უკან
ეკონომიკა
1 ნოემბერი, 2017 13:10
საქართველო არის ელიტარული ქვეყნების კლუბში - გიორგი გახარია
მსოფლიო ბანკის Doing Business 2018 წლის ანგარიშში, 190 ქვეყანას შორის, საქართველომ მე-16 ადგილიდან გადაინაცვლა მე-9 ადგილზე, - განაცხადა ეკონომიკის მინისტრმა გიორგი გახარიამ დღეს გამართულ პრესკონფერენციაზე.
გახარიას შეფასებით, ეს მაჩვენებელი მნიშვნელოვანია საქართველოს ბიზნეს გარემოსა და საინვესტიციო კლიმატისთვის.
"ეს არის ერთ-ერთი მნიშვნელოვანი რეიტინგი, რომელიც კომპლექსურად აფასებს 10 სხვადასხვა კომპონენტის კრიტერიუმის შესაბამისად, ქვეყანაში ბიზნესგარემოს, ბიზნესის კეთების სიმარტივეს და შესაბამისად აკეთება დასკვნებს. დღეს ჩვენ შეგვიძლია ვთქვათ, რომ საქართველო არის ელიტარული ქვეყნების კლუბში, სადაც მსოფლიოს 190 ქვეყანას შორის მარტივად და კომფორტულად არის შესაძლებელი ბიზნესის კეთება", - განაცხადა გიორგი გახარიამ.
ნინო ექვთიმიშვილი