უახლესი ამბები
არქივი
რეგიონები
,,საქართველოს გაზის ტრანსპორტირების კომპანია“ გაზის ოდოზირებასთან დაკავშირებით განცხადებას ავრცელებს
საქართველოს გაზის ტრანსპორტირების კომპანიის განცხადებით, 25 ოქტომბერს თბილისისა და რამოდენიმე რეგიონის გაზგამანაწილებელ სადგურში გაზის ოდორანტის ტრანსპორტირება იგეგმება, რის გამოც მოსახლეობა შესაძლოა სპეციფიკურმა სუნმა შეაწუხოს. ,,საქართველოს გაზის ტრანსპორტირების კომპანია“ მოსალოდნელი დისკომფორტის გამო მოსახლეობას ბოდიშს უხდის და აღნიშნავს, რომ ოდორანტის სუნი ადამიანის ჯანმრთელობისთვის საფრთხეს არ წარმოადგენს.
,,შპს ,,საქართველოს გაზის ტრანსპორტირების კომპანია“ გაცნობებთ, რომ ბუნებრივი გაზის ოდორიზების უწყვეტი პროცესიდან გამომდინარე საჭიროა ოდორანტის ტრანსპორტირება შესაბამის გაზგამანაწილებელ სადგურებში. მიმდინარე წლის 25 ოქტომბერს ოდორანტის ტრანსპორტირება განხორციელდება თბილისში ნავთლუღის გაზგამანაწილებელი სადგურის მიმართულებით. ოდორანტის ტრანსპორტირება ასევე მოხდება შპს „ბორჩალოს“ (მარნეულის რაიონი), ქარელის მუნიციპალიტეტის სოფელ სასირეთის, შპს „ჩირინა 3“-ისა და ვაზიანის (გარდაბნის რაიონი) გაზგამანაწილებელი სადგურების მიმართულებით. აქედან გამომდინარე, შესაძლოა ოდორანტის ტრანსპორტირების პროცესში დაფიქსირდეს აღნიშნული ნივთიერების სუნი, თუმცა ეს ადამიანის ჯანმრთელობისთვის საფრთხეს არ წარმოადგენს. შპს „საქართველოს გაზის ტრანსპორტირების კომპანია“ შესაძლო დისკომფორტის გამო, მოსახლეობას ბოდიშს უხდის”, - ნათქვამია განცხადებაში.
მარი ნამგალაძე