უკან

უახლესი ამბები

დღის კალენდარი

ანონსები

არქივი

პოლიტიკა

11 ივლისი, 2019 14:50
font-size

„საქართველო პატარა ქვეყანაა, მაგრამ თქვენ უდიდესი ერი ხართ. თქვენ შეუძლებელი შესძელით, გაერთიანდით საერთო მიზნისთვის და გააოცეთ ევროპა“ - დონალდ ტუსკი

ევროპული საბჭოს პრეზიდენტმა დონალდ ტუსკმა ბათუმის საერთაშორისო კონფერენციაზე მისასალმებელ სიტყვაში საქართველოს ევროკავშირში გაწევრიანების პერსპექტივაზე ისაუბრა და აღნიშნა, რომ ეს საკითხი დღის წესრიგში რჩება. „არსებობს გარკვეული ეჭვები გაფართოებასთან დაკავშირებით, მაგრამ მე ასეთი ეჭვები არ მაქვს. თუმცა გაწევრიანება ერთ დღეში არ ხდება და ის დროსა და წევრი ქვეყნების სოლიდარობას საჭიროებს“ - განაცხადა ტუსკმა.

ევროპული საბჭოს პრეზიდენტის თქმით, რაშიც არავის ეჭვი ეპარება არის ის, რომ აღმოსავლეთ პარტნიორობის ინიციატივა, რომელიც ევროკავშირსა და ექვსივე პარტნიორს შორის ურთიერთობათა განმტკიცებისკენაა მიმართული, თითოეულ პარტნიორს დიფერენცირებულ მიდგომას სთავაზობს, თავიანთი მისწრაფებებისა და შესაძლებლობების შესაბამისად. „ჩვენ განვაგრძობთ შესაძლებლობების განვითარებას და ევროკავშირსა და დაინტერესებულ პარტნიორებს შორის პოლიტიკური ასოცირების და შემდგომი ეკონომიკური ინტეგრაციის დაჩქარებას, რაც აღმოსავლეთ პარტნიორობის შექმნის ამოსავალ მიზანს წარმოადგენდა და ის დღესაც ძალაშია“ - აღნიშნა დონალდ ტუსკმა.

თავის გამოსვლაში მან ვრცლად ისაუბრა აღმოსავლეთ პარტნიორობის მნიშვნელობასა და იმ კონკრეტულ სარგებელზე, რომელიც მას თითოეული პარტნიორი ქვეყნისთვის მოაქვს. მისი თქმით, პირველი ათი წლის მანძილზე, ხელი მოეწერა ასოცირების შეთანხმებებს საქართველოსთან, მოლდოვასთან და უკრაინასთან. უმჯობესდება სატრანსპორტო კავშირები და ინფრასტრუქტურა, რაც ევროკავშირსა და მის პარტნიორ ქვეყნებს შორის ეკონომიკისა და ვაჭრობის განვითარების ახალ შესაძლებლობებს ქმნის, იდგმება ნაბიჯები ენერგოეფექტიანობის გაუმჯობესების მიმართულებით. განსაკუთრებული მნიშვნელობა კი, ტუსკის თქმით, ევროკავშირსა და პარტნიორ ქვეყნებს შორის უვიზო მიმოსვლის რეჟიმების ამოქმედებას ენიჭება.

ვიზალიბერალიზაცის შედეგად მე ბევრი ქვეყანა გავიცანი, მათი სიმდიდრე დავინახე. მინდა გავიხსენო თუ რას წერდა ვაჟა-ფშაველა, ერთ-ერთი უდიდესი ქართველი კლასიკოსი კოსმოპოლიტიზმისა და პატრიოტიზმის შესახებ:

„ზოგს ჰგონია, რომ ნამდვილი პატრიოტიზმი ეწინააღმდეგება კოსმოპოლიტიზმს, მაგრამ ეს შეცდომაა. ყოველი ნამდვილი პატრიოტი კოსმოპოლიტია ისე, როგორც ყოველი გონიერი კოსმოპოლიტი პატრიოტია” - ვაჟა ამ სიტყვებს ჯერ კიდევ 100 წლის წინ ამბობდა და ის გულისხმობდა გლობალიზაციას. ეს პარტნიორობაც ხომ სწორედ ამ მიზნით არის შექმნილი, რომ ჩვენს ქვეყნებს შორის კიდევ უფრო გაღრმავდეს ურთიერთობები.“ - აღნიშნა ტუსკმა.

მისი თქმით, აღმოსავლეთ პარტნიორობა როგორც ევროპაში, ისე დანარჩენ წევრ ქვეყნებში ძალიან რთულ პოლიტიკურ კონტექსტში ვითარდება. საქართველო კონფლიქტების მხრივ ძალიან დიდი გამოწვევების წინაშე დგას. და მიუხედავად იმისა, რომ აღმოსავლეთ პარტნიორობა არ წარმოადგენს კონფლიქტების მოგვარების მექანიზმს, ის დაეხმარება საქართველოს სტაბილურობის შენარჩუნებაში.

“როდესაც ვამბობ საქართველოს, ვგულისხმობ „თავისუფლებას“ როდესაც ვამბობ საქართველოს, ვგულისხმობ „სიამაყეს, როდესაც ვამბობ საქართველოს ვგულისხმობ „სიმამაცეს“. საქართველო პატარა ქვეყანაა, მაგრამ თქვენ უდიდესი ერი ხართ. თქვენ შეუძლებელი შესძელით, გაერთიანდით საერთო მიზნისთვის და გააოცეთ მთელი ევროპა. არავის მისცეთ უფლება დაგყოთ, გაუმარჯოს თავისუფალ და დამოუკიდებელ საქართველოს“, - განაცხადა დონალდ ტუსკმა გამოსვლის დასასრულს.

ვფიქრობ, რომ პროტესტი სპონტანური იყო - იმ მომენტამდე, სანამ ის პოლიტიზირებული გახდებოდა - სალომე ზურაბიშვილი

13 ივლისი, 2019 , 13:18

საქართველომ საბოლოოდ და ოფიციალურად უარი თქვა ძალის გამოყენებაზე - და ამაში ჩანს ჩვენი რეალისტური მიდგომა ვითარებისადმი, - ამის შესახებ საქართველოს პრეზიდენტმა სალომე ზურაბიშვილმა „დოიჩე ველესთან“ ინტერვიუში

20 ივნისს შსს-ს წარმომადგენლების მიერ შესაძლო უფლებამოსილებების გადამეტებას გენერალური პროკურატურა იძიებს -ანრი ოხანაშვილი

13 ივლისი, 2019 , 12:40

ლოგიკურია, რომ შინაგან საქმეთა სამინისტროს წარმომადგენლების მიერ შესაძლო უფლებამოსილებათა გადამეტებას, თუ სხვა ქმედებების ჩადენას, შსს ვერ გამოიძიებს იმიტომ, რომ გაჩნდება კითხვის ნიშნები. ამიტომ, საქართველოს კანონმდებლობ

კონფერენციაზე საქართველო კიდევ ერთხელ იქნა წარმოჩენილი, როგორც ლიდერი ქვეყანა - დავით ზალკალიანი

12 ივლისი, 2019 , 17:15

„ვფიქრობ, რომ ბათუმის კონფერენციამ თავის მიზანს მიაღწია და ეს იყო მართლაც უპრეცედენტო და უაღრესად მასშტაბური კონფერენცია, ჩვენ ასეთი ტიპის კონფერენცია, შეიძლება ითქვას, რომ არც გვქონია, გამომდინარე სტუმრების მაღალი

პრეზიდენტ ტუსკის სიტყვები ჩვენთვის იყო გამამხნევებელი ახალი და გაბედული ნაბიჯების გადასადგმელად - მაია ცქიტიშვილი

12 ივლისი, 2019 , 13:11

ახალგაზრდები, რომლებიც აღიზარდნენ თანამედროვე საქართველოში, თავს აღიქვამენ ევროპის ნაწილად და ჩვენს ამოცანად მიმაჩნია დავეხმაროთ მათ ამ შეგრძნების რეალიზებაში, - აღნიშნა საქართველოს ვიცე-პრემიერმა მაია ცქიტიშვილმა &bdquo

„ევროპული საქართველო“ პროპორციულ სისტემაზე გადასვლას მხარს უჭერს

11 ივლისი, 2019 , 17:21

„ევროპული საქართველო“ მხარს უჭერს პროპორციულ სისტემაზე გადასვლას და შესაბამისად, მხარს უჭერს წარმოდგენილ კანონპროექტს - ამის შესახებ პარტიის ერთ-ერთმა ლიდერმა, დავით ბაქრაძემ განაცხადა. ბაქრაძე "ქართულ ოცნება

ქართველი ხალხი ევროპისაგან მეტ მხარდაჭერას ელის - სალომე ზურაბიშვილი

11 ივლისი, 2019 , 16:00

საქართველოს პრეზიდენტის, სალომე ზურაბიშვილის განცხადებით, მაშინ როდესაც მადლობას გამოვხატავთ, იმ გადაწყვეტილების მიმართ, რომელიც ევროპამ მიიღო ჩვენს დაახლოებასთან დაკავშირებით, ქართველი ხალხის გზავნილია, რომ ისინი ასევე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს