უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
საქართველოს განათლების, მეცნიერების, კულტურისა და სპორტის სამინისტრო მსოფლიო ეკონომიკურ ფორუმთან თანამშრომლობას იწყებს
საქართველო მსოფლიო ეკონომიკურ ფორუმთან თანამშრომლობას განათლების სფეროში იწყებს. შესაბამის დოკუმენტს საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა, მმართველი ბორდის წევრმა ოლივიე შუაბმა და ფორუმის დირექტორმა საადია ზაჰიდმა დისტანციურად მოაწერეს ხელი. აღნიშნული დოკუმენტით საფუძველი ჩაეყარა მსოფლიო ეკონომიკურ ფორუმსა და სამინისტროს შორის თანამშრომლობას საჯარო და კერძო პარტნიორობის ინიციატივის განვითარების მიმართულებით “Closing the Skills Gap Accelerator in Georgia”-ს ფარგლებში.
სამინისტრო პროფესიული განათლების მიმართულებით ინტენსიურ კამპანიას აწარმოებს კერძო სექტორის სხვადასხვა დარგის წარმომადგენლებთან. საჯარო-კერძო პარტნიორობით იგეგმება ახალი პლატფორმის შექმნა, რასაც მსოფლიო ეკონომიკური ფორუმი აქტიურად დაუჭერს მხარს.
გარდა ამისა, მსოფლიო ეკონომიკურ ფორუმსა და სამინისიტროს შორის თანამშრომლობა ორიენტირებული იქნება ადამინური კაპიტალის განვითარებაზე, მთელი სიცოცხლის მანძილზე სწავლისა და უნარების გაუმჯობესებაზე, ხელახალ დასაქმებაზე სამუშაო ბაზრის მოთხოვნების შესაბამისად, ინოვაციური უნარების დაფინანსების მოდელების შემუშავებაზე.
მსოფლიო ეკონომიკური ფორუმი წარმოადგენს მსოფლიოში მაღალი რეპუტაციის მქონე საერთაშორისო ორგანიზაციას, რომლის მიზანია, პოლიტიკის, ბიზნესისა და აკადემიური წრეების მსოფლიო ლიდერთა ჩართვა გლობალური, რეგიონული და ინდუსტრიული დღის წესრიგის ფორმირებაში. ფორუმი მნიშვნელოვან როლს ასრულებს მსოფლიოს მოწინავე სახელმწიფოების წინაშე მდგარი პრობლემებისა და გამოწვევების ეფექტიანად გადაჭრის გზების განსაზღვრაში საერთაშორისო ასპარეზზე მოქმედი ბიზნეს სექტორის, მთავრობებისა და სამოქალაქო საზოგადოების ჩართულობით.
მსოფლიო ეკონომიკურ ფორუმთან თანამშრომლობის ფორმატი წარმოადგენს „ახალი ეკონომიკისა და საზოგადოების მომავლის ფორმირების პლატფორმის“ შემადგენელ ნაწილს. პლატფორმის მიზანია, ხელი შეუწყოს დოვლათიანი, ინკლუზიური და თანასწორი ეკონომიკის მქონე სახელმწიფოსა და საზოგადოების ფორმირებას, რის შედეგადაც საქართველოს მოქალაქეებს საკუთარი პოტენციალის სრულად რეალიზების შესაძლებლობა მიეცემათ.