პოლიტიკა
საქართველო რუსეთთან დიპლომატიური ურთიერთობის აღსადგენად კვლავინდებურად მზად არ არის - გრიგორი კარასინი
რუსეთის საგარეო საქმეთა მინისტრის მოადგილის გრიგორი კარასინის განცხადებით, საქართველო რუსეთთან დიპლომატიური ურთიერთობის აღსადგენად კვლავინდებურად მზად არ არის.
ამის შესახებ კარასინმა РИА Новости-თვის მიცემულ ინტერვიუში განაცხადა.
მოსკოვსა და თბილისის დღევანდელ ურთიერთობაზე საუბრისას კარასინმა აღნიშნა, რომ ამ ურთიერთობის „ცალსახა შეფასება, შეუძლებელია“.
„ერთი მხრივ, უკანასკნელი ოთხი წლის განმავლობაში მოხერხდა ორმხრივი ურთიერთობის მნიშვნელოვანი გაჯანსაღება, ურთიერთობის იმ ჩიხიდან გამოყვანა, რომელშიც მიხეილ სააკაშვილის გამო აღმოჩნდა. რუსეთი საქართველოს საგარეო ეკონომიკური საკვანძო პარტნიორების რიცხვს დაუბრუნდა, სატრანსპორტო მიმოსვლა ნორმალიზებულია, აქტიურად ვითარდება ტრადიციული ჰუმანიტარული კონტაქტები, კულტურული გაცვლა. ანუ, მიღწეულია საკმაოდ ხელშესახები შედეგი, რომელიც მთლიანად პასუხობს ორი ქვეყნის მოქალაქეების ინტერესებს“,-აღნიშნა დიპლომატმა.
ამასთან, მისი თქმით, საქართველო „კვლავინდებურად არ არის მზად რუსეთთან დიპლომატიური ურთიერთობა აღადგინოს, რომელიც მან 2008 წელს გაწყვიტა“.
„ოფიციალური თბილისი ჩვენი ქვეყნის მისამართით პერიოდულად კონფრონტაციულ რიტორიკას მიმართავს. და ეს, მსუბუქად რომ ვთქვათ, ზემოთ აღნიშნულ პოზიტიურ ტენდენციებს გამყარების შესაძლებლობას არ ანიჭებს. ზურაბ აბაშიძეს, ჩვენი რეგულარული დიალოგის დროს, ამას მუდმივად ვეუბნები“,-დასძინა კარასინმა.
გრიგორი კარასინმა ასევე განაცხადა, რომ ამ ეტაპზე ვლადიმირ პუტინისა და გიორგი მარგველაშვილის კონტაქტები არ იგეგმება.
მონიკა დავლიანიძე
საკვანძო სიტყვები:
დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
24 აპრილი, 2024 , 14:41
ევროპა შეიძლება ვიღაცისთვის იყოს მხოლოდ საზღვარგარეთ წასვლა, „შოპინგი“, ევროპელი ბიუროკრატები, მაგრამ ჩემთვის და ჩემი თანაგუნდელებისთვის ევროპა არის ღირებულებები - კახა კალაძე
24 აპრილი, 2024 , 12:09
პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
24 აპრილი, 2024 , 11:19
ევროპარლამენტის რეზოლუციებმა საერთოდ დაკარგა ფასი ქართული საზოგადოებისთვის, კეზერაშვილს საწყალ დევნილად როცა გიცხადებენ, ევროპარლამენტარის განცხადებას ფასი ვერ ექნება - ირაკლი კობახიძე
23 აპრილი, 2024 , 18:13
ჩვენს ფეხბურთელებს არ აკლიათ მოტივაცია, თუმცა დამატებითი მხარდაჭერა არის ძალიან ფასეული, მადლობა ფონდ „ქართუსა“ და პირადად ბიძინა ივანიშვილს - ირაკლი კობახიძე
23 აპრილი, 2024 , 17:47
ყველას ახსოვს დღევანდელი რადიკალური ოპოზიციის დამოკიდებულება მედიისადმი, რომლის კულმინაცია იყო „იმედში“ სპეცრაზმით შეჭრა - ირაკლი კობახიძე
23 აპრილი, 2024 , 17:41
