კონფლიქტის ზონა

საოკუპაციო ხაზთან გამაფრთხილებელი აქცია გაიმართება

საოკუპაციო ხაზთან, დღეს, გამაფრთხილებელი აქცია -„რუსეთი ოკუპანტია!“ გაიმართება. 24 საათიანი გამაფრთხილებელი აქცია საღამომდე გაგრძელდება.

აქტივისტები სოფელ ქერეში ჩასვლასა და საქართველოს მოქალაქეების გატაცების ფაქტებს გააპროტესტებას გეგმავენ.

„აპრილის თვეში ეს უკვე არის მეხუთე გატაცება. გამოდის რომ ყოველ მეორე-მესამე დღეს რუსი ოკუპანტები იტაცებენ ჩვენს მოქალაქეებს. ჩვენ რამდენჯერმე გავაჟღერეთ, რომ აუცილებლად შევაფერხებდით რუსული სანომრე ნიშნიანი მანქანების მოძრაობას. ვაპროტესტებთ რუსულ ოკუპაციას,“-აცხადებს აქციის მონაწილე გიორგი შერვაშიძე.

აქციის მონაწილეები ქერედან ორი დღის წინ გატაცებული აკაკი მისირელის დაუყოვნებლივ გათავისუფლებას მოითხოვენ.

„ვთხოვთ ხელისუფლებას მიიღოს გადამჭრელი ზომები იმისთვის, რომ მსგავსი ფაქტები აღიკევთოს. ბოლო პერიოოდის განმავლობაში ჩვენს მიერ კონტროლირებადი ტერიტორიიდან იტაცებენ ჩვენს მოალაქეებს.ეს არის 24 საათიანი გამაფრთხილებელი აქცია, რომელიც გრძელვადიან პერსპექტივაში მიიღებს პერმანენტულ ხასიათხს და მოხდება რუსული ტვირთებისა და რუსულნომრიანი მანქანების ბლოკირება გზის ამ მონაკვეთზე“, -აცხადებს აქციის მონაწილე, ჟურნალისტი ლაშა ბერულავა.

შიდა ქართლიდან ორი დღის წინ გატაცებული აკაკი მისირელი შიდა ქართლიდან ორი დღის წინ გაიტაცეს. ის ამ დრომდე ცხინვალის იზოლატორში პატიმრობაში იმყოფება.

საქართველოს საგარეო საქმეთა მინისტრის მიხეილ ჯანელიძის განცხადებით, ქართული მხარე ყველა ბერკეტს იყენებს, რათა ოკუპირებულ ტერიტორიებზე ადამიანის უფლებათა დარღვევების ფაქტებზე სათანადო რეაგირება მოხდეს.მისივე თქმით, საკითხზე საუბარი ამერიკის შეერთებულ შტატებში ვიზიტისას და ჟენევის მოლაპარაკებების მორიგ რაუნდზე მოხდება.

ცირა გურგენიძე