უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
სამწუხაროდ, თქვენ ვერ შეიგნეთ, რომ ყველა ქართველის პრეზიდენტი ყოფილიყავით - სალომე ზურაბიშვილი
მთაწმინდის დამოუკიდებელმა დეპუტატმა პარლამენტში, სალომე ზურაბიშვილმა საკანონმდებლო ორგანოში პრეზიდენტის მოხსენების შემდეგ გიორგი მარგველაშვილს მიმართა და ის გააკრიტიკა.
"სამწუხაროდ, ბატონო პრეზიდენტო, თქვენ, არ თუ ვერ გაუფრთხილდით ამ სიმბოლოს ისე, როგორც სასურველი იქნებოდა. სამწუხაროდ, ის მრავალთავიანი საგარეო წარმოამდგენლობა მსოფლიო მოედანზე გადააქციეთ სამარცხვინო შეჯიბრად და ქიშპობის საგნად. სამწუხაროდ, გაერთიანებისა და მიუკერძოებლობის სიმბოლოს მაგივრად ნელ-ნელა იქეცით საზოგადოებსი ერთი ნაწილის პოზიციების გამხმოვანებლად. დღესაც, ალბათ, ვნახავთ თქვენსა და ერთ ფლანგს პოზიციათა შორის დიდ მსგავსებას. გადახვედით სახელმწიფო მოღვაწეობიდან პოლიტიკურ არენაში. სამწუხაროდ, თქვენ როცა შეირგეთ პირველ დღესვე ამ ადგილზე თქვენივე დანიშვნე, თქვენვე დააყენეთ მაშინ პრეზიდენტის არჩევითობის პრინციპი.
სამწუხაროდ, როცა შეწყალების დროს თქვენი ახლობლების მიმართ უფრო ლმობიერებას იჩენთ, ვიდრე უპატრონო მოქალაქეების მიმართ, თქვენვე მორალურ ავტორიტეტს აქვეითებთ. სამწუხაროდ, როცა ვეტოთი ვხმალაობთ, იმის მაგივრად, რომ ეს ბერკეტი გამოიყენოთ მხოლოდ უკიდურეს შემთხვევაში, როცა ნამდვილად დემოკრატიული სახელმწიფოებრივი პრინციპი ირღვევა და საფრთხის ქვეშ დგება და ამის მაგივრად რომ მიგეჩვიათ საზოგადოება ჩვეულებრივ აზრთა სხვაობას, დისკუსიას და ურთიერთაზრების პატივისცემას, თუმცა ეს მხოლოდ თქვენზე არაა დამოკიდებული, ამის მაგივრად დაპირისპირებისა და დაძაბულობის მაგალითს აძლევთ თქვენი გამაერთიანებელ როლს აკნინებთ. სამწუხაროდ, თქვენ ვერ შეიგნეთ, რომ ყველა ქართველის პრეზიდენტი ყოფილიყავით და დღემდე ველოდები თქვენ მიერ გამოთქმულ პოზიციას უცხოეთში ჩვენს თანამემამულეებზე. სააკაშვილის პრაქტიკა შეირგეთ და მადლობებსაც კარგად ღებულობთ",- მიმართა ზურაბიშვილმა პრეზიდენტს.
ნინო ექვთიმიშვილი