კონფლიქტის ზონა

სამხრეთ ოსეთის დე-ფაქტო პრეზიდენტი სერბეთის პატრიარქს შეხვდა - ოსური მედია

სამხრეთ ოსეთის დე-ფაქტო რესპუბლიკის პრეზიდენტი ანატოლი ბიბილოვი სერბეთის მართლმადიდებელი ეკლესიის პატრიარქ ირინეოს შეხვდა. ამის შესახებ გამოცემა „რესს“ ბიბილოვის პრესმდივანმა დინა გასიევამ აცნობა.

შეხვედრა სერბეთის პატრიარქის რეზიდენციაში შედგა.

გასიევას ინფორმაციით, მხარეებმა ზოგადქრისტიანულ საკითხებზე იმსჯელეს.

„პატრიარქის რეზიდენციაში გაიმართა ზოგადქრისტიანული საკითხების განხილვა, რაც ორმხრივი ინტერესის გამომხატველია. ანატოლი ბიბილოვმა განსაკუთრებით აღნიშნა მართლმადიდებლობის პრიორიტეტული როლი რესპუბლიკაში, რაც ასახულია სამხრეთ ოსეთის კონსტიტუციაში“, -თქვა გასიევამ.

თავის მხრივ, პატრიარქმა ირინეოსმა ბიბილოვსა და სამხრეთ ოსეთის მოსახლეობას „მშვიდობა, სიკეთე და აყვავება“ უსურვა.

გამოცემის ინფორმაციით, სამხრეთ ოსეთის დე-ფაქტო პრეზიდენტი ბალკანეთის ქვეყნებში 8 იანვარს დაიწყო.