უკან

უახლესი ამბები

დღის კალენდარი

ანონსები

არქივი

პოლიტიკა

11 იანვარი, 2018 16:10
font-size

სამუშაო პროცესში დავინახავთ, რომელ უწყებას რა ტიპის პრობლემები აქვს - თავდაცვის კომიტეტში სამხედრო სავალდებულო სამსახურის რეფორმაზე იმსჯელეს

თავდაცვისა და უშიშროების კომიტეტში სამხედრო სავალდებულო სამსახურის რეფორმის საკითხზე სამუშაო შეხვედრა გაიმართა. კომიტეტის წევრებმა და ძალოვანი სამსახურების წარმომადგენლებმა რეფორმის ძირითად მიმართულებებზე და მისი განხორციელების მექანიზმებზე დისკუსია გამართეს.

სამუშაო ჯგუფის შექმნის ინიციატორმა, თავდაცვისა და უშიშროების კომიტეტის თავმჯდომარემ ირაკლი სესიაშვილმა რეფორმის განხორციელების მნიშვნელობაზე ისაუბრა და აღნიშნა, რომ იმისათვის, რომ რეფორმით კონკრეტული შედეგები იყოს მიღებული, აუცილებელია კომპლექსური მიდგომა და ერთობლივი მუშაობა. მისივე განცხადებით, სამხედრო სავალდებულო სამსახურის რეფორმით პრემიერ-მინისტრიც დაინტერესებულია და იგი მიმდინარე სამუშაო პროცესების საქმის კურსშია.

რაც შეეხება უშუალოდ რეფორმას, სესიაშვილის შეფასებით, იგი ქვეყნის უსაფრთხოებას სჭირდება და შესაბამისად, მნიშვნელოვანია, დაიხვეწოს წვევამდელთა სისტემა, რადგან ნებისმიერი წვევამდელი მომავალი რეზერვისტია.

სამუშაო შეხვედრაზე თავდაცვისა და შინაგან საქმეთა სამინისტროების, ასევე სახელმწიფო უსაფრთხოების სამსახურის, სახელმწიფო დაცვის სპეციალური სამსახურისა და სასჯელაღსრულების დეპარტამენტის წარმომადგენლებმა, საკუთარ უწყებებში, წვევამდელთა მიერ სამხედრო სავალდებულო სამსახურის გავლის რეჟიმსა და პროცედურებზე ისაუბრეს. შეხვედრაზე მხარეებმა, გარკვეულ უწყებებში, სტუდენტებისა და საკონტრაქტო სამსახურში მყოფი სამხედრო მოსამსახურეების მიერ წვევამდელთა ჩანაცვლების შესაძლო მოდელებზეც იმსჯელეს.

„ყველანი ვთანხმდებით, რომ სამხედრო სავალდებულო სამსახური რეფორმას საჭიროებს. ამ მხრივ, თავდაცვის სამინისტრომ პირველი აქტიური ნაბიჯი გადადგა და ყველა წვევამდელი სამხედრო მომზადებას გადის. მათთვის სოციალური პირობებიც გაუმჯობესდა და ისინი დასვენების უფლებითაც სარგებლობენ. სამხედრო სავალდებულო სამსახური არის კომპლექსური თემა, რადგან წვევამდელებს სამხედრო სამსახურის გავლა სხვადასხვა უწყებაში უწევთ. რეფორმაზე მუშაობას ვიწყებთ და სამუშაო პროცესში დავინახავთ, რომელ უწყებას რა ტიპის პრობლემები აქვს. ჩვენ საერთო პრინციპებზე შევთანხმდებით და ამის შემდეგ ჩამოვყალიბდებით, რა ტიპის რეფორმა უნდა განხორციელდეს“, - განაცხადა სესიაშვილმა.

სამუშაო შეხვედრას განათლებისა და მეცნიერების და რეგიონული განვითარებისა და ინფრასტრუქტურის მინისტრების მოადგილეები დაესწრნენ. სამხედრო სავალდებულო სამსახურის რეფორმის ირგვლივ მსჯელობა და შეხვედრები ძალოვან სამინისტროებში პერიოდულად გაიმართება.

ნატო ჩხეიძე: ნეტავ დივერსიული ჯგუფია თუ ჯანსაღი?..

27 იანვარი, 2021 , 20:10

„უკვე დიდი ხანია, ისეთი პირი უჩანს,რომ არა მარტო ელისაშვილ-იოსელიანი, არამედ გირჩის განაყოფიც: ხვიჩია-მეგრელიშვილ-რაქვიაშვილის სახით ოპოზიციის ოპოზიციად არის ჩამოყალიბებულ-გამწესებული,“ - ამის შესახებ მოძრაობ

თავდაცვის ძალების მეთაურმა ნატო-ს მეკავშირეთა გაერთიანებულ სარდლობაში შეხვედრები გამართა

27 იანვარი, 2021 , 17:20

საქართველოს თავდაცვის ძალების მეთაური, გენერალ-მაიორი გიორგი მათიაშვილი ვიზიტით ბელგიაში იმყოფება, სადაც ნატო-ს შტაბ-ბინა ალიანსის წევრი და პარტნიორი ქვეყნების თავდაცვის ძალების მეთაურების შეხვედრებს მასპინძლობს. ამის შე

იმედი მაქვს, უახლოეს დღეებში პარლამენტს მეორე ოპოზიციური პარტია შემოუერთდება - არჩილ თალაკვაძე

27 იანვარი, 2021 , 16:35

„ოპოზიციის რადიკალური ნაწილი აცხადებდა, რომ „ქართული ოცნება“ პარლამენტში იქნებოდა მარტო. მოგეხსენებათ, დღეს ეს სტატუს-კვო შეცვლილია“, - განაცხადა პარლამენტის თავმჯდომარემ არჩილ თალაკვაძემ და აღნიშ

არ ვაპირებთ უკანდახევას -ლევან ბეჟაშვილი

27 იანვარი, 2021 , 15:25

არ ვაპირებთ უკანდახევას, ჩვენ მიღმა დგას საზოგადოება, ელექტორატი, მათი მოთხოვნა, რომ ამ ქვეყანაში გაყალბებული არჩევნების შედეგად პოლიტიკური კრიზისი გადაწყდეს ახალი საპარლამენტო არჩევნების გზით, – ამის შესახებ &bdqu

გენერალ-მაიორი გიორგი მათიაშვილი ნატოს სამხედრო კომიტეტის თავმჯდომარეს, გენერალ სტიუარტ პიჩს შეხვდა

27 იანვარი, 2021 , 12:00

საქართველოს თავდაცვის ძალების მეთაური, გენერალ-მაიორი გიორგი მათიაშვილი ნატოს სამხედრო კომიტეტის თავჯდომარეს, გენერალ სტიუარტ პიჩს შეხვდა. ამის შესახებ ინფორმაციას საქართველოს თავდაცვის სამინისტრო ავრცელებს. მათივე ინფორ

საქართველოს დღეს ირანის საგარეო საქმეთა მინისტრი, მოჰამედ ჯავად ზარიფი ეწვევა

27 იანვარი, 2021 , 10:36

საქართველოს, რეგიონალური ტურნეს ფარგლებში, დღეს, ორდღიანი ვიზიტით, ირანის ისლამური რესპუბლიკის საგარეო საქმეთა მინისტრი, მოჰამედ ჯავად ზარიფი ეწვევა. საქართველოს საგარეო უწყების ინფორმაციით, ვიზიტის ფარგლებში იგი შეხვედრ