უახლესი ამბები
- 17.04.2024 15:51სხვადასხვა ოლიგარქებზე გაფორმებული მთელი რუსული შავი სალარო შესაძლოა ვიხილოთ საქართველოში - გია ხუხაშვილი `ოცნების` ახალ კანონპროექტზე
- 17.04.2024 15:40პარლამენტმა, პირველი მოსმენით, 82 ხმით მხარი დაუჭირა “საგადასახადო კოდექსში“ ცვლილებებს
- 17.04.2024 14:54ამ პირობებში პარლამენტში ყოფნას ჩემთვის არც პოლიტიკური აზრი და არც მორალური გამართლება გააჩნია - გრიგოლ ვაშაძე
- 17.04.2024 13:38თბილისში ავარიული საცხოვრებელი კორპუსები კიდევ ორ მისამართზე ჩანაცვლდება
- 17.04.2024 13:30`საქართველოსთვის` დეპუტატებმა პროტესტის ნიშნად სხდომათა დარბაზი დატოვეს
- 17.04.2024 12:54გთავაზობთ საერთო სიის გზით სიარულს ნეიტრალურ პლატფორმაზე, არა რომელიმე პარტიის ქვეშ, არამედ ნეიტრალურ პარტიაზე - მიხეილ სააკაშვილი
- 17.04.2024 12:28ეს არის ტყუილი, რასაც ხელისუფლების წარმომადგენლები და მომხრეები ამბობენ - გოჩა მირცხულავა
- 17.04.2024 12:21საკუთარი ქვეყნის ხელისუფლებას უჩივის სხვა ქვეყნის ხელისუფლებაში -პაპუაშვილი პრეზიდენტზე
- 17.04.2024 12:14პირდაპირ ჩემ სახეზე გაატარეთ აწი ევროპა - აქციაზე დაშავებული ლევან ბუდაღაშვილი
- 17.04.2024 11:55ამდენი იმიტომ არ გვიბრძოლია დამოუკიდებლობისა და ევროინტეგრაციისთვის, რომ ვინმე უცხოელმა ჩემს ქვეყანას ისევ „ვარდების რევოლუციისკენ“ მოუწოდოს - მაია ბითაძე
არქივი
სამართალი
საპატრიარქოს იურისტი მეუფე იაკობის ინფორმაციას, რომ პატრიარქის მკვლელობა იგეგმებოდა - ეთანხმება
საპატრიარქოს იურისტი ედიშერ ქარჩავა, მეუფე იაკობის მიერ გაკეთებულ განცხადებას ეთანხმება.
მეუფე იაკობმა დიდ შაბათს, გარდამოხსნის წესის დროს ლოცვის დასრულების შემდეგ განაცხადა, რომ პატრიარქის მკვლელობა იგეგმებოდა.
"უფალო, დიდი მადლობა, რომ აგვარიდე ძალიან მძიმე დანაშაულს, რომლის შემდეგაც უდიდესი წყევლა გადმოვიდოდა ჩვენს ერზე და როგორც მოსიყვარულე მამამ, არ მიეცი უფლება და საშუალება, რომ მოგვეკლა ჩვენი პატრიარქი. ამას იმიტომ ვამბობ, რომ თავიდან ბოლომდე ჩახედული ვარ და მე არ მჭირდება და არც შენ არ გჭირდება, უფალო, უდანაშაულობის პრეზუმპცია. ვიცით, რაც ხდებოდა. გულწრფელად მეცოდებიან ისინი. მადლიერი ვართ შენი, რომ აარიდე იმ აზრს და თუ შეინანებენ, აბსოლუტურად არავინ არ ვიქნებით ისეთი ადამიანები, რომლებიც, პირიქით, სინანულის მერე გვერდში არ დავუდგებით და ჩვენც ვიტვირთავთ მერე მაგ უმძიმეს დანაშაულს,"- განაცხადა მეუფე იაკობმა.
როგორც ედიშერ ქარჩავამ „ტვ პირველთან“ სატელეფონო საუბარში აღნიშნა, ის ეთანხმება მეუფე იაკობის ნათქვამს, „ალბათ მეუფეს აქვს ამის თქმის საფუძველი და ამაზე აქვს გარკვეული ინფორმაცია“.
„მე სრულიად ვეთანხმები მეუფე იაკობის პოზიციას. ჩვენ გვავიწყდება ხშირად, რომ არსებობს სამართლებრივი კანონმდებლობა და არსებობს საეკლესიო სამართლის ნორმები. ამიტომ, მღვდელმთავარს ყოველთვის აქვს უფლება სინანულისაკენ მოუწოდოს სასულიერო პირს. საზოგადოების გარკვეული ფენებისათვის, ყველასთვის ყველაფერი კარგად არის ცნობილი. ვინ რას გეგმავდა, ვის უნდოდა პატრიარქის გაყვანა და ვის გამორჩევა უნდოდა - ყველამ ყველაფერი იცის. უბრალოდ, უდანაშაულობის პრეზუმციას ვერ არღვევს ვერავინ, ამიტომ კონკრეტულად ვერ ასახელებენ რაღაც გარემოებებს“,-აღნიშნაა საპატრიარქოს იურისტმა.
კითხვაზე, „იზიარებთ პოზიციას, რომ მზადდებოდა პატრიარქის მკვლელობა?“, ედიშერ ქარჩავა პასუხობს, რომ „იზიარებს“.
„მე ვიზიარებ მეუფე იაკობის პოზიციას. ალბათ მას აქვს ამის საფუძველი და ამაზე აქვს გარკვეული ინფორმაცია, ამიტომ მღვდელმთავარს აქვს იმის უფლება, რომ მოუწოდოს სასულიერო პირს სინანულისკენ. მეუფე ყოველთვის ამბობს და ადასტურებს იმ ინფორმაციას რაც მას გააჩნია.
საზოგადოების გარკვეული ფენებისათვის - ეს იქნება სამთავრობო, საეკლესიო, საზოგადოების გარკვეული ფენებისათვის, თუნდაც ადვოკატებისათვის მეტი ინფორმაცია არის ცნობილი. მე შემიძლია დავეყრდნო მეუფეს ინფორმაციას“,-აღნიშნა იურისტმა.
ამასთან, მისი თქმით, იგი გამოძიებას ენდობა.
მონიკა დავლიანიძე