საზოგადოება

,,საქართველოს ალიანსი უსაფრთხო გზებისთვის’’ სახელმწიფო კანცელარიასთან აქციას გამართავს

ორგანიზაცია ,,საქართველოს ალიანსი უსაფრთხო გზებისთვის’’ 24 დეკემბერს სახელმწიფო კანცელარიასთან აქციას გამართავს და მთავრობას საგაზაო უსაფრთხოების კანონპროექტით დაინტერესებისკენ მოუწოდებს.

როგორც დღევანდელ პრესკონფერენციაზე ორგანიზაციის თანათავჯდომარემ, ეკა ლალიაშვილმა აღნიშნა, კანონში უნდა შევიდეს ცვლილებები ქულათა სისტემისა და უკონტაქტო პატრულირების შემოღების თვალსაზრისით.

მისი თქმით, შინაგან საქმეთა სამინისტრომ ერთი წლის მოახდინა აღნიშნული კანონპროექტის ინიცირება, თუმცა ,,საკითხი წინა არ წასულა.’’

ლალიაშვილის განცხადებით, ცვლილებების შეტანა საგზაო უსაფრთხოების კანონმდებლობაში 25%-ით შეამცირებდა ავტოსაგზაო შემთხვევების რაოდენობას.

,,ჩვენ სამოქალაქო სექტორის წარმომადგენლები 24 დეკემბერს ვმართავთ ქუჩის აქციას მთავრობის კანცელარიასთან. გვსურს, პრემიერ-მინისტრი ჩავაყენოთ საქმის კურსში და ვუთხრათ, რომ საგზაო უსაფრთხოება არის პრიორიტეტული საკითხი. ჩვენი ძალიან ბევრი მოქალაქე, 600-ზე მეტი ადამიანი იღუპება წლის განმავლობაში საგზაო შემთხვევებში. 9000-ზე მეტი ადამიანი იღებს მძიმე ტრავმას. ამიტომ, საკითხი არ არის ნამდვილად სახუმარო. იქნებ ხელისყფლებამ მიიღოს გადაწყვეტილება და ძალიან სწრაფად მოხდეს ამ კანონთან მიბრუნება’’, - განაცხადა ეკა ლალიაშვილმა.

ნინო ექვთიმიშვილი