უკან

უახლესი ამბები

დღის კალენდარი

ანონსები

არქივი

ეკონომიკა

27 დეკემბერი, 2018 13:20
font-size

საქართველო ისრაელის წამყვანი ტელევიზიის ობიექტივში კიდევ ერთხელ მოხვდება

თბილისში იმყოფება ისრაელის ერთ-ერთი წამყვანი ტელეკომპანიის TV10-ის გადამღები ჯგუფი, რომელიც საქართველოს ეკონომიკაზე, კერძოდ კი ტურიზმის პოტენციალზე გადაცემას მოამზადებს.

მსგავსად ისრაელის სხვა არაერთი კრიტიკული მედიისა, TV10 მიიჩნევა ერთ-ერთ ობიექტურ ტელეკომპანიად, რომლის საეთერო ბადეც მოიცავს სხვადასხვა თემატურ გადაცემას პოლიტიკისა და ეკონომიკის საკითხებზე. TV10 იმ მედიათა რიგს ეკუთვნის, რომელიც ისრაელში მნიშვნელოვან როლს ასრულებს საზოგადოებრივი აზრის ჩამოყალიბებაზე.

აღსანიშნავია, რომ ბოლო პერიოდში ქვეყანაში განვითარებულ მოვლენებში, ანალიტიკოსთა შეფასებით, სწორედ თავისუფალ მედის მიუძღვის ლომის წილი, მათ შორის ვადამდელი საპარლამენტო არჩევნების დანიშვნისთვის ნიადაგის მომზადებაში. ისრაელის მედიის კიდევ ერთი მახასიათებელია მისი მეტად სპეციფიკური დამოკიდებულება აღმოსავლეთ ევროპისადმი, სადაც ისრაელურ ინვესტიციებს ხშირ შემთხვევაში არახელსაყრელი პირობები შეექმნა. მაგალითისთვის, პოსტსაბჭოთა სივრციდან, მათ შორის საქართველოდან, ქვეყანაში მაღალი რანგის ვიზიტმა, შესაძლოა, ისე ჩაიაროს, რომ ის მედიის ობიექტივში ვერ მოხვდეს, ვინაიდან ეს ისრაელის საზოგადოებისთვის და, მაშასადამე, მედიისთვის საინტერესო თემა არ არის. აღნიშნულის ფონზე, საქართველოს შესახებ პოზიტიური გადაცემის მომზადება მნიშვნელოვან ძალისხმევას ითხოვდა, რაც საქართველო-ისრაელის ბიზნესპალატის თაოსნობით მოხერხდა.

ჟურნალისტი ნოგა ნირ-ნეემანი, რომელიც გადამღებ ჯგუფთან ერთად თბილისს სტუმრობს, ისრაელში რეინტინგულ ჟურნალისტად ითვლება. მას აქვს თავისი გადაცემა ეკონომიკაზე.

ნიშანდობლივია, რომ ეკონომიკის თემატიკაზე მომუშავე ისრაელის მედია ასევე ჰიპერკრიტიკულობით გამოირჩევა და კარგი მეგზურია ისრაელელებისთვის მაშინ, როდესაც საქმე უცხო ქვეყნებს ეხება. ამ მხრივ საქართველო ერთ-ერთ გამონაკლისად შეიძლება ჩაითვალოს, რომლის შესახებაც, განვლილ წელს საქართველო-ისრაელის ბიზნესპალატისა და „ისრაელის სახლის“ ინიციატივით, რამდენიმე პროქართული ტელესიუჟეტი მომზადდა, რომელთა რიცხვსაც მიემატება TV10-ის გადაცემა.

საქართველო-ისრაელის ბიზნესპალატის ორგანიზებით, გადამღები ჯგუფი უკვე შეხვდა საქართველოს ეკონომიკისა და მდგრადი განვითარების მინისტრს გიორგი ქობულიას. ტელეკომპანიამ მინისტრი სიმბოლურად ჩაწერა იმ სასტუმროში, რომელიც ისრაელური ინვესტიციით თბილისის ცენტრში მოეწყო. ინტერვიუში მინისტრმა საქართველოში ისრაელიდან ტურისტული ნაკადის ზრდაზე, საქართველოს ტურიზმის ინდუსტრიასა და უძრავ ქონებაში ისრაელურ ინვესტიციებზე ისაუბრა.

ტელეკომპანიას ვრცელი ინტერვიუ მისცა საქართველო-ისრაელის ბიზნესპალატის პრეზიდენტმა, „ისრაელის სახლის“ ხელმძღვანელმა იციკ მოშემ, რომლის ჩაწერაც მოხდა რუსთაველის გამზირსა და „თბილისი გალერიაში“. იციკ მოშემ ისრაელიდან საქართველოში ტურისტული ნაკადის პოტენციალსა და საქართველოში ხელსაყრელ ბიზნესგარემოზე ისაუბრა.

ტელეკომპანიის გადაცემაში მოხვდება, აგრეთვე, გუდაური, ძველი თბილისი, შეხვედრა ცნობილ პიანისტთან ელისო ბოლქვაძესთან.

საქართველო-ისრაელის ბიზნესპალატის პრეზიდენტის, იციკ მოშეს განცხადებით, ისრაელის ტელეკომპანიის მორიგი გადაცემა საქართველოზე კიდევ ერთი პოზიტიური მესიჯია ისრაელის საზოგადოებისთვის, ბიზნესწრეებისთვის, ხოლო 2019 წლის თებერვალში იერუსალიმში დაგეგმილ საქართველო-ისრაელის ბიზნესფორუმისთვის - საუკეთესო ნიადაგის მომზადება. ბიზნესპალატის ორგანიზებით, უკვე მოხერხდა საქართველოდან მაღალი რანგის რამდენიმე ვიზიტის, მათ შორის პარლამენტის თავმჯდომარის იერუსალიმში ოფიციალური შეხვედრების ჯეროვანი გაშუქება. TV10-ის გადაცემაც საქართველოს რეკლამირება იქნება.

1 აშშ დოლარის ოფიციალური ღირებულება 2.9738 ლარი გახდა

19 სექტემბერი, 2019 , 17:30

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9738 ლარი შეადგინა. კურსი, რომელიც დღეს მოქმედებდა, 2.9691 ლარი იყო. შესაბამისად, დოლარის ცვლილებამ ეროვნულ

იანვარ-აგვისტოში ექსპორტი 12.4%-ით გაიზარდა, იმპორტი კი 4.4%-ით შემცირდა

19 სექტემბერი, 2019 , 12:30

„საქსტატის“ მონაცემებით, იანვარ-აგვისტოში ექსპორტი 12.4%-ით გაიზარდა, იმპორტი კი 4.4%-ით შემცირდა. სტატისტიკის ეროვნული სამსახურის ინფორმაციით, იანვარ-აგვისტოში საქართველოში საქონლით საგარეო სავაჭრო ბრუნვამ (

გიორგი გახარია რთველზე - მოსავალი უნდა იყოს დროულად დაბინავებული

19 სექტემბერი, 2019 , 12:30

მთავრობის დღევანდელ სხდომაზე კახეთში რთველის მიმდინარეობის პროცესი განიხილეს. პრემიერ-მინისტრის განცხადებით, მიუხედავად გამოწვევებისა, მოსავალი დროულად უნდა დაბინავდეს. „ჩვენთვის კარგად ცნობილია ის გამოწვევები, რო

სსფ-ს მისიის ვიზიტი საქართველოში დასრულდა

18 სექტემბერი, 2019 , 17:05

საერთაშორისო სავალუტო ფონდის შეფასებით, 2019 წელს საქართველოს ეკონომიკის მდგრადი ზრდა ეკონომიკის სიძლიერეზე მიუთითებს. ამასთან, სსფ მიიჩნევს, რომ საქართველოს ეროვნულმა ბანკმა მართებულად ასწია მონეტარული პოლიტიკის განაკვე

მხარს ვუჭერთ ნავთობიმპორტიორების მოთხოვნას ევრო 4-ის სტანდარტის დიზელზე 1-წლიანი მორატორიუმის ამოქმედების შესახებ - ირაკლი ლექვინაძე

17 სექტემბერი, 2019 , 16:24

ნავთობპროდუქტების იმპორტიორთა კავშირის თავმჯდომარე ვანო მთვრალაშვილი, საქართველოს ბიზნესომბუდსმენი ირაკლი ლექვინაძე, ნავთობ იმპორტიორი კომპანიების წარმომადგენლები და დარგის ექსპერტები 2020 წლიდან 1-ელი იანვრიდან დიზელის

საქართველოსა და აშშ-ს საავიაციო ხელისუფლებების წარმომადგენლებს შორის შეხვედრა გაიმართა

16 სექტემბერი, 2019 , 13:20

პირდაპირი საჰაერო მიმოსვლის დაწყების თაობაზე ამერიკის შეერთებულ შტატებში გამართული სამუშაო ვიზიტის ფარგლებში, მიმდინარე წლის 13 სექტემბერს, აშშ-ს და საქართველოს საავიაციო ხელისუფლებების წარმომადგენლებს შორის შეხვედრა გაი

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს