უკან

დღის კალენდარი

ანონსები

არქივი

პოლიტიკა

22 მარტი, 2018 15:45
font-size

სამოქალაქო საზოგადოების მხარდაჭერა განაპირობებს ჩვენს წარმატებულ სვლას ევროპული ინტეგრაციის გზაზე - მიხეილ ჯანელიძე

საქართველოს ვიცე-პრემიერმა, საქართველოს საგარეო საქმეთა მინისტრმა მიხეილ ჯანელიძემ მონაწილეობა მიიღო საქართველო-ევროკავშირის სამოქალაქო საზოგადოების პლატფორმის მესამე შეხვედრაში და მისასალმებელი სიტყვით მიმართა პლატფორმის წევრებს.

საგარეო საქმეთა მინისტრმა აღნიშნა, რომ ევროინტეგრაციის პროცესში გამჭირვალობისა და საზოგადოების მაღალი ჩართულობის უზრუნველყოფა საქართველოს მთავრობის ერთ-ერთ მნიშვნელოვანი პრიორიტეტია.

„ძალიან მნიშვნელოვანია, რომ საქართველო არის ის ქვეყანა, რომელმაც პირველად ჩართო სამოქალაქო საზოგადოება ასოცირების დღის წესრიგის შემუშავების პროცესში, ასევე ისინი ჩართულნი არიან სამოქმედო გეგმის შემუშავების პროცესში. მნიშვნელოვანია, რომ სამოქალაქო საზოგადოებისა და მთავრობის ხედვები რეფორმებთან და ევროპული ინტეგრაციის გზაზე შემდგომ ნაბიჯებთან დაკავშირებით არის ერთი და იგივე“ - აღნიშნა მიხეილ ჯანელიძემ.

საქართველოს საგარეო საქმეთა სამინისტროს ინფორმაციით, საკუთარ გამოსვლაში საგარეო საქმეთა მინისტრმა მიმოიხილა 2017 წლის მნიშვნელოვანი მიღწევები საქართველო-ევროკავშირის ურთიერთობებისა და ასოცირების შეთანხმების განხორციელების კონტექსტში და პლატფორმის წევრებს სამომავლო საქმიანობის პრიორიტეტები გააცნო. ამასთან, მიხეილ ჯანელიძემ პლატფორმის წევრებს დაუდასტურა, რომ მთავრობის სტრუქტურული რეორგანიზაციის შედეგად, ევროინტეგრაციის საკითხებზე სამოქალაქო საზოგადოებასთან თანამშრომლობა გაგრძელდება და კიდევ უფრო ინტენსიურ ხასიათს მიიღებს.

„ჩვენ მომავალშიც გავაგრძელებთ ამ ეფექტურ თანამშრომლობას სამოქალაქო საზოგადოებასთან. პოზიტიურად შეფასდა საქართველოს მთავრობის მიერ განხორციელებული რეფორმები და რა თქმა უნდა, ამ პროცესში სამოქალაქო საზოგადოების მხარდაჭერა განაპირობებს ჩვენს წარმატებულ სვლას ევროპული ინტეგრაციის გზაზე“ - განაცხადა მიხეილ ჯანელიძემ.

შეხვედრაზე დამსწრე საზოგადოებას სიტყვით მიმართეს ასევე საქართველოში ევროკავშირის ელჩმა იანოშ ჰერმანმა და ევროპული კვლევების ცენტრის დირექტორმა კახა გოგოლაშვილმა.

საქართველო-ევროკავშირის სამოქალაქო საზოგადოების პლატფორმა ასოცირების შეთანხმების ფარგლებში შეიქმნა და მისი მიზანია შეთანხმებით გათვალისწინებული ვალდებულებების განხორციელების პროცესში საზოგადოების ინფორმირებულობისა და ჩართულობის ხელშეწყობა. პლატფორმა საქართველოს მხრიდან სამოქალაქო საზოგადოების წარმომადგენლებს, მათ შორის „აღმოსავლეთ პარტნიორობის“ სამოქალაქო საზოგადოების ფორუმის ეროვნული პლატფორმის წარმომადგენლებს, ხოლო ევროკავშირის მხრიდან სამოქალაქო საზოგადოების წარმომადგენლებს, მათ შორის, ევროპის ეკონომიკური და სოციალური კომიტეტის წევრებს აერთიანებს.

შალვა ნათელაშვილი სალომე ზურაბიშვილს ბიძინა ივანიშვილთან ერთად დებატებში იწვევს

20 ოქტომბერი, 2018 , 17:35

ლეიბორისტული პარტიის საპრეზიდენტო კანდიდატი შალვა ნათელაშვილი მმართველი გუნდის მიერ მხარდაჭერილ კონკურენტს სალომე ზურაბიშვილს ბიძინა ივანიშვილთან ერთად დებატებში იწვევს. ნათელაშვილის განცხადებით, ის მზად არის პირისპირ სა

სადაც ვენახი გაქვთ გაშენებული, პლანის პლანტაციები გაშენდება - პარტია „თავისუფალი საქართველოს“ პრეზიდენტობის კანდიდატი კახა კუკავა ზესტაფონში მოსახლეობას შეხვდა

20 ოქტომბერი, 2018 , 17:10

პარტია „თავისუფალი საქართველოს“ პრეზიდენტობის კანდიდატი მოსახლეობას ზესტაფონში შეხვდა. კახა კუკავამ ამომრჩეველს საკუთარი წინასაარჩევნო პროგრამა გააცნო და დაპირდა, რომ გამარჯვების შემთხვევაში, ხელისუფლების პრი

ზურაბ ჯაფარიძე მარიხუანას დარიგების გამო პოლიციამ დააკავა

20 ოქტომბერი, 2018 , 16:40

სამართალდამცველებმა „გირჩის“ ლიდერი ზურა ჯაფარიძე „დედაენის“ ბაღში მარიხუანის დარიგების გამო დააკავეს. ჯაფარიძის განმარტებით, ეს იყო „დაუმორჩილებლობის აქტი“. ახალი პოლიტიკური ცენტრი &b

პოლიციამ „გირჩის“ წევრი ნიკა ობოლაძე და პარტიის ორი მხარდამჭერი განყოფილებაში გადაიყვანა

20 ოქტომბერი, 2018 , 15:55

„გირჩის“ ინფორმაციით,  მისი წევრის ნიკა ობოლაძის შემდეგ  კრიმინალურმა პოლიციამ განყოფილებაში ორი მხარდამჭერი წაიყვანა. მათი განმარტებით, „დედაენის“ ბაღში მხარდამჭერებს ხუმრობით მგლი

რუსთავში გრიგოლ ვაშაძის საარჩევნო ბანერები წითლად შეღებეს

20 ოქტომბერი, 2018 , 15:55

რუსთავში გაერთიანებული ოპოზიციის ,,ძალა ერთობაშია“ საპრეზიდენტო კანდიდატის, გრიგოლ ვაშაძის საარჩევნო ბანერები წითლად შეღებეს. ოფისში მისულ პარტიის წევრებს ბანერები დაზიანებული დახვდათ, რის შემდეგაც პოლიციას მიმართე

შესაძლებელია საპარლამენტო არჩევნების უფრო ადრე ჩატარებაც, რადგან ხელისუფლება დაბნეულია და ვერ უმკლავდება თავის საქმეს - დავით უსუფაშვილი

20 ოქტომბერი, 2018 , 15:55

„შენების მოძრაობის“ საპრეზიდენტო კანდიდატმა, დავით უსუფაშვილმა მოქმედი და ყოფილი ხელისუფლების საპრეზიდენტო კანდიდატები ქვეყნის დაყოფის მცდელობაში დაადანაშაულა. მისი თქმით, ერთმანეთის მხარდამჭერებისთვის სხვადა

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`