უკან

უახლესი ამბები

დღის კალენდარი

ანონსები

არქივი

ეკონომიკა

24 თებერვალი, 2017 17:50
font-size

საქართველო-ისრაელის ბიზნეს პალატამ და „ისრაელის სახლმა“ 2017 წლის სამოქმედო გეგმის პრეზენტაცია გამართეს

დღეს თბილისში, სასტუმრო „ქორთიარდ მარიოტში“ საქართველო-ისრაელის ბიზნეს პალატამ და „ისრაელის სახლმა“, ისრაელიდან ჩამოსული 100-მდე სტუმრის - ისრაელის მედიის წარმომადგენლების, ექსპერტების, ბიზნესმენების, ფინანსისტების, იურისტების, ისრაელში საზოგადოებრივი აზრის შემქნელების მონაწილეობით, გამართეს 2017 წლის სამოქმედო გეგმის პრეზენტაცია.

ღონისძიებას ესწრებოდნენ თბილისის მერი დავით ნარმანია და ისრაელის კომპანია „დორონ თრეველის“ ხელმძღვანელი დორი გილპაზი.

როგორც გეგმის წარდგენისას, საქართველო-ისრაელის ბიზნეს პალატისა და „ისრაელის სახლის“ ხელმძღვანელმა იციკ მოშემ აღნიშნა, საქართველო- პალატის და „ისრაელის სახლის“ სამოქმედო გეგმა მიზნად ისახავს საქართველოს კიდევ უფრო უკეთ გაცნობას ისრაელისა და მსოფლიო ებრაელობისთვის, მისი პოტენციალის წარმოჩენა-პოპულარიზაციას.

საქართველოს პოპულარიზაციის მიზნით, წელს ქვეყანას კიდევ ეწვევა საზოგადოებრივი აზრის შემქმნელი 500-მდე წარმომადგენელი ისრაელიდან, ხოლო კომპანია „დორონ თრეველი“ ისრაელიდან 10 ათასი ტურისტის შემოყვანას აპირებს. ისრაელელებისა და მსოფლიო ებრაელობისთვის შემუშავდა ებრაული კულტურული მემკვიდრეობის ახალი მარშრუტიც. მასში მოექცევა თბილისში ქართველი შინდლერების ხსოვნის პარკიც, რომლის გახსნაც, „ისრაელის სახლის“ ინიციატივით და თბილისის მერიის მხარდაჭერით, წელს იგეგმება.

საქართველო ისრაელის ბიზნეს პალატა წელს ორგანიზებას გაუკეთებს, აგრეთვე, ორ ბიზნეს ფორუმს, ისრაელის პარლამენტის - ქნესეთის დავალებით აქტიურად ჩაერთვება ისრაელ-საქართველოს დიპლომატიური ურთიერთობების 25 წლის იუბილესადმი მიძღვნილ ღონისძიებებში.

2017 წლის სამოქმედო გეგმის პრეზენტაციაზე საუბარი შეეხო, აგრეთვე, ჰაი-ტექსა და სოფლის მეურნეობაში ისრაელის წარმატებული მოდელების გადმოტანას, ისრაელიდან ინვესტიციების მოზიდვის საკითხს, ახალ ბიზნესპროექტებს.

იციკ მოშემ ყურადღება გაამახვილა ისრაელში საქართველოს მოქალაქეების უვიზოდ შესვლის საკითხზეც და აღნიშნა, რომ ამ საკითხზე საზოგადოებაში აზრთა სხვადასხვაობაა და ზოგჯერ ეს გამოხატულია ანტისემიტური ფრაზეოლოგიით. ამიტომ ის გამოდის ინიციატივით, რომ მხოლოდ დროებით, 100 დღით შეჩერდეს უვიზო მიმოსვლა ანუ ისრაელში შესვლა მოხდეს ჯერჯერობით ვიზებით , რათა ამ პერიოდში ორივე მხარის მონაწილეობით სპეციალურმა სამუშაო ჯგუფმა კარგად შეისწავლოს აღნიშნული საკითხი. უვიზო მიმოსვლის შეჩერება კი არ ნიშნავს მის გაუქმებას! ამასთან, ორივე ქვეყნის მოქალაქეებითვის დაიწყოს ქვეყანაში შესვლასთან დაკავშირებულ პროცედურებსა და აკრძალვებზე ახსნა-განმარტებითი სამუშაოები, რომელშიც ასევე აქტიურად ჩაერთვება „ისრაელის სახლი“.

თბილისის მერმა დავით ნარმანიამ კი ისრაელელ სტუმრებს გააცნო თბილისის საინვესტიციო პოტენციალი და ის პროექტები, რომელსაც თბილისის მერია საქართველო-ისრაელის ბიზნეს პალატასთან თანამშრომლობით ახორციელებს, როგორც გასული წლების წარმატებული ორმხრივი ვიზიტების გაგრძელებას.

დავით ნარმანიას თქმით, საქართველო-ისრაელის ბიზნეს პალატის აქტიური მონაწილეობით, გაიზარდა ინვესტიციების მოცულობა ისრაელიდან საქართველოში. ჰაი-ტექის სფეროშიც არის წარმატებული თანამშრომლობა, რომელიც შედეგს მალე გამოიღებს.

თბილისის მერმა ხაზი გაუსვა 2015 წელს, საქართველო-ისრაელის ბიზნესპალატის მონაწილეობით, მის ვიზიტს ისრაელში და იქ ჩატარებულ ბიზნესფორუმს, რომელსაც მოყვა თბილისში რამდენიმე ბიზნესპროექტის განხორცილება. ნარმანიას თქმით, ის კვლავ აპირებს ეწვიოს ისრაელს.

თბილისის მერმა თბილისის და მთლიანად ქვეყნის ბიზნესგარემოზეც ისაუბრა და მოუწოდა სტუმრებს, რაც შეიძლება მეტი ადამიანი ჩამოიყვანონ საქართველოში.

„რატომ არის საქართველო და თბილისი საინტერესო? გვაქვს დაბალი და ცოტა გადასახადი - სულ 6 სახის გადასახადი; მარტივი ადმინისტრაციული პროცედურები; გამჭვირვალობა; მდიდარი კულტურული მემკვიდრეობა; ქართული მემკვიდრეობა უნიკალური ქართული ღვინის ჩათვლით. გვაქვს მარტივი სავაჭრო პროცედურები, დაბალია საბაჟო ტარიფები; რამდენიმე თვის წინათ ევროკავშირთან ასოცირების ხელშეკრულება გავაფორმეთ, მოგვენიჭა ვიზალიბერალიზაციაც. 2016 წელს გვქონდა ეკონომიკის 4-პროცენტიანი ზრდა, მომავალ წელს კი EBRD-ის პროგნოზით, 5% მიაღწევს..“, _ აღნიშნა ნარმანიამ და ყურადღება გაამახვილა თბილისზეც: „თბილისზე ჩვენი ქვეყნის ეკონომიკის ნახევარზე მეტი მოდის. აქ 1700 კულტურული მემკვიდრეობის ძეგლია, დიდი ინვესტიციებს ვდებთ მის შესანარჩუნებლად. გირჩევთ, ნახოთ განახლებული აღმაშენებლის გამზირი“.

დავით ნარმანიამ საქართველოში ტურისტთა რაოდენობის ზრდაზეც ისაუბრა და აღნიშნა, რომ შარშან ქვეყანაში იმაზე მეტი ტურისტი შემოვიდა, ვიდრე ქვეყნის მოსახლეობაა, ისრაელი კი ტურისტთა რაოდენობით მეშვიდე ადგილზეა - შარშან 92 ათასი ისრაელელი ტურისტი ეწვია საქართველოს
თბილისის მერმა კომპანია „დორონ თრეველს“ მადლობა გადაუხადა საქართველოში ათასობით ებრაელი ტურისტის შემოყვანისთვის და თბილისში მესამე სასტუმროს გახსნაც უსურვა.

იციკ მოშეს თქმით კი, თუ წელს ისრაელიდან ტურისტთა რაოდენობა მიაღწევს 150 ათასს, ეს საქართველოსთვის 150 მილიონი დოლარის შემოსავლის ტოლფასი იქნება.

თანამემამულეებს მიმართა დორონ თრეველის დამფუძნებელმა. დორი გილპაზის თქმით, საქართველო დემოკრატიული ქვეყანაა და აქ ბიზნესი კარგადაა დაცული. ამ საქმეში განსაკუთრებულია თბილისის მერის როლი, ვინაიდან, დავით ნარმანია ის ადამიანია, რომელსაც ყოველთვის აქვს მყისიერი რეაქცია ბიზნესის საჭიროებებზე.

მნიშვნელოვნად იზრდება წიაღისეულზე საინვესტიციო მომართვიანობის მაჩვენებელი როგორც უცხოელი, ისე ადგილობრივი მეწარმეებისგან - მაია ზავრაშვილი

22 იანვარი, 2020 , 16:10

წიაღის ეროვნული სააგენტოს ხელმძღვანელის მაია ზავრაშვილის თქმით, მნიშვნელოვნად იზრდება საინვესტიციო მომართვიანობის მაჩვენებელი როგორც უცხოელი, ისე ადგილობრივი მეწარმეებისგან. „იმისთვის, რომ ქვეყანაში არსებული წიაღის

დავით საგანელიძემ კასპში „საპარტნიორო ფონდის“ მხარდაჭერით მიმდინარე აგურის ქარხნის მშენებლობის პროცესი დაათვალიერა

22 იანვარი, 2020 , 11:40

„საპარტნიორო ფონდის“ აღმასრულებელმა დირექტორმა დავით საგანელიძემ, რეგიონულ საკითხებში საქართველოს პრემიერ-მინისტრის მრჩეველ სოზარ სუბართან და შიდა ქართლში სახელმწიფო რწმუნებულთან გიორგი ხოჯევანიშვილთან ერთად,

უცხოური ვალუტის ოფიციალური კურსი 22 იანვრისთვის - დოლარი - 2.8877 ლარი, ევრო - 3.2077 ლარი, ფუნტი - 3.7676 ლარი

21 იანვარი, 2020 , 17:35

საქართველოს ეროვნული ბანკის მიერ გამოქვეყნებული მონაცემების თანახმად, 22 იანვრისთვის ერთი ამერიკული დოლარი 2.8877 ლარი ეღირება, ევრო – 3.2077 ლარი, ხოლო დიდი ბრიტანეთის გირვანქა სტერლინგი – 3.7676 ლარი. 21 ია

აუქციონზე 30 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა

21 იანვარი, 2020 , 15:35

საქართველოს ეროვნული ბანკი ფინანსთა სამინისტროს სახაზინო ობლიგაციების აუქციონის შედეგებს აქვეყნებს, რომლის თანახმადაც, 21 იანვარს, ფინანსთა სამინისტროს სახაზინო ობლიგაციების აუქციონზე 30 000 000 ლარის ნომინალური ღირებულე

დერივატივების კანონის მიღებით ქართული ფინანსური ბაზრების განვითარების ახალი ეტაპი დაიწყო - ეროვნული ბანკი

21 იანვარი, 2020 , 13:00

საქართველოს პარლამენტმა ფინანსური გირავნობის, ურთიერთგაქვითვისა და დერივატივების შესახებ საკანონმდებლო პაკეტი დაამტკიცა, - ამის შესახებ „მედიანიუსს“ საქართველოს ეროვნული ბანკიდან აცნობეს. მათივე ინფორმაციით,

დღეს ერთი ამერიკული დოლარი 2.8770 ლარი ეღირება

21 იანვარი, 2020 , 11:35

საქართველოს ეროვნული ბანკის მიერ გამოქვეყნებული მონაცემებით, 21 იანვრისთვის ერთი ამერიკული დოლარი 2.8770 ლარი ეღირება, ევრო -3.1892 ლარი, ხოლო გირვანქა სტერლინგი - 3.7369 ლარი. 20 იანვარის ოფიციალური კურსით კი ერთი ამერი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`