საქართველოს საპარლამენტო არჩევნების ზუსტი თარიღი, სავარაუდოდ, აგვისტოში გამოცხადდება.

როგორც ჟურნალისტებს ცენტრალური საარჩევნო კომისიის თავმჯდომარე ზურაბ ხარატიშვილმა განუმარტა, კონსტიტუციის თანახმად, არჩევნების ჩატარება ოქტომბერში იგეგმება.

„ზუსტ თარიღს კი აცხადებს პრეზიდენტი არჩევნების თარიღამდე არაუგვიანეს 60 დღისა. ეს არის კანონის ნორმა“, _ აღნიშნა ზურაბ ხარატიშვილმა.

შეგახსენებთ, რომ ცესკო-ს თავმჯდომარე დღეს თბილისში, სასტუმრო „თბილისი მარიოტში“ საარჩევნო საკითხებზე მომუშავე მედიაჯგუფს შეხვდა.