უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
ეკონომიკა
საქართველომ მხარი უნდა დაუჭიროს ისრაელელ მეგობრებს _ გიორგი სიგუა
2015 წლის მსოფლიო ტურიზმის ორგანიზაციის ევროპის კომიტეტის ჩასატარებლად გამოცხადებულ კენჭისყრაზე საქართველოს კონკურენტი მხოლოდ ისრაელია, თუმცა საქართველოს ტურიზმის ეროვნული ადმინისტრაციის ხელმძღვანელი გიორგი სიგუა ფიქრობს, რომ საქართველომ მხარი უნდა დაუჭიროს ისრაელელ მეგობრებს, რადგან მას ძალიან ესაჭიროება მსგავსი შეკრებების ჩატარება თავის მიწაზე, რათა ყველამ ნახოს, რომ ამ შესანიშნავ ქვეყანაში ჩასვლა არის უსაფრთხო.
,,ეს არის შეკრება რომელშიც 40 ზე მეტი ქვეყნის მინისტრი და გაეროს ტურიზმის ორგანიზაციის უმალესი მმართველობა მონაწილეობს. შესანიშნავი საშუალებაა ქვეყნის გასაცნობად კონტინენტისა და მსოფლიოსათვის. ინვესტორების შესაკრებად და ევროპული ტურისტული სამყაროს ერთად თავმოყრისათვის. ვთვლი, რომ არათუ უნდა ვეკონკურენტოთ , პირიქით მხარი უნდა დავუჭიროთ ჩვენს ისრაელელ მეგობრებს. ხოლო ჩვენ ვიბრძოლებთ 2017 წლის გაეროს ტურიზმის ორგანიზაციის გენერალური ასამბლეის ჩატარების უფლების მოსაპოვებლად, რაც ტურისტული სამყაროს უმთავრესი მოვლენაა, რომელიც ორ წელიწადში ერთხელ იმართება და ათასობით დელეგატი ასობით ქვეყნიდან, ათასობით ჟურნალისტი და უამრავი მაყურებელი ესწრება“, _ აცხადებს სიგუა და წინასწარ ულოცავს ისრაელს გამარჯვებას და წარმატებას უსურვებს 2015 წლის ევროპის კომიტეტის სამასპინძლოდ.
საქართველო-ისრაელის ბიზნეს-პალატის პრეზიდენტი იციკ მოშე მიესალმება ტურიზმის ეროვნული ადმინისტრაციის ხელმძღვანელის გიორგი სიგუას პოზიციას და აცხადებს, რომ ისრაელის მხარე მის ასეთ მიდგომას აუცილებლად დააფასებს.
იციკ მოშეს თქმით, ტურიზმის ეროვნული ადმინისტრაციის ხელმძღვანელის ასეთი პოზიცია ხელს შეუწყობს საქართველო-ისრაელის ბიზნეს-პალატის დასახულ მიზანსაც, 2014 წელი იქცეს საქართველოს ტურიზმის ინდუსტრიაში ისრაელის ინვესტიციების მოზიდვის წლად.
~ისრაელ-საქართველოს თანამშრომლობა თვისობრივად ახალ ფაზაში გადადის. ამას ადასტურებს საქართველოს პრემიერის წარმატებული ვიზიტი ისრაელში, ცოტა ხნის წინათ თბილისში, საქართველო-ისრაელის ბიზნეს-პალატის ორგანიზებით ჩატარებული, ტურიზმის ინდუსტრიისადმი მიძღვნილი საქართველო-ისრაელის ბიზნეს ფორუმი, სადაც გიორგი სიგუას მიერ მოწყობილმა პრეზენტაციამ ნამდვილი ფურორი მოახდინა ებრაურ ბიზნესწრეებში. და ბოლოს, უახლოეს დღეებში საქართველოში ისრაელიდან კიდევ ერთი მნიშვნელოვანი ვიზიტი იგეგმება, რაც ორ სახელმწიფოს შორის ღრმა და პერსპექტიული თანამშრომლობისკენ გადადგმული ნაბიჯის კიდევ ერთი უტყუარი დადასტურებაა~, _ განუცხადა მედიანიუსს~ იციკ მოშემ.