უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
ეკონომიკა
საქართველო ევროპის და აზიის რეგიონში ყველაზე რეფორმატორული ქვეყანაა - გიორგი გახარია
საქართველოს ეკონომიკისა და მდგრადი განვითარების მინისტრმა გიორგი გახარიამ მსოფლიო ბანკის Doing Business 2018-ის რეიტინგში საქართველოს პოზიცია პრესკონფერენციაზე შეაფასა - 190 ქვეყანას შორის, საქართველომ მე-16 ადგილიდან მე-9 ადგილზე გადაინაცვლა და 2018 წლის რეიტინგის პირველ ათეულშია.
მინისტრმა მსოფლიო ბანკის რეიტინგში საქართველოს პოზიციის გაუმჯობესების მნიშვნელობაზე ისაუბრა. მისი განცხადებით, რეიტინგი აჩვენებს, რომ საქართველო ევროპის და აზიის რეგიონში ყველაზე რეფორმატორული ქვეყანაა. ამასთან, მინისტრის თქმით, გასათვალისწინებელია ისიც, რომ ეს არის ყველაზე კომპლექსური რეიტინგი და სხვადასხვა რეიტინგები, როგორიცაა „კონკურენტუნარიანობის ინდექსი“ და ა.შ. დიდწილად მის კვლევებს ეყრდნობა.
გიორგი გახარიას განცხადებით, ასეთ პრესტიჟულ რეიტინგში საქართველოს წინსვლა ძალიან მნიშვნელოვანია ჩვენი ბიზნესგარემოს და საინვესტიციო კლიმატისთვის. როგორც მან აღნიშნა, რეიტინგი კომპლექსურად აფასებს ათი სხვადასხვა კომპონენტის კრიტერიუმის თანახმად ქვეყანაში ბიზნესგარემოს, ბიზნესის კეთების სიმარტივეს და შესაბამისად აკეთებს დასკვნებს. „დღეს ჩვენ შეგვიძლია ვთქვათ, რომ საქართველო არის ელიტარული ქვეყნების კლუბში, ათეულში, რომლებშიც მსოფლიოში 190 ქვეყანას შორის ყველაზე მარტივად და კომფორტულადაა შესაძლებელი ბიზნესის კეთება. მინდა აღვნიშნო, რომ ჩვენი წინსვლა ისეთ კრიტერიუმებში, როგორიც არის ბიზნესის დაწყება, ელექტროენერგიაზე მიერთება, გადახდისუუნარობის შემთხვევებში კომპანიის ინტერესების დაცვა და კიდევ სხვა, ძალიან მნიშვნელოვანია და ეს არის კონკრეტული, პრაგმატული ნაბიჯები, რომლითაც ბიზნესს ხელი ეწყობა იმისთვის, რომ დაიწყონ და განახორციელონ თავიანთი საქმიანობა“, - აღნიშნა ეკონომიკისა და მდგრადი განვითარების მინიტრმა.
როგორც გიორგი გახარიამ განაცხადა, კერძო სექტორი და ბიზნესი ჩვენი ეკონომიკის ძირითადი მამოძრავებელი ძალაა - „ეს ეკონომიკის ის ნაწილია, რომელიც დღეს იზრდება და ჩვენი 5%-იანი ეკონომიკური ზრდა, რომელიც სექტემბერში დაფიქსირდა, სწორედ ამ კომპანიების და ამ ადამიანების დამსახურებაა. ასევე გვინდა აღვნიშნოთ, რომ ჩვენ ყველას კარგად გვესმის, რომ რეიტინგებში წინსვლა, რა თქმა უნდა, სასიხარულოა, ეს არის შედეგი ერთობლივი მუშაობის სხვადასხვა უწყებების და მთავრობის, ეს არის შედეგი იმ რეფორმების, რომლებიც 2016 და 2017 წლების განმავლობაში გატარდა“.
ეკონომიკისა და მდგრადი განვითარების მინისტრმა ასევე ისაუბრა რეფორმების პროცესის გაგრძელების აუცილებლობაზე. როგორც მან აღნიშნა, „რეფორმირება მცირე, ღია ეკონომიკის გარდაუვალი ნაწილია და ამას ყოველთვის უნდა ემსახურებოდეს ჩვენი მთავრობა. ასევე კარგად გვესმის, რომ რეიტინგების მონაცემები არის ძალიან კონკურენტული - ეს არის კონკურენცია სხვადასხვა ქვეყნებს შორის. რა თქმა უნდა, ჩვენ ყოველთვის უნდა ვეცადოთ, რომ წინსვლა და გაუმჯობესება გვქონდეს, თუმცა, ასევე ყურადღება უნდა მივაქციოთ იმ გარემოს, რომელშიც ჩვენ გვიწევს ასე ვთქვათ, კონკურენტული ცხოვრება, რა გარემოშიც გვიწევს ინვესტიციების მოზიდვა და ის გარემო, რომელშიც ჩვენ ვახდენთ აქტივობებს და ვატარებთ რეფორმებს“ - განაცხადა გახარიამ.
მინისტრმა ყურადღება გაამახვილა რეიტინგის იმ ათეულზე, რომელშიც დღეს საქართველო იმყოფება. მისი განცხადებით, ეს არის საინვესტიციო გარემოთი, საინვესტიციო აქტივობებით მსოფლიოს წამყვანი ქვეყნები, ეკონომიკის ზრდით და საქართველოს აქ მოხვედრა ძალიან მნიშვნელოვანია.
ამასთან, მინისტრის განცხადებით, ამ რეიტინგს აქვს კონკრეტული დატვირთვა, რომელსაც კონკრეტული ბენეფიტი და კონკრეტული შედეგი მოაქვს კომპანიებისთვის. როგორც მან აღნიშნა, უნდა გავითვალისწინოთ, რომ doing business-ს აქვს სულ 10 რეიტინგი - საქართველოს გაუმჯობესება ჰქონდა ექვსში და ოთხში საერთოდ არ შეუცვლია პოზიცია, „ეს ნიშნავს, რომ ვერცერთი კრიტერიუმით, რომელსაც doing business აფასებს, ვერცერთმა ქვეყანამ შარშან ვერ გვაჯობა“, - განაცხადა მინისტრმა.