საზოგადოება

საქალაქთაშორისო მიკროავტობუსების მძღოლების 93% ერთხელ მაინც არღვევს საგზაო მოძრაობის წესს - კვლევა

არასამთავრობო ორგანიზაციების, კავკასიის კვლევითი რესურსების ცენტრისა (CRRC-ის) და „პარტნიორობა საგზაო უსაფრთხოებისთვის“ წარდგენილი კვლევის მიხედვით, საქალაქთაშორისო მიკროავტობუსების მძღოლთა 93% საგზაო მოძრაობისას ერთხელ მაინც არღვევს წესს.

„გამოიკვეთა საგზაო უსაფრთხოებასთან მთელი რიგი პრობლემები, კერძოდ, მიკროავტობუსის მძღოლების 93%, რომელსაც დავაკვირდით, მინიმუმ ერთ დარღვევას მაინც სჩადიოდა, იქნება ეს ტელეფონზე საუბარი, ტექსტური შეტყობინების გაგზავნა, ღერძული ხაზის გადაკვეთა, აგრესული მანევრირება, გადასწრება, სახიფათო ხშირ შემთხვევებში“, - განაცხადა CRRC-ის მკვლევარმა გიორგი ბაბუნაშვილმა.

კვლევის ავტორის თქმით, ასევე დიდი პრობლემაა დაუფიქსირებელი, ე.წ. ჩადგმული სკამები, რომლის გამო მგზავრები განსაკუთრებული რისკის ქვეშ იმყოფებიან. ბაბუნაშვილის თქმით, დაუფიქსირებელი სკამები მოკლე დისტანციაზე მოძრავ მიკროავტობუსებში ხვდება, ხოლო შორ მანძილზე - თბილისი-ბათუმის, თბილისი- ზუგდიდის, თბილისი-ქუთაისის მიმართულებით კი ამ მხრივ შედარებით ნორმალური მდგომარეობა.

ბაბუნაშვილის განცხადებით, დიდ პრობლემას წარმოადგენს საგზაო ინფრასტრუქტურაც.

„თბილისში დაახლოებით 23 ავტოსადგურია და მათგან მხოლოდ რამდენიმეზეა სათანადო აღჭურვილობა. სადგურების უდიდესი უმრალესობა არ გააჩნია მოსაცდელი დარბაზები და სამედიცინო აღჭურვილობა“, - განაცხადა ბაბუნაშვილმა.

მისივე თქმით, ავტოსადგურების განლაგება ხელს უწყობს თბილისის გზების გადატვირთულობას.

კვლევის ავტორი ითხოვს, ავტოსადგურებისთვის დაწესდეს მინიმალური სტანდარტები, ასევე დაიხვეწოს კანონმდებლობა საგზაო უსაფრთხოების კუთხით.

ანა მებურიშვილი