საზოგადოება

საქართველო სიკვდილიანობის მაჩვენებლით ავტოსაგზაო შემთხვევებში პირველ ადგილს იკავებს - დავით მესხიშვილი

ტრანსპორტისა და გზების ასოციაციის თავმჯდომარის დავით მესხიშვილის განცხადებით, სიკვდილიანობის მაჩვენებლით, ავტოსაგზაო შემთხვევებში საქართველო პირველ ადგილს იკავებს.

როგორც მესხიშვილმა პრესკონფერენციაზე აღნიშნა, საქართვლოში არ გაუთვალისწინებიათ ბევრი რეკომენდაცია, რომელიც უცხოელი პარტნიორებისგან მოდიოდა, რაც მისი, თქმით, იწვევს ავარიების მაღალ მაჩვენებელს.

„ჩვენ არ გაგვითვალისწინებია ბევრი რეკომენდაცია, რასაც უცხოელი პარტნიორები გვაწვდიან საგზაო მოძრაობის წესებთან დაკავშირებით. საპატრულო პოლიცია ვეღარ ახერხებს ერთდროულად კრიმინალებსაც სდიოს და საგზაო მოძრაობის წესებიც დაიცვას. პრობლემაა აგრეთვე, მართვის მოწმობების გაცემაშია. ხშირად მართვის მოწმობას იღებენ სრულიად უცოდინარი ადამიანები, რომლებიც მომზადებულნი არიან არაკვალიფიციური პედაგოგების მიერ“,-აღნიშნა ექსპერტმა.

მისი თქმით, იანვრის თვეში საქართველოში ავტოსაგზაო შემთხვევის შედეგად 42 ადამიანი დაიღუპა.
„ჩვენ დამსახურებულ პირველ ადგილს ვიკავებთ ევროპაში და სიკვდილიანობის მაჩვენებლით, გავუსწარით მეზობელ რუსეთს და სომხეთსაც კი“,-განაცხადა დავით მესხიშვილმა.

მონიკა დავლიანიძე