უკან

უახლესი ამბები

დღის კალენდარი

ანონსები

არქივი

ეკონომიკა

19 ივნისი, 2017 18:45
font-size

საქართველოს ეროვნული ბანკი საოპერაციო რისკების მართვის თემაზე პირველ საერთაშორისო კონფერენციას მასპინძლობს

საქართველოს ეროვნული ბანკისა და ნიდერლანდების ცენტრალური ბანკის ორგანიზებით, 19-21 ივნისს, სასტუმრო "თბილისი-მარიოტში" საერთაშორისო კონფერენცია "მონაცემთა ხარისხის ზედამხედველობა" გაიხსნა. შეხვედრის მთავარი მიზანი ფინანსური რისკების მონაცემთა გაერთიანებისა და რისკებზე დაფუძნებული ანგარიშგების პრინციპების განხილვაა.

საქართველოს ეროვნული ბანკის ინფორმაციით, შეხვედრაში ევროპისა და კავკასიის რეგიონის 11 ქვეყნის - ნიდერლანდების, ავსტრიის, უნგრეთის, ლატვიის, მაკედონიის, მოლდოვის, თურქეთის, ალბანეთის, სომხეთის, აზერბაიჯანის, ბოსნია და ჰერცოგოვინას ცენტრალური ბანკისა და საფინანსო საზედამხედველო ორგანიზაციების წარმომადგენლები მონაწილეობენ.

საერთაშორისო კონფერენცია საქართველოს ეროვნული ბანკის პრეზიდენტმა კობა გვენეტაძემ გახსნა, რომელმაც თავის გამოსვლაში ყურადღება გაამახვილა ფინანსური ინსტიტუტების ეფექტურ ზედამხედველობაზე:

"მოგეხსენებათ, ფინანსური ინსტიტუტების ეფექტური ზედამხედველობა ინფორმაციის სიზუსტესა და სანდოობაზე არის დამოკიდებული. გლობალური თვალსაზრისით, ზედამხედველები კომერციული ბანკებისგან აქტიურად მოითხოვენ მათი ოპერაციების მთავარი რისკების შეჯამებას და გაანალიზებას. ამ მხრივ, საინფორმაციო ტექნოლოგიები და დაკავშირებული მართვის საინფორმაციო სისტემები მხარდამჭერ როლს თამაშობენ. ასევე, ფინანსური ინსტიტუტებისათვის აუცილებელია არსებობდეს ერთიანი მიდგომა სხვადასხვა ფინანსური რისკების ეფექტურად სამართავად, რაც თავის მხრივ გულისხმობს ჰარმონიულ კომუნიკაციას ორგანიზაციის ბიზნეს და საინფორმაციო ტექნოლოგიურ მხარეს შორის.

მინდა ხაზი გავუსვა, ფინანსურ ინსტიტუტებსა და ზედამხედველობას შორის აქტიური კომუნიკაციის მნიშვნელობას. აღსანიშნავია, რომ კომერციული ბანკების გარდა, საქართველოს ეროვნულმა ბაკმა ახლახან დაიწყო ფინანსური მონაცემების ხარისხის შეფასება და შესაბამისი ანგარიშგების პროცესის შესწავლა მიკროსაფინანსო ორგანიზაციებში", - განაცხადა ეროვნული ბანკის პრეზიდენტმა კობა გვენეტაძემ.

"პირველ რიგში მადლობა მინდა გადავუხადო საქართველოს ეროვნულ ბანკს კონფერენციის ორგანიზებისათვის. ევროპული და მსოფლიოს ცენტრალური ბანკები დამოკიდებულნი ვართ მონაცემთა ანალიზზე. ამ საკითხის მნიშვნელობას ამყარებს ბაზელის საბანკო ზედამხედველობის კომიტეტის მიერ შემუშავებულული დოკუმენტი სახელწოდებით BCBS-239, რომელიც მიზნად ისახავს საფინანსო ორგანიზაციებში რისკებთან დაკავშირებული მონაცემების გაერთიანებისა და ანგარიშგების პროცესების ეფექტიან მართვას. ორდღიანი კონფერენციის ფარგლებში გაიმართება დისკუსია და 11 ქვეყნის ცენტრალური ბანკის წარმომადგენელი ერთმანეთს მონაცემთა ხარისხის ზედამხედველობის კუთხით არსებულ გამოცდილებას გაუზიარებს", - განაცხადა ნიდერლანდების ცენტრალური ბანკის საზედამხედველო მიმართულების ხელმძღვანელმა, ევერტ კონინგმა.

კონფერენციაზე სტუმრებმა ყურადღება გაამახვილეს ბაზელის საბანკო ზედამხედველობის კომიტეტის მიერ, 2013 წლის იანვარს შემუშავებულ დოკუმენტზე, რომელიც მიზნად ისახავს საფინანსო ორგანიზაციებში რისკებთან დაკავშირებული მონაცემების გაერთიანებასა და ანგარიშგების პროცესების ეფექტიან მართვას.

მონაწილეებმა ასევე განიხილეს სხვადასხვა ქვეყნის ცენტრალური ბანკისა და საბანკო საზედამხედველო ორგანიზაციის მიდგომები, მონაცემთა ხარისხის მართვასთან დაკავშირებით. ასევე, ბიზნეს უწყვეტობის მართვა და სხვა საოპერაციო რისკები რაც უშუალოდ მონაცემების დამუშავებასა და ანგარიშგების პროცესს უკავშირდება.

საკვანძო სიტყვები:

1 აშშ დოლარის ოფიციალური ღირებულება 2.9738 ლარი გახდა

19 სექტემბერი, 2019 , 17:30

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.9738 ლარი შეადგინა. კურსი, რომელიც დღეს მოქმედებდა, 2.9691 ლარი იყო. შესაბამისად, დოლარის ცვლილებამ ეროვნულ

იანვარ-აგვისტოში ექსპორტი 12.4%-ით გაიზარდა, იმპორტი კი 4.4%-ით შემცირდა

19 სექტემბერი, 2019 , 12:30

„საქსტატის“ მონაცემებით, იანვარ-აგვისტოში ექსპორტი 12.4%-ით გაიზარდა, იმპორტი კი 4.4%-ით შემცირდა. სტატისტიკის ეროვნული სამსახურის ინფორმაციით, იანვარ-აგვისტოში საქართველოში საქონლით საგარეო სავაჭრო ბრუნვამ (

გიორგი გახარია რთველზე - მოსავალი უნდა იყოს დროულად დაბინავებული

19 სექტემბერი, 2019 , 12:30

მთავრობის დღევანდელ სხდომაზე კახეთში რთველის მიმდინარეობის პროცესი განიხილეს. პრემიერ-მინისტრის განცხადებით, მიუხედავად გამოწვევებისა, მოსავალი დროულად უნდა დაბინავდეს. „ჩვენთვის კარგად ცნობილია ის გამოწვევები, რო

სსფ-ს მისიის ვიზიტი საქართველოში დასრულდა

18 სექტემბერი, 2019 , 17:05

საერთაშორისო სავალუტო ფონდის შეფასებით, 2019 წელს საქართველოს ეკონომიკის მდგრადი ზრდა ეკონომიკის სიძლიერეზე მიუთითებს. ამასთან, სსფ მიიჩნევს, რომ საქართველოს ეროვნულმა ბანკმა მართებულად ასწია მონეტარული პოლიტიკის განაკვე

მხარს ვუჭერთ ნავთობიმპორტიორების მოთხოვნას ევრო 4-ის სტანდარტის დიზელზე 1-წლიანი მორატორიუმის ამოქმედების შესახებ - ირაკლი ლექვინაძე

17 სექტემბერი, 2019 , 16:24

ნავთობპროდუქტების იმპორტიორთა კავშირის თავმჯდომარე ვანო მთვრალაშვილი, საქართველოს ბიზნესომბუდსმენი ირაკლი ლექვინაძე, ნავთობ იმპორტიორი კომპანიების წარმომადგენლები და დარგის ექსპერტები 2020 წლიდან 1-ელი იანვრიდან დიზელის

საქართველოსა და აშშ-ს საავიაციო ხელისუფლებების წარმომადგენლებს შორის შეხვედრა გაიმართა

16 სექტემბერი, 2019 , 13:20

პირდაპირი საჰაერო მიმოსვლის დაწყების თაობაზე ამერიკის შეერთებულ შტატებში გამართული სამუშაო ვიზიტის ფარგლებში, მიმდინარე წლის 13 სექტემბერს, აშშ-ს და საქართველოს საავიაციო ხელისუფლებების წარმომადგენლებს შორის შეხვედრა გაი

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს