უახლესი ამბები
არქივი
საზოგადოება
სამხედრო პოლიციიდან 100-მდე ადამიანი გაათავისუფლეს
სამხედრო პოლიციის აღმოსავლეთ ბატალიონიდან 100-მდე ადამიანი გაათავისუფლეს. ბატალიონში 250-მდე პირი მსახურობდა.
შეხვედრაზე რომელიც სამხედრო პოლიციაში გაიმართა, თანამშრომლებს მათი გათავისუფლების მიზეზი განუმარტეს.
როგორც „ქრონიკას“ ექსკლუზიურად შეხვედრიდან წამოსულმა გათავისუფლებულმა თანამშრომლებმა განუცხადეს, მათთვის გადაწყვეტილება მოულოდნელი იყო.
„რა ვთქვა, არაფერი არ ვიცი. ერთი ხელის მოსმით, ასე უცაბედად, საახალწლოდ დაგვტოვეს ამდენი ხალხი ულუკმაპუროდ. დაახლოებით 100-მდე კაცამდე ამ ბატალიონიდან. სხვა ჯარებში არ ვიცი რა ხდება. ჩვენგან ყოველშემთხევვაში ასეთი ამბავია. განმარტება იყო, რომ შტატები საერთოდ გააუქმეს. ჩვენი შტატები. საბოლოოდ ითქვა სიტყვა ოპტიმიზაცია“,-აღნიშნა სამხედრო პოლიციის გათავისუფლებულმა თანამშრომლემა.
როგორც „ქარონიკას“ საკითხის კომენტირებისას გენერალური შტაბის უფროსის მოადგილემ შალვა ჯაბახიძემ განუცხადა, უწყების მიზანია, რომ პოლიციის ბატალიონები გასამხედროებული ქვედანაყოფი იყოს.
„სადაც იმსახურებენ არანაკლებ 1 კონტრაქტ გავლილი ჯარისკაცები და ოფიცრებიც, რომლებსაც აქვთ ძრითადად სამხედრო განათლებაც მიღებული და რა თქმა უნდა, სამხედორ პოლიციის მიმართულებითაც არიან განვითარებულები. ეს იყო მიზეზი მათი განთავისუფლების. შემდგომში სამხედრო პოლიციის ბატალიონები არ დარჩება ამ ფორმით. შემდგომში ვაპირებთ მათ ოპტიმიზაციას“,-აღნიშნა ჯაბახიძემ.
მისივე თქმით, ოპტიმიზაციის ერთ-ერტი მიზეზი ასევე გაბერილი შტატებია.
„შემიძლია მოგიყვანოთ ერთი მაგალითი; იგივე ჰაუპტვახტის საკითხი. როდესაც ჰაუპტვახტი პრაქტიკულად აიკრძალა, აღარ იყო შეიარაღებულ ძალებში, მაგრამ სამხედრო პოლიციაში შტატი არსებობდა“,-განმარტა გენშატაბის უფროსის მოადგილემ.
მისი თქმით, უწყებაში მიმდინარე ოპტიმიზაცია მთავრობის გადაყწვეტილებას არანაირად არ უკავშირდება. მისი თქმით, ეს უწყების ხედვაა.
მონიკა დავლიანიძე