უკან
პოლიტიკა
23 მაისი, 2017 14:15
საპარლამენტო კომიტეტებმა ირაკლი სესიაშვილის ინიციატივას მხარი დაუჭირეს
თავდაცვისა და უშიშროებისა და ადამიანის უფლებათა დაცვის კომიტეტების გაერთიანებულ სხდომაზე მხარი დაუჭირეს ირაკლი სესიაშვილის ინიციატივას, რომლის მიხედვით, წვევამდელების მიერ სამხედრო სამსახურისგან მოტყუებით თავის არიდება დასჯადი გახდება.
კერძოდ, ცვლილებები შედის სისხლის სამართლის კოდექსის 356-ე მუხლის პირველ ნაწილში, რომლის მიხედვით, წვევამდელის მიერ ავადმყოფობის სიმულაცია, განზრახ თვითდაზიანება, ყალბი დოკუმენტების გამოყენება ან სხვა ტიპის მოტყუება დაისჯება ჯარიმით ან 3 წლამდე თავისუფლების აღკვეთით.
კანონპროექტი საპარლამენტო კომიტეტების გაერთიანებულ სხდომაზე პირველი მოსმენით განიხილეს. ცვლილებებზე მუშაობის შესახებ სესიაშვილმა 11 მაისს განაცხადა.
ანა მებურიშვილი