ეკონომიკა

საქართველოს აქვს კარგი პოტენციალი, მოახდინოს თევზეულის ექსპორტი - იანოშ ჰერმანი

საქართველოდან ევროკავშირის ბაზარზე თევზის ექსპორტი მნიშვნელოვანი მიღწევაა, - განაცხადა ჟურნალისტებთან საუბარში საქართველოში ევროკავშირის ელჩმა, იანოშ ჰერმანმა.

მისი თქმით, ეს იძლევა უზარმაზარ პოტენციალს, რადგან ევროკავშირის ბაზარი არა მარტო დიდი, არამედ მოთხოვნადიც არის.

„საქართველოს აქვს კარგი პოტენციალი, მოახდინოს თევზეულის ექსპორტი. ეს ნაბიჯი შექმნის უფრო მეტ შესაძლებლობას მომავალში. მნიშვნელოვანია, რომ ევროკავშირის ბაზარი არა მარტო დიდი, არამედ მოთხოვნადიც არის. თევზეულის წარმოებაც განვითარდება, რადგან ევროკავშირის სტანდარტებთან უფრო ახლოს იქნება. ამასთან, გადაწყვეტილება დაეხმარება ქართულ თევზს პოპულარული გახდეს სხვა ბაზრებზე. მინდა ყველას მოგილოცოთ ეს გადაწყვეტილება და მომავალში ველი თანამშრომლობის გაგრძელებას ამ და სხვა საკითხებზე“,- აღნიშნა ჰერმანმა.

ცნობისთვის, ევროკავშირმა საქართველო დაამატა იმ მესამე ქვეყნების ჩამონათვალს, საიდან ევროპის ბაზარზე შავი ზღვის თევზისა და თევზის პროდუქტების შეტანა შესაძლებელია.

ნინო ექვთიმიშვილი