უკან

დღის კალენდარი

ანონსები

არქივი

ეკონომიკა

15 მაისი, 2018 17:30
font-size

საქართველოს ფერმერთა ასოციაციის თავმჯდომარე გაეროს მინისტერიალზე სიტყვით გამოვიდა

საქართველოს ფერმერთა ასოციაციის თავმჯდომარე ნინო ზამბახიძე აზია-წყნარი ოკეანის ეკონომიკური და სოციალური კომისიის(UN ESCAP) 74-ე სესიაზე სიტყვით გამოვიდა და საქართველოს სოფლის მეურნეობის სფეროზე ისაუბრა.

„ მე წარმოვადგენ საქართველოს ფერმერთა ასოციაციას, რომელიც არის ქოლგა ორგანიზაცია და მთელი ქვეყანის მასშტაბით აერთიანებს დაახლოებით 3800 ფერმერს. ჩემს ქვეყანაში ფერმერობა მდგრადი ეკონომიკური განვითარების ხერხემალად შეიძლება მივიჩნიოთ, თუმცა არ არსებობს მდგრადი განვითარება, მშვიდობის გარეშე. როდესაც ჩვენ ვსაუბრობთ 2030 წლის მდგრადი განვითარების დღის წესრიგზე, საქართველო ამ პროცესის მნიშვნელოვანი ნაწილია იმ გამოწვევებით, რომლის წინაშეც ქვეყანა დგას ამ გარდამავალ პერიოდში. საქართველო პატარა, გარდამავალი ეკონომიკის მქონე ქვეყანაა, 3.7 მილიონიანი მოსახლეობით, სადაც მთლიანი შიდა პროდუქტი ერთ სულ მოსახლეზე არის 4000 დოლარი და უმუშევრობის დონე 12%-ს. სამუშაო ძალის ერთი მესამედი თვითდასაქმებულია, როგორც ფერმერი“, - განაცხადა ზამბახიძემ.

სიტყვით გამოსვლისას ფერმერთა ასოციაციის თავმჯდომარემ იმ გამოწვევებს გაუსვა ხაზი, რომელმაც 2012 წლიდან ხელი შეუწყეს საქართველოს სოფლის მეურნეობის სექტორის გაძლიერებას.

„ 1999 წლიდან მოყოლებული, სოფლის მეურნეობაში მთლიანი შიდა პროდუქტი 25%დან 9%-მდე დაეცა და დღემდე ასეა. საბჭოთა კავშირის დანგრევის შემდეგ, საქართველოს მოსახლეობის ნახევარი გახდა გლეხი - არა იმიტომ რომ ეს მათი არჩევანი იყო, არამედ მათ სხვა გამოსავალი არ ჰქონდათ. თუმცა, ეკონომიკურმა რეფორმებმა და სახელმწიფოს, კერძო სექტორისა და დონორების მხრიდან წამოსულმა ინიციატივებმა, 2012 წლიდან ხელი შეუწყო საქართველოს სოფლის მეურნეობის სექტორის გაძლიერებას. დღესდღეობით, ეკონომიკური განვითარება ერთ-ერთი გამოწვევაა საქართველოსთვის. ქვეყნისთვის სიღარიბის შემცირება კვლავ პრიორიტეტად რჩება. სიღარიბის ზღვარს ქვემოთ მოსახლეობის წილი, წლიდან წლამდე მცირდება. სოფლის მეურნეობის სფეროში დასაქმებულთა საშუალო ხელფასი იზრდება. ბოლო ათწლეულის განმავლობაში ის 32%-ით გაიზარდა. რაც შეეხება სოფლის მეურნეობის პროდუქტების ექსპორტს ის 40 %-ით გაიზარდა. მიუხედავად ყველაფრისა, სოფლის მეურნეობის სფეროს სჭირდება გაუმჯობესება ქვეყნის განვითარებისთვის,“-განაცხადა ნინო ზამბახიძემ.

როგორც ფერმერთა ასოციაციის თავმჯდომარემ გაეროს მინისტერიალზე აღნიშნა, დაბალი პროდუქტიულობა მუდმივად ხელის შემშლელი ფაქტორი იყო საქართველოს სოფლის მეურნეობის კონკურენტუნარიანობისათვის ადგილობრივ და საერთაშორისო ბაზარზე. იმისათვის, რომ მსოფლიო ბაზარზე კონკურენტუნარიანობა გაიზარდოს, საქართველოს მეწარმეებმა კონცენტრაცია უნდა გააკეთონ კვების უსაფრთხოებასა და ხარისხზე, რათა აღნიშნული შესაბამისობაში მოდიოდეს იმ ასოცირების ხელშეკრულების მოთხოვნებთან, რომელსაც ხელი მოეწერა 2014 წელს ევროკავშირსა და საქართველოს შორის. „ საქართველოში კვების უსაფრთხოების მხრივ დიდი გამოწვევა არის იმპორტის მაღალი მაჩვენებელი , მცირე ადგილობრივი წარმოება და ხარისხიან საკვებზე ხელმისაწვდომობა, განსაკუთრებით მაღალმთიან რეგიონებში. საკვების რეზერვის არ ქონის გამო, საქართველოს პროდუქტების 70%-ი იმპორტირებული იყო. თვითუზრუნველყოფის დონე არის 20 % და უფრო დაბალი სოფლის მეურნეობის პროდუქტებისთვის. თუმცა მდგომარეობა უმჯობესდება. Global Hunger Index - ის თანახმად, საქართველო 119 ქვეყნიდან 32-ე ადგილზეა შიმშილობის დაბალი ინდექსის მაჩვენებლით, ჯინის კოეფიციენტი არის 0,39, რაც გულისხმობს საშუალო უთანასწორობის დონეს. პოლიტიკური სტაბილურობა ქვეყნის ეკონომიკური განვითარების წინაპირობაა. სტაბილური პოლიტიკური გარემოს შემთხვევაშიც რთულია კვების უსაფრთხოების საკითზე ზრუნვა სახელმწიფოს მონაწილეობის და მკაფიო პოლიტიკის გარეშე. ასევე მნიშვნელოვანია ამ საკითხებზე ცნობიერების ამაღლებისათვის სამოქალაქო საზოგადოების ჩართულობა, „-აღნიშნა ნინო ზამბახიძემ.

ფერმერთა ასოციაციის თავმჯდომარის სიტყვით გამოსვლა, განათლებისა და ფინანსური უზრუნველყოფის თანაბარი ხელმისაწვდომობის საკითხსაც ეხებოდა, რომელიც ერთ-ერთ გამოწვევად რჩება, განსაკუთრებით სოფლად მყოფი მოსახლეობისთვის. ტექნოლოგიების გარეშე, ფერმერების მოსავალი მცირეა ერთ ჰექტარზე და მათ არ აქვთ შესაძლებლობა , რომ იყვნენ კონკურენტუნარიანები ადგილობრივ ბაზარზეც კი. არ არსებობს ფერმერთა რეესტრი. მიწის რეგისტრაციის პროცესი არ დასრულებულა. შესაბამისად, ფინანსურ ინსტიტუტებს ეს სფერო სარისკოდ და ნაკლებ შემოსავლიანად მიაჩნიათ. “მაღალ სტანდარტებთან შესაბამისობისა და განვითარების სურვილით, საქართველო შეუერთდა მსოფლიოს სხვა ქვეყნებს 2030 წლის მდგრადი განვითარების მიზნების მიღწევის პროცესში. მდგრადი განვითარების საბჭო შეიქმნა საქართველოს მთავრობის ადმინისტრაციის მიერ პროგრესის მონიტორინგის მიზნით, სადაც საქართველოს ფერმერთა ასოციაცია აქტიური მონაწილეა. მონაცემების გარეშე რთულია პროგრესისთვის თვალის დევნება, მაგრამ ზოგადი დინამიკა პოზიტიური და იმედისმომცემია“.

უნდა აღვნიშნო, რომ გარემოს დაცვის და სოფლის მეურნეობის სამინისტრო, ასევე ეკონომიკისა და მდგრადი განვითარების სამინისტრო მხარს უჭერენ ფერმერებს, ახალგაზრდებს, ეთნიკური უმცირესობებს და ქალებს სხვადასხვა პროექტების მეშვეობით. „ ასევე აღსანიშნავია ევროკავშირის, USAID - ის, ავტრიის განვითარების სააგენტოს, შვეიცარიის განვითარების სააგენტოს, BP-ის, UNDP -ის, UN Women-ის , FAO-ს და IFAD - ის უდიდესი წვლილი საქართველოს სოფლის მეურნეობის განვითარებასა და 2030 წლის მდგრადი განვითარების მიზნების შესრულების პროცესში. დიდი იმედი მაქვს, რომ მომავალში ჩემი ქვეყნის წარმომადგენელი ამაყად ისაუბრებს 2030 წლის მდგრადი განვითარების მიზნების მიღწევებსა და წინსვლებზე. ასევე, სიამაყით იტყვის ,რომ არავინ დარჩენილა უყურადღებოდ ,“-განაცხადა ნინო ზამბახიძემ.

საკვანძო სიტყვები:

უცხოური ვალუტის ოფიციალური კურსი

22 მაისი, 2018 , 09:00

21 მაისის ვაჭრობის შედეგად აშშ დოლარი გაუფასურდა და 2.4365 ლარი შეადგინა. კურსი, რომელიც გუშინ მოქმედებდა, 2.4423 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.58 თეთრი შეადგინა.  გაუფასუ

უცხოური ვალუტის ოფიციალური კურსი

21 მაისი, 2018 , 17:30

21 მაისის ვაჭრობის შედეგად აშშ დოლარი გაუფასურდა და 2.4365 ლარი შეადგინა. კურსი, რომელიც დღეს მოქმედებდა, 2.4423 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.58 თეთრი შეადგინა.  გაუფასურ

ვალუტის კურსზე დამოკიდებული ფინანსური ინსტრუმენტებით ვაჭრობა განსაკუთრებულ რისკებთან არის დაკავშირებული - სებ-ის შეხსენება მომხმარებლებს

21 მაისი, 2018 , 16:25

საქართველოს ეროვნული ბანკი კიდევ ერთხელ ახსენებს მომხმარებელს, რომ 2018 წლის 11 აპრილიდან სავაჭრო პლატფორმის საშუალებით უცხოური ვალუტით (ე.წ. FOREX) ან ვალუტის კურსზე დამოკიდებული ფინანსური ინსტრუმენტებით ვაჭრობის ორგანი

თვითდასაქმებულთა წილი დასაქმებულებში 51.7%-ს შეადგენს - საქსტატი

21 მაისი, 2018 , 15:10

2017 წელს ეკონომიკურად აქტიური და შრომისუნარიანი ასაკის მოსახლეობის (15 წლისა და უფროსი ასაკის მოსახლეობა) წილი 65.8%-ს შეადგენს. ამის შესახებ წერია უმუშევრობისა და დასაქმების შესახებ საქსტატის ახალ კვლევაში. 2016 წელთან

კომერციულმა ბანკებმა პილარ 3-ის ფარგლებში წლიური ანგარიშები პირველად გამოაქვეყნეს

21 მაისი, 2018 , 15:10

საბანკო სისტემის საქმიანობის მაქსიმალური გამჭვირვალობის და საბაზრო დისციპლინის გაუმჯობესების უზრუნველყოფის მიზნით, კომერციულმა ბანკებმა პილარ 3-ის ფარგლებში წლიური ანგარიშები პირველად გამოაქვეყნეს. საქართველოს ეროვნული ბ

ქვიშა-ხრეშზე საწყისი სალიცენზიო ფასის ოპტიმიზაცია განხორციელდა

21 მაისი, 2018 , 15:10

სასარგებლო წიაღისეულის ზოგიერთ სამშენებლო მასალაზე, მაგალითად, ქვიშა-ხრეშზე, საწყისი სალიცენზიო ფასის ოპტიმიზაცია განხორციელდა. აღნიშნული გადაწყვეტილების მიღება წინ უძღოდა საქართველოს ეკონომიკისა და მდგრადი განვითარების

ვიდეო გალერეა

ინტერვიუ ვანიჩკასთან - ნატო ჩხეიძე