უახლესი ამბები
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
ეკონომიკა
საპენსიო რეფორმა არის მთავრობისა და ბანკების ერთობლივი შეთქმეულება საქართველოს მოქალაქეების წინააღმდეგ - ზურაბ ჯაფარიძე (ვიდეო)
„გირჩის“ ლიდერმა - ზურაბ ჯაფარიძემ გააკრიტიკა 2018 წლისთვის დაგეგმილი საპენსიო რეფორმა. მან გათვალისწინებულ ცვლილებებს „მთავრობისა და ბანკების შეთქმულება“ უწოდა საქართველოს მოქალაქეების წინააღმდეგ.
„მთავრობის მიერ დაანონსებული საპენსიო რეფორმა არის მთავრობისა და ბანკების ერთობლივი შეთქმეულება საქართველოს მოქალაქეების წინააღმდეგ. 2018 წლის დაანონსებული საპენსიო რეფორმა, რომელმაც თითქოს 40-50 წლის შემდეგ უნდა უზრუნველყოს საქართველოში დღეს დასაქმებულების უზრუნველი სიბერე, სინამდვილეში წარმოადგენს მთავრობისა და ბანკების შეთანხმებულ წინასწარ გააზრებულ ფინანსურ სქემას, რომლის მიზანია ხელისუფლებისა და მსხვილი ფინანსური ინსტიტუტების უზრუნველყოფა რიგითი მოქალაქეების ჯიბიდან ამოღებული მილიარდობით ლარით ნულოვანი პასუხისმგებლობის პირობებში“, - განაცხადა ჯაფარიძემ.
გირჩის დათვლებით, მთავრობას საპენსიო რეფორმასთან დაკავშირებით შემდეგი ფინანსური ინტერესები ამოძრავებს:
2019 წლისთვის საშემოსავლო გადასახადის მოცულობა იქნება დაახლოებით სამი მილიარდი ლარი;
საპენსიო რეფორმის მიხედვით დასაქმებული შემოსავლის 6%-ს ურიცხავს სახელწმიფო ფონდს, რის გამოც 2019 წლისთვის სახელწმიფო ფონდებში დაახლოებით 900 მილიონი ლარის კაპიტალი მოიყრის თავს.
ზურაბ ჯაფარიძის განმარტებით, ხელისუფლების მიერ მიღებული შესაბამისი კანონით, საპენსიო ფულის დაბანდება შესაძლებელი იქნება მხოლოდ ნაკლებრისკიან საინვესტიციო პორთფელში. აქედან უცხოეთში განთავსების ნაკლებრისკიანი პორტფელის მაქსიმალური ზღვარია დაახლოებით 20%, ანუ 2019 წელს მხოლოდ 180 მილიონ ლარზეა საუბარი 900 მილიონიდან. აქედან 144 მილიონის ჩადება იქნება შესაძლებელი ქართული კომპანიების ფასიან ქაღალდებში. ჯაფარიძის აზრით, ამაში ვლინდება მსხვილი ბიზნესის ინტერესები.
რაც შეეხება მთავრობის ინტერესებს, 2019 წლისთვის 900 მილიონი ლარიდან მთავრობამ შიდა სესხის სახით შეიძლება აიღოს 720 მილიონი. ხოლო ბანკების ინტერესია, რომ 900 მილიონის 75% ( 675 მილიონ ლარამდე) შეიძლება განთავსდეს კომერციული ბანკების დეპოზიტებზე, რაც ბანკების ინტერესებში შედის.
კერძო დაგროვებითი საპენსიო რეფორმის პრეზენტაცია 31 ოქტომბერს მოხდა. ის ეხება დასაქმებულებისა და თვითდასაქმებულთა შემოსავალს. მათი ნაწილი ვალდებული იქნება, თავისი ხელფასიდან გარკვეული პროცენტი გამოჰყონ საპენსიო ფონდში გადასარიცხად.
პენსიისთვის საჭირო თანხის გამოყოფა 2%+2%+2%-ის სქემით მოხდება. კერძოდ, 2%-ს გამოჰყოფს დამსაქმებელი, 2%-ს დასაქმებული და 2%-ს სახელმწიფო. ეს კონტრიბუცია გათავისუფლებული იქნება საშემოსავლო გადასახადისაგან.
ანა მებურიშვილი