უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
საქართველო-უკრაინის ურთიერთობები ახალ ეტაპზე გადადის და ამ ისტორიულ ურთიერთობებს საფრთხეს ვერავინ შეუქმნის - სალომე ზურაბიშვილი
საქართველო-უკრაინის ურთიერთობები ახალ ეტაპზე გადადის და ამ ისტორიულ ურთიერთობებს საფრთხეს ვერავინ შეუქმნის, - ეს განცხადება საქართველოს პრეზიდენტმა გააკეთა.
სალომე ზურაბიშვილმა შეაჯამა კიევში ოფიციალური ვიზიტის ფარგლებში გამართული მაღალი დონის შეხვედრები და განაცხადა, რომ ამ ურთიერთობებში ახლა ყველაზე მთავარი არის ის, რომ დეოკუპაციის პროცესის პარალელურად, ორივე ქვეყანა, რაც შეიძლება, მოკლე ვადაში გახდეს დიდი ევროპული ოჯახის წევრი.
„ჩვენ ახალი ფურცლიდან დავიწყეთ ეს ურთიერთობები, რომელიც შესული იყო რაღაც გაუგებრობაში და არა ჩიხში, როგორც აღმოჩნდა. საჭირო იყო ბევრი რამის გარკვევა და ვუბრუნდებით იმას, რაც უნდა ყოფილიყო ჩვენი ურთიერთობების ნორმა და გვემუშავა იმ მიმართულებით, რაც არის ჩვენი ქვეყნებს აუცილებელი მიმართულება, იქიდან გამომდინარე თუ რამდენი საერთო გამოწვევა გვაქვს, დაწყებული ოკუპაციიდან“, - განაცხადა პრეზიდენტმა.
უკრაინის პრეზიდენტ, ვოლოდიმირ ზელენსკისთან შეხვედრაზე ზურაბიშვილმა კოლეგა საქართველოში დაპატიჟა. ზელენსკიმ მიწვევა უკვე მიიღო და საქართველოში ივლისში ჩამოვა.