უახლესი ამბები
არქივი
პოლიტიკა
![font-size](http://medianews.ge/public/assets/images/font-size.png)
საქართველო გეგმავს კიდევ უფრო დაუახლოვდეს ევროკავშირს - გიორგი კვირიკაშვილი
გიორგი კვირიკაშვილის განცხადებით, საქართველო დამოუკიდებლობის მოპოვების შემდეგ ევროინტეგრაციას მიისწრაფვის. მან ხაზი გაუსვა პროგრესს ევროკავშირთან ურთიერთობაში, კერძოდ, ასოცირების ხელშეკრულების ხელმოწერა და უვიზო მიმოსვლის შემოღება.
„ჩვენ ასევე აქტიურად ვახორციელებთ ევროკავშირში ინტეგრაციის დღის წესრიგს. ევროპულ სივრცეში დაბრუნების სურვილი საქართველომ 1991 წელს, სახელმწიფოებრიობის აღდგენისთანავე გამოთქვა.
წლების მანძილზე გაწეულმა დაუღალავმა შრომამ და საჯარო სფეროს ყველა მიმართულებით განხორციელებულმა რეფორმებმა, ჩვენს ევროპელ კოლეგებთან ინტენსიურმა თანამშრომლობამ შედეგად მოიტანა ევროკავშირთან ასოცირების ხელშეკრულების ხელმოწერა და უვიზო მიმოსვლის შემოღება საქართველოს მოქალაქეებისთვის.
ევროკავშირთან თავისუფალი ვაჭრობა, რასაც ემატება შენგენის ზონაში უვიზო მიმოსვლის უფლება ისტორიული მოვლენა გახლავთ, რომელიც აახლოვებს საქართველოს ევროპასთან. სიმბოლური დატვირთვის გარდა, ეს ხელს შეუწყობს ევროკავშირის წევრ სახელმწიფოთა და საქართველოს შორის საქმიანი, პროფესიული და ადამიანთა შორის კონტაქტების გააქტიურებას, რის შედეგადაც ჩემი ქვეყანა კიდევ უფრო დაუახლოვდება ევროპულ სტანდარტებს“, - განაცხადა კვირიკაშვილმა ნატოს საპარლამენტო ასამბლეის საგაზაფხულო სესიაზე.
კვირიკაშვილმა თქვა, რომ საქართველო გეგმავს, კიდევ უფრო დაუახლოვდეს ევროკავშირს სამართლებრივი და საკანონმდებლო კუთხით, ევროკავშირის სპეციალიზებულ სააგენტოებისა და პროგრამებთან თანამშრომლობის გაფართოებით, სექტორული თანამშრომლობის გაღრმავებით, ასევე უსაფრთხოებისა და თავდაცვის სფეროში თანამშრომლობის განმტკიცებით.
პრემიერ-მინისტრის განცხადებით, საქართველოს აქვს ამბიცია, რომ ევროინტეგრაციას მხოლოდ პოლიტიკური გადაწყვეტილება უძღოდეს წინ.
„ჩვენ გვაქვს ამბიცია, მივაღწიოთ ევროკავშირთან ინტეგრაციის ისეთ დონეს, როცა მხოლოდ წევრობის შესახებ პოლიტიკური გადაწყვეტილება დარჩება სასურველი მიზნის მისაღწევად“,- თქვა პრემიერ-მინისტრმა.
შეგახსენებთ, 26 მაისიდან თბილისში ნატოს საპარლამენტო ასამბლეის საგაზაფხულო სესია იმართება, რომელიც დღეს დასრულდება.
ანა მებურიშვილი
საკვანძო სიტყვები:
პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
24 აპრილი, 2024 , 11:19
ევროპარლამენტის რეზოლუციებმა საერთოდ დაკარგა ფასი ქართული საზოგადოებისთვის, კეზერაშვილს საწყალ დევნილად როცა გიცხადებენ, ევროპარლამენტარის განცხადებას ფასი ვერ ექნება - ირაკლი კობახიძე
23 აპრილი, 2024 , 18:13
ჩვენს ფეხბურთელებს არ აკლიათ მოტივაცია, თუმცა დამატებითი მხარდაჭერა არის ძალიან ფასეული, მადლობა ფონდ „ქართუსა“ და პირადად ბიძინა ივანიშვილს - ირაკლი კობახიძე
23 აპრილი, 2024 , 17:47
ყველას ახსოვს დღევანდელი რადიკალური ოპოზიციის დამოკიდებულება მედიისადმი, რომლის კულმინაცია იყო „იმედში“ სპეცრაზმით შეჭრა - ირაკლი კობახიძე
23 აპრილი, 2024 , 17:41
კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
23 აპრილი, 2024 , 17:34
კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
23 აპრილი, 2024 , 17:26