პოლიტიკა

საქართველოდან არალეგალური მიგრაციის საკითხს, სავარაუდოდ, შვედეთიც დააყენებს

ბრიუსელის დედაქალაქში ევროკავშირის შინაგან საქმეთა მინისტრების შეხვედრა დაიწყო.

წინასწარი ინფორმაციით, გერმანია საქართველოსთან უვიზო მიმოსვლისა და თავშესაფრის მაძიებელთა რაოდენობის ზრდასთან დაკავშირებით საკითხის დაყენებას აპირებს.

ასევე, გავრცელებული ინფორმაციით, გერმანიასთან ერთად საქართველოდან არალეგალური და კრიმინალური მიგრაციის საკითხის დაყენებას შვედეთიც ემხრობა. შეხვედრის დაწყებამდე მონაწილე მხარეებს კომენტარი არ გაუკეთებიათ. რა გადაწყვეტილებას მიიღებენ ევროკავშირის ქვეყნები საქართველოს ვიზალიბერალიზაციასთან დაკავშირებით, მხოლოდ შეხვედრის დასრულების შემდეგ გახდება ცნობილი.

ბრიუსელში სამუშაო ვიზიტით იმყოფება საქართველოს პრეზიდენტი გიორგი მარგველაშვილიც, რომელმაც შეხვედრები უკვე დაიწყო. მას მოლაპარაკებები აქვს ევროკომისიაში, რის შემდეგაც ის ევროკავშირის საბჭოს შენობაში გადაინაცვლებს. როგორც ცნობილია, დონალდ ტუსკსა და გიორგი მარგველაშვილს შორისაც მოლაპარაკების მთავარი თემა უვიზო მიმოსვლა იქნება.