პოლიტიკა
საქართველომ უნდა იხელმძღვანელოს არა თურქეთის ინტერესებით, არამედ საკუთარი კონსტიტუციით - ანა ნაცვლიშვილი მუსტაფა ემრე ჩაბუქის საქმეზე
„საქართველოს ახალგაზრდა იურისტთა ასოციაციის“ თავმჯდომარის, ანა ნაცვლიშვილის განცხადებით, თუ საქართველო დემირელის კოლეჯის მენეჯერს, მუსტაფა ემრე ჩაბუქს თურქეთს გადასცემს, ჩაბუქი, შესაძლოა, წამების ან არასათანადო მოპყრობის მსხვერპლი გახდეს.
ნაცვლიშვილმა მოუწოდა საქართველოს ხელისუფლებას, იხელმძღვანელოს არა მეზობელი ქვეყნის ინტერესებით, არამედ საკუთარი კონსტიტუციითა და საერთაშორისო ნორმებით.
„ჩაბუქის ექსტრადიცია თურქეთში იქნება მისი უფლებების ძალიან სერიოზული დარტყმის ქვეშ დაყენება, იმიტომ რომ იქ არსებული პრაქტიკის გათვალისწინებით, ძალიან დიდი ალბატობით, შეიძლება ის დაექვემდებაროს წამებას ან არასათანადო მოპყრობას. ასევე საგულისხმოა, რომ ის ვერ ისარგებლებს სამართლიანი სასამართლოს უფლებით თურქეთში დღეს არსებული სიტუციითა და საქმეში არსებული კონტექსტიდან გამომდინარე. ამიტომ საქართველო ვალდებულია, იმოქმედოს არა ძლიერი მეზობლის ინტერესებისთვის პრიორიტეტის მინიჭებით, არამედ საკუთარი კონსტიტუციის პატივისცემითა და იმ საერთაშორისო ნორმების პატივისცემით, რომლებიც აქვს აღიარებული საქართველოს“, - განაცხადა ნაცვლიშვილმა.
ნაცვლიშვილმა ასევე აღნიშნა, რომ პროკურატურის მოთხოვნა ჩაბუქისთვის პატიმრობის შეფარდების შესახებ არის დაუსაბუთებული და ეწინააღმდეგება ადამიანის უფლებების ევროპული სასამართლოს სტანდარტებს.
შეგახსენებთ, დღეს თბილისში, მთავრობის ადმინისტრაციასთან დემირელის კოლეჯის ხარისხის მართვის მენეჯერის, მუსტაფა ემრე ჩაბუქის სოლიდარობის აქცია გაიმართა. მისმა მხარდამჭერებმა მოუწოდეს საქართველოს მთავრობას, არ გადასცეს ჩაბუქი თურქეთის ხელისუფლებას, ასევე მიანიჭოს მას და მის ოჯახს ლტოლვილის სტატუსი, რაც ჩაბუქის თურქეთში ექსტრადირების პროცესს შეაჩერებს..
დემირელის კოლეჯის მენეჯერი მუსტაფა ემრე ჩაბუქი თურქეთის მოთხოვნით 24 მაისს დააკავეს. თურქული მხარე მას ფეთჰულა გიულენის ტერორისტულ ორგანიზაციასთან თანამშრომლობაში ადანაშაულებს. თბილისის საქალაქო სასამართლომ ჩაბუქს 3-თვიანი წინასაესტრადიციო პატიმრობა შეუფარდა.
ანა მებურიშვილი
საკვანძო სიტყვები:
დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
24 აპრილი, 2024 , 14:41
ევროპა შეიძლება ვიღაცისთვის იყოს მხოლოდ საზღვარგარეთ წასვლა, „შოპინგი“, ევროპელი ბიუროკრატები, მაგრამ ჩემთვის და ჩემი თანაგუნდელებისთვის ევროპა არის ღირებულებები - კახა კალაძე
24 აპრილი, 2024 , 12:09
პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
24 აპრილი, 2024 , 11:19
ევროპარლამენტის რეზოლუციებმა საერთოდ დაკარგა ფასი ქართული საზოგადოებისთვის, კეზერაშვილს საწყალ დევნილად როცა გიცხადებენ, ევროპარლამენტარის განცხადებას ფასი ვერ ექნება - ირაკლი კობახიძე
23 აპრილი, 2024 , 18:13
ჩვენს ფეხბურთელებს არ აკლიათ მოტივაცია, თუმცა დამატებითი მხარდაჭერა არის ძალიან ფასეული, მადლობა ფონდ „ქართუსა“ და პირადად ბიძინა ივანიშვილს - ირაკლი კობახიძე
23 აპრილი, 2024 , 17:47
ყველას ახსოვს დღევანდელი რადიკალური ოპოზიციის დამოკიდებულება მედიისადმი, რომლის კულმინაცია იყო „იმედში“ სპეცრაზმით შეჭრა - ირაკლი კობახიძე
23 აპრილი, 2024 , 17:41
