პოლიტიკა
საქართველოს ხვალ ალექსანდრ ლუკაშენკო ეწვევა
22-23 მარტს საქართველოს ბელორუსიის პრეზიდენტი ალექსანდრ ლუკაშენკო ეწვევა.
ვიზიტის ფარგლებში ლუკაშენკო პრეზიდენტ გიორგი მარგველაშვილს შეხვდება. მხარეები ორ ქვეყანას შორის სავაჭრო და ეკონომიკური ურთიერთობების სამომავლო პერსპექტივაზე იმსჯელებენ. ისინი ასევე განიხილავენ პროდუქციის მიწოდების გზების დივერსიფიკაციას, საერთო საწარმოების გახსნის შესაძლელობებს, თანამშრომლობას სამეცნიერო, სამედიცინო და განათლების სფეროებში.
ლუკაშენკო და მარგველაშვილი პოლიტიკურ თანამშრომლობაზე, საერთაშორისო კონტაქტებზე, ასევე რეგიონსა და მსოფლიოში შექმნილ სიტუაციაზე იმსჯელებენ.
ვიზიტის ფარგლებში, ბელარუსის პრეზიდენტი საქართველოს პრემიერ-მინისტრ გიორგი მარგველაშვილს და კათოლიკოს-პატრიარქ ილია მეორეს შეხვდება.
ლუკაშენკოს თბილისში ყოფნის დროს საქართველოს დედაქალაქი მინსკის დღეებს უმასპინძლებს. გაიმართება ერთობლივი ბიზნესფორუმი. დაგეგმილია რამდენიმე კულტურული და სპორტული ღონისძიება. ასევე გაიმართება მინსკში დამზადებული პროდუქციის გამოფენაც.
ლუკაშენკო ბოლოს საქართველოში 2015 წლის 22-24 აპრილს ეწვია.