უკან

უახლესი ამბები

დღის კალენდარი

ანონსები

არქივი

რეგიონები

12 ოქტომბერი, 2017 15:15
font-size

სამცხე–ჯავახეთის რეგიონში კარტოფილის წარმოება მზარდი ტენდენციებით ხასიათდება

კარტოფილის საერთაშორისო ცენტრის (CIP) საქართველოს წარმომადგნელობა ოფიციალურად გაიხსნა. გახსნის ცერემონიალს სოფლის მეურნეობის მინისტრის მოადგილე, იური ნოზაძე, სოფლის მეურნეობის სამეცნიერო-კვლევითი ცენტრის დირექტორის მოადგილე, ნოდარ ხატიაშვილი და კარტოფილის საერთაშორისო ცენტრის მთავარი ოპერაციული ოფიცერი, მაიკლ გერბა დაესწრნენ.

საერთაშორისო ცენტრის რეგიონალურმა ლიდერმა ცენტრალურ აზიასა და კავკასიაში, რუსუდან მდივანმა, საქართველოს წარმომადგენლობის მნიშვნელობაზე, მათ მიერ განხორციელებულ პროექტებსა და სამომავლო გეგმებზე ისაუბრა.

ამის შესახებ სოფლის მეურნეობის სამინისტრო იტყობინება.

უწყების ინფორმაციით, ღონისძიებაზე ყურადღება დაეთმო კარტოფილის საერთაშორისო ცენტრის და სოფლის მეურნეობის სამეცნიერო-კვლევითი ცენტრის თანამშრომლობის განხილვას, ერთობლივ პროექტებსა და საერთო ხედვებს. როგორც სოფლის მეურნეობის მინისტრის მოადგილემ აღნიშნა, მეკარტოფილეობა საქართველოში პერსპექტიული დარგია და ამ მიმართულებით საერთაშორისო გამოცდილების გაზიარება, მნიშვნელოვანია.

სოფლის მეურნეობის სამინისტროში აცხადებენ, რომ სამცხე–ჯავახეთის რეგიონში კარტოფილის წარმოება მზარდი ტენდენციებით ხასიათდება. წელს ფერმერებმა უხვი მოსავალი მიიღეს და მეზობელ ქვეყნებში, კარტოფილის ექსპორტის ოდენობაც გაზარდეს. საქართველოში კარტოფილის წარმოების დიდი წილი სამცხე–ჯავახეთის რეგიონზე მოდის და ქვეყნის მთლიან წარმოებაში 64%-ს შეადგენს, რაც კარტოფილის წარმოების მაღალი მაჩვენებელია. წელს ექსპორტზე გატანილმა კარტოფილმა 35 ათას ტონას გადააჭარბა, რაც წინა წლის ანალოგიურ პერიოდთან შედარებით 7-ჯერ არის გაზრდილი. მაღალი ხარისხის პროდუქციაზე მოთხოვნა შიდა ბაზარზეც დიდია. ფერმერების თქმით, ექსპორტისა და შიდა ბაზარზე მოთხოვნის გაზრდას ფასების გაორმაგება მოყვა, რამაც მათი შემოსავალი 2–ჯერ გაზარდა.

რამდენიმე წელიწადში სერტიფიცირების სრულყოფილი სისტემა ამოქმედდება. კანონი თესლის სერტიფიცირების შესახებ უკვე ძალაშია და დაწყებულია რამდენიმე ფერმერული მეურნეობის ნებაყოფლობითი სერტიფიცირება. ეს კი, ფერმერებს ეხმარებათ, რომ ხარისხიანი სათესლე მასალა გამოიყენონ და ხარისხიანი პროდუქტიც მიიღონ.

ოფიციალური ნაწილის დასასრულს ავსტრიის განვითარების სააგენტოს საქართველოს ოფისის ხელმძღვანელმა, გერჰარდ შაუმბერგერმა წარადგინა ავტრიის რესპუბლიკის მიერ დაფინანსებული პროექტი „საქართველოში სოფლად საარსებო საშუალებების გაძლიერება: ჯანსაღი თესლის წარმოების ინტეგრირებული მიდგომის დანერგვა კარტოფილის ადგილობრივი თესლწარმოების სისტემაში“. პროექტის ფარგლებში 14 ოქტომბრამდე გაიმართება ვორქშოფები, რომელსაც დარგის სპეციალისტები და მწარმოებლები დაესწრებიან.

კარტოფილის საერთაშორისო ცენტრის საქართველოს წარმომადგენლობის გახსის წინაპირობას 2016 წელს სოფლის მეურნეობის სამინისტროს სამეცნიერო-კვლევით ცენტრთან გაფორმებული ურთიერთთანამშრომლობის მემორანდუმი გახდა. მემორანდუმის ფარგლებში ქვეყანაში მეკარტოფილეობის დარგში არსებულ პრობლემატიკაზე დაყრდნობით შემუშავდა ხუთწლიანი პროგრამა, რომელიც საქართველოში მეკარტოფილეობის დარგის განვითარებას შეუწყობს ხელს.

კარტოფილის საერთაშორისო ცენტრის წარმომადგენლობა საქართველოში გახდება რეგიონალური ოფისი, საიდანაც დაიფარება ცენტრალური აზიისა და კავკასიის ქვეყნები, კარტოფილის საერთაშორისო ცენტრი საქართველოში დანერგავს კარტოფილის მოვლა-მოყვანის ინოვაციურ ტექნოლოგიებს და წარადგენს ახალ პერსპექტიულ ჯიშებს, აგრეთვე აამაღლებს მეკარტოფილეობის სექტორში მოღვაწე მეცნიერების, ფერმერების და მწარმოებლების ცოდნას.

კარტოფილის საერთაშორისო ცენტრი წარმოადგენს სასოფლო-სამეურნეო კვლევების საერთაშირისო საკონსულტაციო ჯგუფის (CGIAR) წევრ საერთაშორისო ორგანიზაციას, რომელიც მისივე ინიციატივით 1971 წელს დაარსდა. კარტოფილის საერთაშორისო ცენტრის მისიაა ითანამშრომლოს პარტნიორებთან სასურსათო უსაფრთხოების მისაღწევად, შეჭირვებული მოსახლეობის დასახმარებლად და გენდერული თანასწორობის დასაცავად, სასოფლო-სამეურნეო კვლევევისა და ინოვაციების განვითარება-დანერგვის გზით.

ახალციხეში ფერმერებს ახალი სახელმწიფო პროგრამა წარუდგინეს

19 ივლისი, 2018 , 17:50

სასოფლო-სამეურნეო კოოპერატივების განვითარების სააგენტოს თავმჯდომარემ გიორგი მიშელაძემ ახალციხეში, სამცხე-ჯავახეთში მოქმედი კოოპერატივების წარმომადგენლებსა და ადგილობრივ ფერმერებს „სასოფლო-სამეურნეო კოოპერატივებში ს

მაშველებმა ერთი უკრაინელი ტურისტი თეთნულდიდან უსაფრთხო ადგილზე გადაიყვანეს

19 ივლისი, 2018 , 17:50

საგანგებო სიტუაციების მართვის სამსახურის სამთო მაშველებმა, რთული მეტეოროლოგიური პირობების მიუხედავად, ერთი უკრაინელი ტურისტი მთის ფერდობიდან უსაფრთხო ადგილზე გადაიყვანეს. საგანგებო სიტუაციების მართვის სამსახურის ინფორმაც

ლენტეხში მოსახლეობა „ხელედულა-3“ ჰესის მშენებლობას აპროტესტებს და მშენებელი კომპანიის ტექნიკას არ ატარებს

19 ივლისი, 2018 , 16:00

ლენტეხში მოსახლეობა „ხელედულა-3“ ჰესის მშენებლობას აპროტესტებს. შეკრებილებმა კომპანია „ხედელულა ენერჯის“ კუთვნილი მძიმე ტექნიკა ხეობის მიმართულებით არ გაატარეს. მათი თქმით, კომპანიამ ტექნიკა ცაგერ

თეთნულდზე ორ უკრაინელ ტურისტს ეძებენ

19 ივლისი, 2018 , 15:10

თეთნულდზე ორ უკრაინელ ტურისტს ეძებენ. როგორც საგანგებო სიტუაციების მართვის სამსახურში აცხადებენ, ტურისტების ადგილსამყოფელი იციან, თუმცა რთული რელიეფისა და ამინდის გაუარესების გამო ვერტმფრენი მიახლოებას ვერ ახერხებს. მათი

სურსათის ეროვნულმა სააგენტომ ზესტაფონში, ავტომაგისტრალზე მდებარე ობიექტები შეამოწმა

19 ივლისი, 2018 , 13:55

სურსათის ეროვნული სააგენტოს ინსპექტირების ჯგუფებმა ზესტაფონის მუნიციპალიტეტში, ცენტრალურ ავტომაგისტრალზე მდებარე საზოგადოებრივი კვების ობიექტები შეამოწმეს. შემოწმების პროცესში, იმერეთის რეგიონული სამსახურის სპეციალისტებთ

აჭარის უმაღლეს საბჭოში დღეს მინისტრთა კაბინეტის წევრობის კანდიდატებს მოუსმენენ

19 ივლისი, 2018 , 11:10

უმაღლესი საბჭო აჭარის მთავრობის თავმჯდომარისა და მინისტრთა კაბინეტის დამტკიცებისთვის რიგგარეშე სესიას 20 ან 21 ივლისს ჩანიშნავს. დღეს კი დაგეგმილია კანდიდატების მოსმენა. უმაღლესი საბჭოს კომიტეტებს საკუთარ ხედვას გააცნობს

ვიდეო გალერეა

სისხლში მოსვრილი ბიჭები ხორავას ქუჩიდან