უკან

უახლესი ამბები

დღის კალენდარი

ანონსები

არქივი

ეკონომიკა

25 ოქტომბერი, 2017 13:00
font-size

საქართველოს ეროვნული ბანკი მონეტარული პოლიტიკის განაკვეთს უცვლელად 7.00 პროცენტზე ტოვებს

საქართველოს ეროვნული ბანკის მონეტარული პოლიტიკის კომიტეტმა 2017 წლის 25 ოქტომბერს მიიღო გადაწყვეტილება რეფინანსირების განაკვეთის უცვლელად დატოვების შესახებ.

საქართველოს ეროვნული ბანკის ინფორმაციით, სექტემბერში წლიურმა ინფლაციამ 6.2 პროცენტი შეადგინა, თუმცა მესამე კვარტალის განმავლობაში ინფლაციის მაჩვენებელი პროგნოზირებულთან შედარებით მცირედით დაბალი იყო.

,,არსებული პროგნოზით, ინფლაცია წლის ბოლომდე მიზნობრივ მაჩვენებელზე მაღლა შენარჩუნდება და მომავალი წლის დასაწყისში, დროებითი ფაქტორების ამოწურვასთან ერთად, სამპროცენტიან მიზნობრივ მაჩვენებელთან ახლოს იქნება. ამასთანავე, ბოლო პერიოდის განმავლობაში ინფლაციური მოლოდინები არ შეცვლილა და ფასების ზრდაზე დამატებით ზეწოლას არ ქმნის. აქედან გამომდინარე, მონეტარული პოლიტიკის კომიტეტმა პოლიტიკის განაკვეთის უცვლელად დატოვება გადაწყვიტა. თუკი არ წარმოიშვება დამატებითი შოკები, საშუალოვადიან პერიოდში მონეტარული პოლიტიკის განაკვეთი ეტაპობრივად შემცირდება და მის ნეიტრალურ დონეს დაუახლოვდება.

2017 წლის დასაწყისიდან გაუმჯობესებული ეკონომიკური აქტივობის შესაბამისად, ეროვნულმა ბანკმა მიმდინარე წლის ეკონომიკური ზრდის პროგნოზი 4.5 პროცენტამდე გაზარდა. წინასწარი შეფასებით, მიმდინარე წლის რვა თვის განმავლობაში ეკონომიკის ზრდა 4.7 პროცენტია. თუმცა, შიდა მოთხოვნა და ზოგადად ეკონომიკური აქტივობა კვლავ პოტენციურ დონეზე ნაკლებია და, შესაბამისად, ინფლაციაზე მოთხოვნის მხრიდან ზეწოლის რისკებს არ ქმნის.

ეკონომიკური აქტივობის წახალისება მნიშვნელოვანწილად განაპირობა საგარეო სექტორის გაუმჯობესებამ, რომელიც მიმდინარე წლის დასაწყისიდან გამოიკვეთა და ამ ეტაპზეც ნარჩუნდება. მაღალი ტემპით ზრდას განაგრძობს როგორც საქონლის ექსპორტი, ასევე შემოსავლები ტურიზმიდან. კვლავ მატულობს ფულადი გზავნილების მოცულობაც, თუმცა საგარეო შოკამდე არსებულ დონეს ის ჯერ კიდევ ჩამორჩება. ამასთან, ზომიერად იზრდება იმპორტი. საგარეო მოთხოვნის ზრდას ხელს უწყობს როგორც სავაჭრო პარტნიორი ქვეყნების ეკონომიკების გაჯანსაღება, ასევე კონკურენტული რეალური ეფექტური გაცვლითი კურსი. ყოველივე ეს აისახება საგადასახდელო ბალანსის მიმდინარე ანგარიშის დეფიციტის გაუმჯობესებაში.

საქართველოს ეროვნული ბანკი მომავალშიც დააკვირდება მიმდინარე ეკონომიკურ პროცესებსა და ფინანსურ ბაზრებს და გამოიყენებს მის ხელთ არსებულ ყველა საშუალებას ფასების სტაბილურობის უზრუნველსაყოფად.

მონეტარული პოლიტიკის კომიტეტის შემდეგი სხდომა 2017 წლის 13 დეკემბერს გაიმართება“, - აცხადებენ ეროვნულ ბანკში.

რომან კაკულია მეზობელ ქვეყნებში არსებული მდგომარეობის ლარზე რყევებს მომავალშიც ელოდება

18 ოქტომბერი, 2018 , 17:45

პარლამენტის დარგობრივი კომიტეტის თავმჯდომარე რომან კაკულია მიიჩნევს, რომ ეროვნული ვალუტის გაუფასურების ერთ-ერთი ფაქტორი საქართველოს მეზობელ ქვეყნებში არსებული მდგომარეობაა. როგორც პირველ არხს კაკულიამ განუცხადა, ლარის კუ

უცხოური ვალუტის ოფიციალური კურსი

18 ოქტომბერი, 2018 , 17:30

18 ოქტომბერის ვაჭრობის შედეგად აშშ დოლარი გამყარდა და 2.7026 ლარი შეადგინა. კურსი, რომელიც დღეს მოქმედებდა, 2.6838 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0188 თეთრი შეადგინა. გამყარდა ე

ტურიზმის ინდუსტრიის მსოფლიო ფორუმის ჩატარებით საქართველო წარმოჩინდება, როგორც მზარდი ტურიზმის ქვეყანა - ირმა ქავთარაძე

18 ოქტომბერი, 2018 , 16:45

23 – 26 ოქტომბერს საქართველო მასპინძლობისა და ტურიზმის ინდუსტრიის მსოფლიო ფორუმს Welcome Challenge - ს უმასპინძლებს. ფორუმს, რომელიც საქართველოში პირველად ჩატარდება, პროექტ Check in Georgia -ს ფარგლებში გაიმართება.

საქართველოს ეროვნულ ბანკსა და ასტანას ფინანსური სერვისების სამსახურს შორის ურთიერთთანამშრომლობის მემორანდუმი გაფორმდა

18 ოქტომბერი, 2018 , 16:00

18 ოქტომბერს, საბანკო ზედამხედველობის თანამშრომლობის ფარგლებში საქართველოს ეროვნულ ბანკს ასტანას ფინანსური სერვისების სამსახურის დელეგაცია ესტუმრა. ვიზიტის ფარგლებში საქართველოს ეროვნულ ბანკსა და ასტანას ფინანსური სერვის

გიორგი ქობულიამ არაბთა გაერთიანებულ საამიროების ელჩთან ინვესტიციების სფეროში თანამშრომლობის განვითარება განიხილა

18 ოქტომბერი, 2018 , 16:00

ეკონომიკისა და მდგრადი განვითარების მინისტრი გიორგი ქობულია არაბთა გაერთიანებული საამიროების ელჩს საქართველოში ესსა აბდულა ალ ბაშა ალ ნუაიმს შეხვდა, რომელიც თავის მოვალეობას საქართველოში მიმდინარე წლის სექტემბრიდან ასრულ

„ყაზტრანსგაზ-თბილისი“ 40 მილიონ დოლარად გაიყიდა - ყაზახური მედია

18 ოქტომბერი, 2018 , 14:45

ყაზახური მედიის ინფორმაციით, კომპანია „ყაზტრანსგაზ-თბილისი“ 40 მილიონ დოლარად იყიდა ოფშორში რეგისტრირებულმა კომპანიამ Waltbay LTD-მ, რომელიც ქართულ საინვესტიციო ჯგუფ CBS-ს ეკუთვნის. abctv.kz-ის ცნობით, ქართულ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`