უკან

უახლესი ამბები

დღის კალენდარი

ანონსები

არქივი

პოლიტიკა

1 ივნისი, 2018 13:05
font-size

საპარლამენტო საგამოძიებო კომისიამ მთავარი აქცენტი უნდა გააკეთოს იმაზე, გადაცდომა ხომ არ ჩაიდინა პროკურატურამ - სახალხო დამცველი

საქართველოს სახალხო დამცველის, ნინო ლომჯარიას განცხადებით, ახლად ხორავას ქუჩაზე მოზარდების მოვლელობის საქმეზე ახლად შექმნილი საპარლამენტო საგამოძიებო კომისიის მიზანი უნდა იყოს პროკურატურის მიერ გამოძიების პროცესში დაშვებული ხარვეზების გამოვლინება.

ომბუდმსნემა აღნიშნა, რომ გამოძიება შსს-მ უნდა ჩაატაროს, ხოლო ამ პროცესს უნდა აკონტროლებდეს პარლამენტი.

„გუშინ სასამართლომ დაადასტურა ის, რომ გამოძიებამ ვერ გამოავლინა მკვლელი დავით სარალიძის შემთხვევაში. ჩვენ ვერ ავუვლით გვერდს საპროცესო მოქმედებებს, ისე, როგორც კანონშია გაწერილი; გამოძიება აუცილებლად უნდა დაიწყოს. ეს უნდა ყოფილიყო გამოძიებული უფრო ადრე და მალე. გამოძიება უნდა წასულიყო იმ მიმართულებით, რომ გამოკვეთილიყო, ვინ იყო მკვლელობის მონაწილე სხვა პირი. დაუყოვნებლივ არის გამოძიება დასაწყები.

რაც შეეხება საპარლამენტო კომისიას, ვფიქრობ, საპარლამენტო კომისიის მთავარი აქცენტი უნდა იყოს იმაზე, რამე გადაცდომა ხომ არ ჩაიდინა პროკურატურამ, პროკურატურის წარმომადგენლებმა ამ დანაშაულის გამოძიების დროს; რატომ არ წავიდა გამოძიება ასევე სხვა ვერსიების მიმართულებით და ხომ არ იკვეთება მათ ქმედებებში გადაცდომა.

ეს არის რეალობა, ეს არის მოქმედი კანონმდებლობა, ვერცერთი სხვა მექანიზმი შსს-ს გარდა ვერ ჩაანაცვლებს გამოძიებას. გამოძიება უნდა დაიწყოს შინაგან საქმეთა სამინისტრომ, თუმცა ზედამხედველობა საქართველოს პარლამენტმა უნდა განახორციელოს საგამოძიებო კომისიით“, - განაცხადა ლომჯარიამ.

გუშინ თბილისის საქალაქო სასამართლოს მოსამართლემ ეკა არეშიძემ ხორავას ქუჩაზე მოზარდების მკვლელობის საქმეზე გამამტყუნებელი განაჩენი გამოიტანა. მოსამართლემ ერთ-ერთი ბრალდებული დავით სარალიძის მკვლელობის ნაწილში გაამართლა, ხოლო მეორე ბრალდებულს ბრალი გადაუკვალიფიცირა და სარალიძის მკვლელობის მცდელობაში ცნო დამნაშავედ. შესაბამისად, დაუდგენელია, ვინ მოკლა სარალიძე.

პროკურატურამ გამოაცხადა, რომ აღნიშნულ განაჩენს სააპელაციო სასამართლოში გაასაჩივრებს.

სასამართლოს შემდეგ ხორავას ქუჩაზე მოკლული მოზარდის, დავით სარალიძის მამამ, ზაზა სარალიძემ აქცია დაიწყო მთავარი პროკურატურის შენობასთან. მისი თავდაპირველი მოთხოვნა საქართველოს მთავარი პროკურორის, ირაკლი შოთაძის გადადგომა და პასუხისგებაში მიცემა იყო, ასევე მისი შვილის მკვლელობაში ბრალდებული პირების დაჭერა და გასამართლება. მას შემდეგ, რაც შოთაძემ თანამდებობა დატოვა, აქცია გადაინაცვლა რუსთაველზე. სარალიძის სოლიდარობის მიზნით ათასობით ადამიანი შეიკრიბა. სარალიძემ მთავრობის გადადგომის მოთხოვნა დააყენა.

აქცია ზაზა სარალიძის მხარდასაჭერად თბილისის პარლამენტთან დღეს, 16 საათზე განახლდება. სარალიძემ მხარდამჭერების ნაწილთან ერთად ღამე რუსთაველის გამზირზე გაშლილ კარვებში გაატარა. ისინი პარლამენტის შენობასთან ამ დრომდე რჩებიან.

გუშინვე პარლამენტმა მხარი დაუჭირა ხორავას ქუჩაზე მომხდარი მკვლელობის საქმეზე სპეციალური საგამოძიებო კომისიის შექმნას.

ხორავას ქუჩაზე ორი მოზარდი 1-ელ დეკემბერს დაჭრეს. ერთი მოზარდი საავადმყოფოში მიყვანამდე გარდაიცვალა, მეორე მოზარდი კი ექიმების მცდელობისა და რამდენიმე ოპერაციის ჩატარების მიუხედავად 2 დეკემბერს საავადმყოფოში გარდაიცვალა.

გინდოდათ ხალხის გაჭირვებაზე და შიშებზე ფული გეკეთებინათ, ჩვენ ყველაფერ ამას დავასრულებთ - მიხეილ სააკაშვილი

20 ოქტომბერი, 2020 , 17:40

„ნაციონალური მოძრაობა – ძალა ერთობაშიამ“ საჩხერის მოსახლეობას მაჟორიტარი დეპუტატობის კანდიდატი გიორგი კაპანაძე წარუდგინა. „ნაციონალური მოძრაობის“ ლიდერებთან ერთად, შეკრებილ მოქალაქეებს უკრაი

8 წელიწადი მოგვპარეს, 8 წელიწადი მოპარეს ჩვენს შვილებს, 8 წელიწადი მოპარეს საქართველოს - გრიგოლ ვაშაძე

20 ოქტომბერი, 2020 , 17:10

ქვეყანას კორუმპირებული ხელისუფლება მართავს, რომლის ჯიბეშიც ილექება თითქმის მთლიანად სახელმწიფო ბიუჯეტი. ამიის შესახებ „ნაციონალური მოძრაობის" ლიდერმა გრიგოლ ვაშაძემ, საჩხერეში „ნაციონალური მოძრაობა“ მაჟ

გახარიამ თავისი თავი ამოწურა, წერტილი - გიორგი ვაშაძე

19 ოქტომბერი, 2020 , 16:15

პრემიერ-მინისტრმა თავისი თავი ამოწურა, რადგან ქვეყანაში სრული უმოქმედობაა, ეკონომიკა სრულად ჩამოშლილია და საქართველოში კრიზისმენეჯმენტი არ არსებობს, - ამის შესახებ „სტრატეგია აღმაშენებლის“ ლიდერმა, გიორგი ვაშ

კორონავირუსის პირობებში არჩევნების ჩატარების წესს რამდენიმე მნიშვნელოვანი პრობლემა აქვს - ლევან თარხნიშვილი

19 ოქტომბერი, 2020 , 16:15

„ევროპული საქართველოს“ მაჟორიტარობის კანდიდატის გორსა და კასპში, ლევან თარხნიშვილის განცხადებით, კორონავირუსის პირობებში არჩევნების ჩატარების წესს რამდენიმე მნიშვნელოვანი პრობლემა აქვს. მისივე თქმით, ფორსმაჟო

არჩევნები საქართველოში ჩატარდება კონსტიტუციურ ვადებში, არჩევნები არ გადაიდება - გიორგი გახარია

19 ოქტომბერი, 2020 , 14:35

ბევრი საუბარი იყო არჩევნებთან დაკავშირებით - მეგობრებო, არჩევნები საქართველოში ჩატარდება კონსტიტუციურ ვადებში, არჩევნები არ გადაიდება რამდენიმე მიზეზის გამო, პირველი - ყველას კარგად უნდა გვესმოდეს, რომ საარჩევნო უბანი ის

„ქართული ოცნების“ ხელში ქვეყანა ამ ზამთარს უბრალოდ ვერ გადაიტანს - დავით ჭიჭინაძე

19 ოქტომბერი, 2020 , 12:35

„ქართული ოცნების“ ხელში ქვეყანა ამ ზამთარს უბრალოდ ვერ გადაიტანს! - ამის შესახებ პოლიტიკური მოძრაობა „დავით ჭიჭინაძე - ტრიბუნას“ ლიდერმა დავით ჭიჭინაძემ განაცხადა. დავით ჭიჭინაძის თქმით, მოსახლეობ