექნოლოგიური პროცესებისა და წარმოების მართვის ჩვევების გამომუშავების საფუძველია.

სახელმწიფოს ინიციატივას, აღდგეს სამთო მაშველის სასწავლო პროგრამა, მომზადდეს და გადამზადდეს კადრები, დადებითად აფასებს ტექნიკური უნივერსიტეტის რექტორი, პროფესორი დავით გურგენიძე: „ტექნიკური უნივერსიტეტი ყოველთვის იყო ჩართული ქვეყნის განვითარების საქმეში. საქართველოს განათლების, მეცნიერების, კულტურისა და სპორტის სამინისტროს ინიციატივა, აღდგეს სამთო მაშველის გადამზადების პროგრამა, არის დროული და აუცილებელი წინგადადგმული ნაბიჯი. ჩვენთვის მნიშვნელოვანია სამინისტროს მხარდაჭერა ამ პროექტის განსახორციელებლად, ასევე, მნიშვნელოვანია ტექნიკური უნივერსიტეტისადმი გამოხატული ნდობა“.

პროექტის ეფექტიანად ასამოქმედებლად და სათანადო ბაზის უზრუნველყოფის მიზნით, საქართველოს ტექნიკური უნივერსიტეტის სამთო-გეოლოგიური ფაკულტეტის სასწავლო შახტი-ლაბორატორია შინაგან საქმეთა სამინისტროს საგანგებო სიტუაციების მართვის სამსახურის ზედამხედველობის დეპარტამენტის წარმომადგენლებმა დაათვალიერეს.

„ჩვენი მთავარი მიზანი იყო, გავცნობოდით საქართველოს ტექნიკური უნივერსიტეტის სამთო-გეოლოგიური ფაკულტეტის ერთ-ერთ მნიშვნელოვან ლაბორატორიას, განგვესაზღვრა, არის თუ არა შესაძლებელი ბაზის გამოყენება იმ უსაფრთხოების ნორმების შესასწავლად, რაც სამთო მოპოვების დროს უნდა იქნას დაცული. რეალურად, საგანგებო სიტუაციების მართვის სამსახური ჩართულია ქვეყანაში სამთო-სამაშველო ოპერაციების დროს. ტექნიკურ უნივერსიტეტთან თანამშრომლობით, მათი პროფესორ-მასწავლებლების მონაწილეობით განხორციელდება საგანგებო სიტუაციების მართვის სამსახურის მეხანძრე მაშველების გადამზადება. ჩვენი სამსახურისთვის აღნიშნული ბაზა უნიკალურია, თუმცა კონკრეტული დეტალები განახლებას საჭიროებს“, – განაცხადა შინაგან საქმეთა სამინისტროს საგანგებო სიტუაციების მართვის სამსახურის ზედამხედველობის დეპარტამენტის უფროსმა როინ ვარშანიძემ.
NS

„საერთაშორისო გამჭვირვალობა-საქართველომ“ საპარლამენტო კონტროლის განხორციელების შესახებ კვლევა გამოაქვეყნა

16 ივნისი, 2021 , 13:04

„საერთაშორისო გამჭვირვალობა-საქართველომ“ საპარლამენტო კონტროლის განხორციელების შესახებ კვლევა გამოაქვეყნა. კვლევაში შეფასებულია 2019 წლის პირველი იანვრიდან 2020 წლის პირველ ოქტომბრამდე პერიოდში განხორციელებულ

ხელისუფლება არ ახორციელებს სიძულვილით მოტივირებული დანაშაულების ეფექტურ გამოძიებას – GDI ლევან ვასაძის ჰომოფობიურ და მუქარის შემცველ განცხადებაზე

16 ივნისი, 2021 , 12:58

საქართველოს დემოკრატიული ინიციატივა (GDI) პუტინისტი პოლიტიკოსის, ლევან ვასაძის ჰომოფობიურ და მუქარის შემცველ განცხადებას ეხმაურება. 2021 წლის 15 ივნისს ბიზნესმენმა და პარტიის „ერთობა, რაობა, იმედი“ დამფუძნებლ

ფინანსური სტაბილურობის კომიტეტი გადაწყვეტილებას ავრცელებს

16 ივნისი, 2021 , 12:39

ფინანსური სტაბილურობის კომიტეტი გადაწყვეტილება ავრცელებს. გადაწყვეტილებაში ნათქვამია, რომ 2021 წლის აპრილის მონაცემებით, ბანკები კაპიტალის და ლიკვიდობის ჯანსაღ მაჩვენებლებს ინარჩუნებენ. გთავაზობთ ფინანსური სტაბილურო

საქართველოში ყველაზე მაღალი ხელფასი საფინანსო და სადაზღვევო სექტორებშია - საქსტატი

16 ივნისი, 2021 , 12:21

სტატისტიკის ეროვნული სამსახურის ინფორმაციით, 2021 წლის პირველ კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 4.4 პროცენტით, ანუ 53.5 ლარით გაიზარდა და 1 256.2 ლარი შეად

თეა წულუკიანი ჯანსუღ კახიძის სახელობის თბილისის მუსიკალურ-კულტურულ ცენტრს ეწვია

16 ივნისი, 2021 , 12:06

საქართველოს კულტურის, სპორტისა და ახალგაზრდობის მინისტრი თეა წულუკიანი სამინისტროს მმართველობის სფეროში მოქმედ ორგანიზაციებთან შეხვედრების ფარგლებში სსიპ ჯანსუღ კახიძის სახელობის თბილისის მუსიკალურ-კულტურულ ცენტრს ეწვია.

საქართველოში კორონავირუსის 811 ახალი შემთხვევა გამოვლინდა, გამოჯანმრთელდა 672 პაციენტი

16 ივნისი, 2021 , 10:58

საქართველოში კორონავირუსის 811 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 672 ადამიანი გამოჯანმრთელდა. ბოლო დღე-ღამეში

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი